ඵෙතිහාසික නාගදීපයේ තිස් දෙරියන් බුද්ධ ප්‍රතිමා වහන්සේ ඉදිකිරීම් සඳහා වෙරළාරක්ෂක දෙපාර්තමේන්තුවේ අනුමැතිය ගන්නැයි යාපන දිස්ත්‍රික් ලේකම් නාගලිංගම් වේදනායගම් මහතා නාගදීප විහාරාධිපති නවදගල පදුමකිත්ති තිස්ස උතුරු පළාත් ප්‍රධාන සංඝනායක  හිමියනට දන්වා ඇත.

විහාරස්ථාන දායක සභාව විසින් ගන්නා ලද තීරණයක් අනුව මෙම පිළිම වහන්සේ ඉදිකිරිම ඇරැඹූ බවත්  අමාත්‍ය විජයදාස රාජපක්ෂ මහතා මුල්ගල් තබා බුදු පිළිමය ඉදිකිරීම් කටයුතු  මීට මාස කීපයකට පෙර ආරම්භ කළ බවත් ඒ හිමියෝ පවසති. නාගදීපය හඳුනාගැනීමේ සංකේතය හා බුද්ධාලම්බන ප්‍රිතිය ඇති කිරීමේ අරමුණ ඇතිව නාගදීප විහාරය ඉදිරිපිට වෙරළ තීරයේ මෙම පිළිම වහන්සේ ඉදි කිරීමට කටයුතු සංවිධානය කර ඇතැයි ද ඒ හිමියෝ කියති.

වෙරළ තීරයේ භූගතව ඉදිකරන නාගලෝක කුටියට ඉහළින් මෙම පිළිමය ඉදි කීරිමට සැලසුම් කර ඇතැයි ද ඒ හිමියෝ කීහ.

බෞද්ධ දානපතියන්ගේ පරිත්‍යාගයෙන්  මෙහි වැඩකටයුතු ආරම්භ කර ඇති අතර ඉදිකිරීමට කලින් ප්‍රදේශයේ ග්‍රාමසේවකවරයා, ප්‍රාදේශීය ලේකම්වරයා සිවිල් සංවිධාන නියෝජිතයන් සියලුම දෙනා දනුම්වත් කර  ඒ හැමගේ එකඟතාවය ලැබුණු බවද ඒ හිමියෝ පැවසූහ.

බුදු පිළිමය ඉදිකිරීමට අවසර ඉල්ලා එවූ ලිපිය වෙරළාරක්ෂක දෙපාර්තමේන්තුවට යොමු කළ බව මහ දිසාපති නාගදීප නාහිමියනට දන්වා ඇත.

0190134bc9886d570b4dc7e693cc90b7cd5b3bcce9be339d65381b883256dcf9 0190134bc9886d570b4dc7e693cc90b7cd5b3bcce9be339d65381b883256dcf93288b0f150b3998f83259b930423dd0e4bfc5f1255c77239a76ac96596947f50824