මේ දිනවල පැවැත්වෙන එස්. එල්. පී. එල්. තරගාවලියේ සංවිධායක සමාගමක නියෝජිතයකු වන විදේශිකයකු සහ ශී‍්‍ර ලාංකික කාන්තාවක අතර ශී‍්‍ර ලංකා කි‍්‍රකට් මූලස්ථානයේදී පැවැති නොමනා හැසිරීමක් ශී‍්‍ර ලංකා කි‍්‍රකට් ආයතනයේ පහළ මට්ටමේ සේවකයකුගේ අතටම අසුවීම නිසා ඊයේ (16) දහවල් වන විට ශී‍්‍ර ලංකා කි‍්‍රකට් ආයතනය මහත් කැලඹීමකට ලක්ව තිබූ බව වාර්තාවේ. මෙම සිදුවීම අදාළ සේවකයා දැක ඇත්තේ එවන් නොමනා කි‍්‍රයා සම්බන්ධයෙන් සෙවිල්ලෙන් සිටින ලෙස ශී‍්‍ර ලංකා කි‍්‍රකට් ආයතනයේ ඉහළ මට්ටමේ නිලධාරියකු විසින් කරන ලද නියෝගයක් නිසා රාතී‍්‍ර කාලයේදී කි‍්‍රකට් මූලස්ථානයේ කටයුතු පිළිබඳව විමසිල්ලෙන් සිටියදීය. එවන් සිදුවීම් සම්බන්ධ සාක්‍ෂි ගණනාවක්ම පසුගිය සති දෙක තුන තුළ ශී‍්‍ර ලංකා කි‍්‍රකට් මූලස්ථානයෙන් සොයා ගන්නා ලද බවත් ඒ අනුව මෙවන් නොමනා දේ සම්බන්ධයෙන් විමසිල්ලෙන් සිටින ලෙස වෙනත් අංශයක සේවකයන් යොදවූ බවත් ඉතාමත් විශ්වාස කටයුතු ආරංචි මාර්ග වලින් වාර්තා වේ. "මේවා ඉතාමත් පහත් ගණයේ නින්දිත වැඩ, මේ වගේ දේවලට ශී‍්‍ර ලංකා කි‍්‍රකට් ආයතනයේ ස්ථාන යොදා ගැනීම කිසි සේත්ම ඉවසන්න බෑ” යයි අදාළ සිදුවීම ඇසින් දුටු සේවකයා අයත් අංශයේ වෙනත් අයකු සිය අනන්‍යතාව හෙළිදරව් නොකිරීමේ පදනම මත ‘ලංකාදීප’යට ඊයේ පැවසීය. ඒ සම්බන්ධයෙන් ශී‍්‍ර ලංකා කි‍්‍රකට් අයතනයේ උසස් නිලධාරියකුගෙන් කළ විමසීමකදී ඔහු කියා සිටියේ එස්. එල්. පී. එල්. තරගාවලියේ සංවිධායක සමාගමේ නිලධාරියකු සහ ශී‍්‍ර ලංකා කි‍්‍රකට් ආයතනයේ සේවිකාවක් බදාදා රාති‍්‍රය වන තුරුත් කිසියම් කාර්යයක නිරතව සිටි නමුත් නොමනා කිසිවක් සිදුවී නැති බවයි. ඔවුන් සිය කාර්යයෙහි නිරතව සිටියදී පහළ මට්ටමේ සේවකයකු කාමරයට එබිකම් කිරීමක් සම්බන්ධයෙන් ආරක්‍ෂක අංශයේ සටහන් පොතේ ලොග් සටහනක් පවා තබා ඇති අතර තමන්ගේ වරද වසං කිරීම සඳහා පහළ ශ්‍රේණියේ සේවකයා බිල්ලට දීමට සූදානම් වෙමින් ඔහුට විරුද්ධව විනය පරීක්‍ෂණයක් පැවැත්වීමේ සූදානමක් පවතින බවත් දැනගන්නට ඇත. කෙසේ වෙතත් මෙවන් නොමනා හැසිරීම් සම්බන්ධයෙන් සෙවිල්ලෙන් සිටින ලෙස උපදෙස් දුන් නිලධාරියා සිය පහළ මට්ටමේ සේවකයා ආරක්‍ෂා කිරීමට ඉදිරිපත් වුවහොත් අවුල් ජාලයක් ඇතිවිය හැකි යයි අදාළ සිද්ධිය සම්බන්ධයෙන් දැන සිටින උසස් නිලධාරීහු ඊයේ වන විටත් මහත් සේ චංචල වී සිටියහ. රාතී‍්‍ර 8.00 පසුවන තුරු සේවයේ නිරතව සිටින සේවක සේවිකාවන්ට නිවෙස් බලා යාම සඳහා ශී‍්‍ර ලංකා කි‍්‍රකට් ආයතනයෙන් ප‍්‍රවාහන පහසුකම් සපයන හෙයින් ඇතැම් අය ප‍්‍රවාහන පහසුකම් බලාපොරොත්තුවෙන්ම ශී‍්‍ර ලංකා කි‍්‍රකට් ආයතනයේ කල් මරමින් සිටින බවත් වාර්තා වේ. මේ අතර එස්. එල්. පී. එල්. තරගාවලියේ කණ්ඩායම් තමන් සමග සිටින විදේශීය කී‍්‍රඩකයන් සහ විදේශීය ආධාර කරුවන් සතුටු කිරීම සඳහා කොළඹ තරු පහේ හෝටල වල සාද පවත්වමින් සිටින බවත්, මෙම සාද පැවැත්වෙන අවස්ථාවන්හිදී සහ ඉන් අනතුරුවත් ශී‍්‍ර ලංකාවේ සංස්කෘතියට සහ සදාචාරයට කිසිසේත්ම නොගැළපෙන දේ සිදුවන බවත් දැනගන්නට තිබේ.