ෂනාලි කෞෂල්‍යා යනු නිරූපණ ක්ෂේත්‍රයට නවකයෙකි. ඇය පෞද්ගලික ආයතනයක රැකියාවක නියැළෙන අතරතුර නිරූපණ ක්ෂේත්‍රයට පිවිස සිටින්නීය. ඒ පිළිබඳව ඇය අපත් සමග මෙසේ දොඩමලු විය.

"මම දැනට පෞද්ගලික ආයතනයක සේවය කරනවා. ඊට අමතරව මානව සම්පත් කළමනාකරණය පිළිබඳව ඉගෙනීමේ කටයුතු කරගෙන යනවා. මම නිරූපණ ක්ෂේත්‍රයට පැමිණයේ විනෝදාංශයක් හැටියටයි. මොකද මම රැකියාවට තමයි මුල් තැන ලබාදී තියෙන්නේ. වෙලාවක් තිබුණොත් නිරූපණය පැත්තට දායකත්වය ලබාදෙනවා. දැනට Photo Shoot විතරයි මම කරලා තියෙන්නේ. මට හොඳයි කියලා දැනෙන දෙයක් ආවොත් බාරගෙන කරනවා. රැකියාවට සහ ඉගෙනීමේ කටයුතුවලට ප්‍රශ්නයක් නොවෙන ආකාරයටයි ඒ සියල්ල සිදුකරන්නේ. මම කවදාකවත් රැකියාවෙන් ඉවත් වෙන්නේ නැහැ. මොකද හැමදාම ක්ෂේත්‍රය තුළ රැඳිලා ඉන්න බැහැනේ. ඒක නිසා නිරූපණය කියන දේ විනෝදාංශයක් ලෙස කරගෙන යනවා මිසක් ඒක මගේ වෘත්තිය බවට පත්කරගන්නේ නැහැ."

ඩිලාන් ක්‍රිෂාන්ත / ඡායාරූප - ඒෂාන් ප්‍රනාන්දු