ප්‍රවීණ ගායකයෙකු වන මිල්ටන් පෙරේරාගේ පුත් ප්‍රියංකර පෙරේරාට බොහෝදෙනා දක්වන්නේ මහත්වූ සෙනෙහසක්. ඒ ඔහුගේ ඇති ගායන ශෛල්‍ය සහ ඔහුගේ පියාට ඇති සෙනෙහස නිසායි. ඔහුගේ ඉදිරි කටයුතු පිළිබඳව අපත් සමග මෙසේ කතා බහක යෙදුණා.

ලබන මාසේ ඔස්ට්‍රේලියාවට සහ ඇමෙරිකාවට ප්‍රසංග සඳහා දායක වෙන්න තියෙනවා. මීට අමතරව කරපු විශේෂ දේ තමයි අපේ තාත්තගේ ඒ කියන්නේ මිල්ටන් පෙරේරාගේ අවුරුදු 50කට පෙර ඉස්සර ජනප්‍රිය වෙලා තිබුණු, අද කාලේ ඇහෙන්නේ නැති ගීත එකතු කරලා "පැදුර" කියන සීඩී එක කළා. ඒ කාලේ පැදුරු සංස්කෘතියක් තිබුණනනේ. ඒ බජව් ආකාරයට නිර්මාණය කරනු ලැබූ සංගීත තැටියක් තමයි මේක. ඒ ඉතාමත් ජනප්‍රියත්වයට පත් වුණා. මොකද මේ කාලේ සීඩී තැටි මාර්කට් එකක් නැති නිසා ඒක අතින් අත සහ යාළුවන් අතරේ තමයි අලෙවි වුණේ. ගොඩක් අය අහනවා ඇයි මේවගේ දෙයක් කරන්න පරක්කු වුණේ කියලා. මීට අවුරුදු 4කට 5කට කලින් කළා නම් කොච්චර හොඳයිද කියලා අහනවා. ඒකාලේ ලංකාවේ සීඩී මාර්කට් එකක් තිබුණනේ. මොකද මේ ගීත තැටිය කළේ ගිය අවුරුද්දේ අන්තිම කාලයේදීයි.

ඩිලාන් ක්‍රිෂාන්ත / ඡායාරූප අනුග්‍රහය - ප්‍රියංකර පෙරේරාගේ ෆේස්බුක් ගිණුම