ප්‍රංශයේ දී අත් අඩංගුවට ගත් කොටි නායකයකු වන  ජෙයන්තන් ධර්මලිංගම් ශ්‍රී ලංකාවට පිටුවහල් කිරීම සඳහා උසාවි නියෝගයක් අපේක්ෂාවෙන් එරට රඳවාගනු ලැබ සිටියි.        ශ්‍රී ලංකාවේ බෙදුම්වාදි කොටි සංවිධානයේ ප‍්‍රධානියක් ලෙස සැලකෙන ජාත්‍යන්තර ඉන්ටර්පෝල් ආයතනයේ වරෙන්තු ගත ලැයිස්තුවේ ප‍්‍රමුඛයකු වූ  ජෙයන්තන් තර්මලිංගම් (36)  පැරීසියට කි:මි: 32ක් ඈතින් පිහිටි චෙසී නගරයේ පොලීසිය විසින් අත් අඬංගුවට ගනු ලැබීය. ඔහු ශ්‍රී ලංකාවේ ආරක්ෂක අමාත්‍යාංශයේ ලේකම් ගෝඨාභය රාජපක්ෂ මහතා ඝාතනය කිරීමට තැත් කිරීම ඇතුළු  බෝම්බ පිපිරවීමට සම්බන්ධ ත‍්‍රස්තවාදි කන්ඩායමක් මෙහෙයවා ඇතැයි කියති. 
මොහු ලංකාවෙන් පැන ගොස් ප‍්‍රංශයේ අග නගරයට නුදුරු චෙසී නගරයේ වාසය කරමින් නීත්‍යානුකූල බලපත් නොමැතිව සේවය කරමින් සිටියදී පොලිසිය කළ කැඳවීමකට පොලිස් ස්ථානයට පැමිණි අවස්ථාවකදී අත් අඬංගුවට පත්වූ බව පැරීසියේ පළවන ප‍්‍රසිද්ධ පුවත් පතක් වන පැරීසියන් පුවත් පතට පොලිස් ප‍්‍රකාශක කළ ප‍්‍රකාශයක සදහන්වේ. ශ්‍රී ලංකවේ ජීවිතාන්තය දක්වා සිර දඩුවම් නියමවී ඇති මොහු දුටු තැන අල්ලා ශ්‍රී ලංකාවේ රජයට බාරදිය යුතුබවට  වරෙන්තුවක් ඇත්තෙකි.
පසුගිය 17 වෙනි සිකුරාදා රටින් පිටුවහල් කිරීමට අවශ්‍යය අවසර ලබා ගැනීමට ඉහල උසාවියකට යොමු කර ප‍්‍රංශයේ දේශසීමා ආරක්ෂක විශේෂ පොලිස් ඒකකයක අත් අඩංගුවේ පසුවේ. ජාත්‍යන්තර වරෙන්තුවට අනුව ඉදිරි දිනයකදී ඔහු ශ්‍රී ලංකාවේ රජයට භාර දෙතියි අපේක්ෂා  කැරේ.