දක්ෂිණ අධිවේගි මාර්ගයේ දී  නියෝජ්‍ය ඇමැති හේමාල් ගුණසේකර මහතාට මෑතදී දඩ කොළයක් දුන්  පොලිස් කොස්තාපල් සුමින්ද සමන්ටත්  උප පොලිස් පරීක්ෂක ආර් ආර් එම් බණ්ඩාර දුනුවිලටත් එරෙහිව පවරා ඇති අල්ලස් නඩුවෙන් ඔවුන් දෙදෙනාටම අද (21) ඇප  නියම විය.

රුපියල් විසිපන්දහස බැගින් මුදල් හා රුපියල් දෙලක්ෂය බැගින් ශරීර ඇප දෙකක් මත ඔවුන් මුදා හරින ලෙස කොළඹ මහාධිකරණ විනිසුරු ලලිත් ජයසුරීය මහතා නියෝග කළේය.

කළුතර කිතුලවල මත්පැන් පෙරන කතකගෙන් 2009 දී   අරක්කු බෝතල ප්‍රමාණය අඩුවෙන් නඩුවට ඉදිරිපත් කිරීම සඳහා කොස්තාපල් සුමින්ද රුපියල් දහසක්ද එස් අයි රුපියල් දසදහසක් ද ගත්තැයි  අල්ලස් කොමිසම මෙම නඩුව පවරා ඇත.