බදු නොගෙවූ මෙන්ඩිස් සමාගමේ අධ්‍යක්ෂ අර්ජුන මාස හයක් සිරගෙට

(රෝෂන් තුෂාර)

රජයට අයවිය යුතු රුපියල් බිලියන 3.5ක (කෝටි 355ක් ) වැට් බදු ගෙවීම් පැහැර හරින ලදැයි කියන ඩබ්.එම්.මෙන්ඩිස් සහ සමාගමේ අධ්‍යක්ෂ අර්ජුන ඇලෝසියස් ඇතුළු තිදෙනකුට කොළඹ අතිරේක මහේස්ත්‍රාත් බණ්ඩාර ඉළංඟසිංහ මහතා අද මස හයක සිර දඬුවම් නියම කළේය.

අදාළ බදු මුදල් ගෙවන ලෙසට 2023/11/14 අධිකරණය නියෝග කර තිබියදී එම බදු මුදල් නොගෙවා පැහැර හැරම හේතුවෙන් මෙම දඬුවම නියම කළේය.

අදාළ නඩුව කැඳවීමෙන් අනතුරුව වගඋත්තරකරුවන් අධිකරණයේ පෙනී සිටි අතර වග උත්තරකරුවන් අද දිනයේදී අදාල බදු මුදල් නොගවන්නේ නම් මාස හයක ලිහිල් සිරදඬුවමක් නියම කරන බව මහේස්ත්‍රාත්වරයා දන්වා සිටියේය.

වග උත්තරකරුවන් මීට පෙර නඩු දිනයේදී අධිකරණ යේ පෙනී නොසිටීම හේතුවෙන් අධිකරණය මගින් වරෙන්තුවක් ද නිකුත් කර තිබිණි.

2016 සහ 2019 අතර කාලය තුළ රජයට අය විය යුතු වැට් බදු මුදල වන රුපියල් බිලියන 3.5ක් ගෙවන ලෙසට විත්තිකරුවන්ට නියෝග කරන ලෙස ඉල්ලා දේශීය ආදායම් කොමසාරිස්වරයා මෙම නඩුව පවරා තිබිණි.

දේශීය ආදායම් දෙපාර්තමේන්තුවේ කොමසාරිස් ජෙනරාල්වරයා වෙනුවෙන් නීතිඥ දිනේෂ් පෙරේරා මහතා පෙනී සිටියේය.

විත්තිකරුවන් වෙනුවෙන් නීතිඥ චානක්ඛයා ලියනගේ මහත්මිය පෙනී සිටියාය.

අදහස් (11)

බදු නොගෙවූ මෙන්ඩිස් සමාගමේ අධ්‍යක්ෂ අර්ජුන මාස හයක් සිරගෙට

ජයනාත් Monday, 14 October 2024 12:28 PM

එතකොට මුදල් අය වෙන්නේ නැත්ද.. සිර දඬුවම විතරක් මදි.

: 5 98

Chaminda Monday, 14 October 2024 12:48 PM

එයින් කියන්නේ අද දිනයේ ගෙවීම් නොකරන්නේ නම් මාස හයක සැහැල්ලු සිර දඬුවමක් දෙනවා කියලා තමයි අදාල මුදල් ගෙවීම අනිවාර්ය වෙනවා..

: 2 61

NalinMonday, 14 October 2024 12:51 PM

බදු මුදලට දඬුවම නෙමෙයි, අද ගෙවපු නැති හින්දයි හිර දඬුවම දීලා තියෙන්නේ...! බදු මුදල කොහොමත් ගෙවන්න ඕනේ...!

: 2 78

Gon Monday, 14 October 2024 12:47 PM

බිලියන 3.5ට මම නම් අවුරුද්දක් වුණත් හිරේයනවා...!

: 8 26

Gihan Monday, 14 October 2024 12:48 PM

දේපල රජයට පවරාගෙන වෙන්දේසි කරලා බදු මුදල් පියවා ගත්තා නම් හරිනේ. මාස 6 ඇතුලේ ඉඳලා එයි. රජයේ බදු මුදල් හම්බ වෙන්නේ නෑ...

: 9 15

නොමිලේ Monday, 14 October 2024 01:13 PM

එයා රටට වැරැදි කරනවා. රට එයාට කන්න, බොන්න, නවාතැන් දෙනවා. ඔය කොම්පැනිය විකුණලා මුදල පොලියකුයි, දඩයකුයි එක්ක අයකරන් අර පහසුකම් දුන්නාට කමක් නෑ...!

: 0 16

ලසා Monday, 14 October 2024 01:17 PM

ඔය මාස 6 ඉවර වෙලාත් නොගෙව්වොත් සියලුම දේපළ රජයට පවරාගෙන වෙන්දේසිකර බදු අයකරනවා. බදු නීතිය ඉතාම දැඩි එකක්...!

: 0 38

විපරමා Monday, 14 October 2024 01:34 PM

මෙයා විතරක් නෙවෙයි, තවත් අය ඉන්නවා. දේශපාලුවෝ සහ ඔවුන්ගේ පිහිටෙන් ව්‍යාපාර කරගෙන යන අයත්...?

: 1 26

H.M ඉදුනිල් කුමාර Monday, 14 October 2024 02:19 PM

මොවුන් විතරක් නෙමේ... තව ඉන්නවා බැංකු ලෝන් පවා ගෙවන්නැතුව ඇරියස් කරලා හිතා මතාම මග හැරලා ඉන්නේ... මේ අයට දේසපාලකයින් උදව් කරනවා... මේ අයට අනිවාරෙන් නීතිය කළයුතුයි මේ අය දැනගන්න ඕනෑ කොච්චර සෙල්ලන් දැම්මත් හරි නායකයෙක් ආවොත් ඒ සේරම සෙල්ලන් කරලා ඉවරබව ඔවුන්ට නිසි දඩුවම් ලබා දෙන්න අපි බලාගෙන ඉන්නේ මේවා...!

: 0 10

ranjith Monday, 14 October 2024 02:21 PM

අර්ජුන මහේන්ද්‍රන් සහ රනිල් මේ දෙන්නා ඒකට හිරේට දාන්න. මොවුන්ට ජනාධිපති ආරක්ෂාවන් සහ තව වරප්‍රසාද සඳහා රටේ මිනිස්සුන්ගේ මුදල් නාස්ති කරන්න එපා...

: 2 11

nimal Monday, 14 October 2024 02:47 PM

බන්ධනාගාර රෝහල ඔහු වෙනුවෙන් සූදානම්. ඔහු අසනීප තත්ත්වයෙන් පසුවෙයි. මාස හයක් ඔහු බන්ධනාගාර රෝහලේ රැඳී සිටින අතර නිවසේ සිට ආහාර ලබා ගත හැකි අතර ජංගම දුරකථනය ද භාවිතා කිරීමට ඉඩ සලසයි

: 0 3

ඔබේ අදහස් එවන්න

එසැණ පුවත්

නෙදන්යාහුට වරෙන්තු

2024 නොවැම්බර් මස 22 762 0

යුද අපරාධ චෝදනා සම්බන්ධයෙන්, ඊශ්‍රායල අග්‍රාමාත්‍ය බෙන්ජමින් නෙදන්යාහු අත්අඩංගුවට ගන්නැයි ජාත්‍යන්තර අපරාධ අධිකරණය වරෙන්තු නිකුත් කර ඇත.

රුසියන් හමුදා බැලැස්ටික් මිසයිලවලින් පහර දෙයි

2024 නොවැම්බර් මස 22 1533 0

රුසියානු හමුදාව, ඔවුන් සතු අති නවීන මධ්‍ය ධුර බැලැස්ටික් මිසයිල යොදා ගනිමින් යුක්රේනයට ප්‍රහාරයක් එල්ල කළේය.

පාලම කඩා වැටී සේවකයා මරුට

2024 නොවැම්බර් මස 21 1130 0

නාගොඩ කැප්පිටියාගොඩ ප්‍රදේශයේ ගිං ගග හරහා ඇති යකඩ පාලමක් අලුත්වැඩියා කටයුතු සිදු ඉදිකරමින් සිටි පුද්ගලයකු අද (21) සවස පාලම කඩා වැටීම හේතුවෙන් පාලමේ මැ

මුස්ලිම් කොංග්‍රස් ජාතික ලැයිස්තුව නම් කරයි

2024 නොවැම්බර් මස 21 2127 0

ශ්‍රී ලංකා මුස්ලිම් කොංග්‍රසයට හිමි ජාතික ලැයිස්තු මන්ත්‍රී ධුරය සඳහා මඩකලපුව දිස්ත්‍රික්කයෙන් මහ මැතිවරණයට තරග කළ එම්.එස් නලීම් මහතා පත් කර තිබේ.

කිරුලපනේ කතක් අභිරහස් ලෙස මරලා

2024 නොවැම්බර් මස 21 1354 0

කිරුලපන කාලිංග මාවතේ කොලොම්තොට සරසවි උයන මහල් නිවාස සංකීර්ණයේ දෙවන මහලේ නිවසක තනිව සිටි 70 හැවිරිදි වයෝවෘද්ධ කාන්තාවක් ඊයේ (21) දහවල් අභිරහස් ලෙස ඝාතනය ක

කුරුණෑගල පිරමිඩ වංචාකරු යළි රිමාන්ඩ්

2024 නොවැම්බර් මස 21 514 0

රුපියල් කෝටි දාහකට අධික මුදල් වංචා කළේ යැයි කියන කුරුණෑගල ’’ජෙනිසීස් බිස්නස් ස්කූල්’’නැමැති පිරමීඩාකාර නීති විරෝධී මුල්‍ය ආයතනයේ අධ්‍යක්ෂවරයා සහ ඔ