ප්‍රසන්න පත්මසිරි

බදුල්ල මහ නගර සභවේ බලය මාස තුනකට විශේෂ කොමසාරිස්වරයකුට පැවරීම මන්ත්‍රිවරුන්ට ඉතාම හොද පාඩමක් බවත් නැවතත් නගරාධිපති තනතුර මාස තුනකින් තමාටම හිමිවෙනවා යැයි හිටපු නගරාධිපති ප්‍රියන්ත අමරසිරි මහතා පැවසීය.

බදුල්ල මහ නගර සභාවේ නගරාධිපතිවරයාට මන්ත්‍රිවරුන් බහුතරයකගේ සහයෝගය නොලැබීම හේතුවෙන් සභාව අක්‍රීය වීමෙන් ඌව පළාත් ආණ්ඩුකාරවර ඒ.ජේ.එම් මුසම්මිල් මහතා විසින් සභාවේ කටයුතු අත්හිටුවා විශේෂ කොමසාරිස්වරයකු යටතට පත්කීරීමේ ගැසට් නිවේදනයකින් නිකුත් කර ඇත.

නගර සභාව සභිකයින් 25 දෙනෙකුගෙන් සමන්විත වන අතර ශ්‍රී ලංකා

පොදුජන පෙරමුණ හා ශ්‍රී ලංකා නිදහස් පක්ෂය එක්ව බලය තහවුරු කරගෙන තිබිණි.

හිටපු නගරාධිපති ප්‍රියන්ත අමරසිරි මහතා එහිදී වැඩිදුරටත් මෙසේ ද පැවසීය.

මම නගරාධිපති වශයෙන් සභාව ආරම්භයේ දි බදුල්ලට වැඩ ගොඩාක් කළා මේක සමහර බෝනස් වලින් පත්වුණ මන්ත්‍රීවරුන්ට බලාගෙන ඉන්න බැරි නිසා කුමන්ත්‍රණ කළා. සමහරු අවුරුදු දෙකෙන් තනතුර ගන්න බලාගෙන හිටියා. වසර දෙකෙන් තනතුර මාරුකරන්න කියලා මට අපේ නායකයෝ කියලා තිබුනේ නෑ.

2021 අයවැය පරාජය කරන්න මන්ත්‍රීවරුන් කටයුතු කළත් මම අයවැය නීතියානුකුලව දිනුවා.මම නීතියානුකුලවයි අයවැය ඉදිරිපත් කලේ සභාව පිහිටුවේ ශ්‍රී ලංකා පොදුජන පෙරමුණේ 8 දෙනා හා ශ්‍රී ලංකා නිදහස් පක්ෂයේ 5 දෙනා සමඟ දැන් වෙනකොට නගරාධිපතිකම ශ්‍රී ලංකා නිදහස් පක්ෂයට ඕනි වුණා.

ඒකයි මෙතන ප්‍රශ්ණය.නමුත් මාත් එක්ක අපේ පක්ෂයේ ශ්‍රී ලංකා පොදුජන පෙරම්ණේ මන්ත්‍රිවරු අටදෙනා ඉන්නවා. අනිත් මන්ත්‍රීවරු උසාවි ගියා. උද්ඝෝෂණ කළා නීතිපතිට කිව්වා නීතිපති මාව නිවැරදි බවට පිළිගෙන ලියුමකුත්

එවා තිබුණා මේ මන්ත්‍රිවරුන්ට තියෙන්නේ බල තණ්හාව සභාව ගැන පරීක්ෂණයක් කරන තෙක් කොමසාරිස් පාලනයට පැවරීම ඉතාම හොඳයි මම නිවැරදි බව පරීක්ෂණයේදි ඔප්පු වුණාම මාස තුනකින් මම නැවතත් නගරාධිපති පුටුවේ වාඩි වෙනවා ඒක කාටවත් නතර කරන්න බෑ.මම තමයි තව මාස තුනකින් බදුල්ලේ නැවතත් නගරාධිපති ඒක කාටවත් වළකන්න බෑ.

සභාවේ මන්ත්‍රිවරු නීතිය පිළිගන්නේ නෑ දන්න කවුරු කියන දෙයක් වුණත් පිළිගත්තේ නෑ මට පදනම් විරහිත චෝදනා නැගුවා සම්මත වුණ අයවැය කරගෙන යන්න දුන්නේ නෑ මට මන්ත්‍රිවරුන්ට පගාව දෙන්න අතේ සල්ලි තිබුනේ නෑ ඒකයි මෙතන ප්‍රශ්නය මට දැන් තේරෙනවා.

මන්ත්‍රිවරු ඔවුන්ගේ රාජකාරිය කලේනෑ තනතුරු බලාගෙන කටයුතු කළා මේක කාටත් හොද පාඩමක් බදුල්ල නගරයේ පාරවල් 38ක් හදන්න 2021 වසරට මුදල් අනුමත කළා මම හදපු අයවැය විශේෂ කොමාරිස්ට කරගෙන යන්න පුළුවන් සභාවේ දිගටම කරන්නේ මගේ යෝජනා මම කොහොමත් දිනුම්. මාස තුනක් මම බලාගෙන ඉන්නවා මම පරිහරණය කළ සියලුම වාහන ඇතුළු උපකරණ අද  මම සභාවට බාරදෙනවා.  මාස තුනකින් නැවතත් නගරාධිපති තනතුර ඇරගෙන මම බදුල්ලේ ජනතාවට වැඩ කරනවා යැයි හිටපු  නගරාධිපති ප්‍රියන්ත අමරසිරි මහතා පැවසීය.