කැබිනට් තීරණ දැනුම් දිමේ මාධ්‍ය සාකච්ඡාව රජයේ ප්‍රවෘත්ති දෙපාර්තමේන්තුවේ දී අද පැවැත්විණි.

ඒ සඳහා කැබිනට් ප්‍රකාශකයන් වන ඇමැති දොස්තර රාජිත සේනාරත්න සහ ඇමැති ගයන්ත කරුණාතිලක මහත්වරුන්ට අමතරව නියෝජ්‍ය ඇමැතිවරුන් වන කරු පරණවිතාන සහ එරාන් වික්‍රමරත්න මහත්වරු ද, ප්‍රවෘත්ති අධ්‍යක්ෂ ජනරාල් රංග කලංසූරිය, හමුදා ප්‍රකාශක බ්‍රිගේඩියර් ජයනාත් ජයවීර මහත්වරු ද පැමිණ සිටියහ.

සුපුරුදු පරිදි කරුණාතිලක මහතා කැබිනට් තීරණ කෙටියෙන් පැහැදිලි කළේය.  ඉන් පසු වැට් බදු වැඩිකිරීම සම්බන්ධයෙන් නියෝජ්‍ය ඇමැති එරාන්ට ආරාධනා කළ ගහන්ත ඇමැතිවරයා කීවේ ‘ඔහුගේ කතාවෙන් පසු රාජිත ඇමැතිතුමා සුපුරුදුපරිදි ඉතුරුටික බලාගනියි.‘ යැයි කියද්දී සියලු දෙනාම සිනා සුනහ.

ඇමැතිවරුන්ගේ කතා වලින් පසු මාධ්‍යවේදීන් ප්‍රශ්න අසන්නට පටන් ගත්තේය.

බැසිල් රාජපක්ෂ හිටපු ඇමැතිවරයා කළැයි කියන ප්‍රකාශයක් සම්බන්ධයෙන් ප්‍රශ්න යොමු කැරණි.

මාධ්‍යවේදියෙක් - බැසිල් රාජපක්ෂ ඇමැතිවරයා කියා තිබුණා මේ ආණ්ඩුව බලු බද්ද සහ ඇග බද්දත් ගහන්න යන බව.

එම ප්‍රශ්නට පිළිතුරු දීමට නියෝජ්‍ය ඇමැති කරු පරණවිතාන මහතා සූදානම් වෙද්දීම දොස්තර රාජිත සේනාරත්න මහතා ඊට ඉස්සර විය.

රාජිත සේනාරත්න - බල්ලන්ට බදු ගහනකොට බැසිල් ඇමැතිතුමා ඇයි ඔච්චර කළබල වෙන්නේ?

යළි කරු පරණවිතාන මහතා කතා කරන්නට උත්සාහ දරද්දී ‘අනිත් කිසි දේකට කළබල වුණේ නැති එක්කෙනා ඇයි බල්ලන්ට ගහද්දි කළබල වෙන්නේ?‘ යැයි යළි රාජිත සේනාරත්න මහතා කීවේ සියලු දෙනාට සිනා නංවමිනි.

කරු පරනවිතාන - මේ ආණ්ඩුව බලු බද්දක් ගහලත් නෑ. ඇඟ බද්දක් ගහලත් නෑ. අත්‍යවශ්‍ය භාණ්ඩ වලට බදු ගහලත් නෑ. බලු බද්ද ගැහුවේ බැසිල් රාජපක්ෂලා තමයි. බල්ලු ගෙනත් බල්ලො බලාගන්න නාවික හමුදාවෙන් දැම්මා. රජකාලේ බදු ගෙව්වු ශ්‍රමයෙන්. නාවික හමුදාවෙන් බල්ලන් බලා ගන්න ශ්‍රමය ගත්තා කියන්නේ බලු බද්දක් ගැහුවා කියන එකයි.

ballo