පසුගිය රජය සමයේ වරැදි කළ පිරිස් තවමත් නිදැල්ලේ සිටින බව කියා රජයට චෝදනා එල්ල කළත් පොලිසියේ හා අධිකරණයේ ස්වාධිනත්වය ප්‍රජාතන්ත්‍රවාදය ආරක්ෂා කර නීතියට අනුකුලව වත්මන් රජය කටයුතු කරන බවත් පෙර රජය මෙන් නිතියට පිටින් දඬුවම් නොකරන බවත් එය රජයේ දුර්වලකමක් නොවන බවත් අමාත්‍ය එස්. බී. දිසානායක මහතා මහනුවරදි පැවැසිය.

‘සුදු වෑන් වලින් උස්සාගෙන ගොස් පසුව ආයුධ පෙන්වන්නට යන අවස්ථාවේදී එම ආයුධයෙන් පෙරලා වෙඩි තැබිමට යාමේදි වෙඩි කා පුද්ගලයින් මියයැමේ සිදුවිම් දැන් වාර්තා නොවන බවත් එවැනි දේ වත්මන් රජයෙන් කිසිවිටකත් බලාපොරොත්තු නොවිය යුතු බවත් අමාත්‍ය වරයා එහිදි පැවැසිය.

හිටපු ජනාධිපති මහින්ද රාඡපක්ෂ මහතාට ලබා දි ඇත්තේ ප්‍රභූ ආරක්ෂාව සඳහා විධිමත් පුහුණුවක් ලැබු විශේෂ කාර්ය බළකා නිලධරයන් බවත් යුද හමුදා නිලධාරින්ට එවැනි පුහුණුවක් ලබා දි නොමැති බවත් ඇමැති කීවේය.