ඉන්දීය අගමැති නරේන්ද්‍ර මෝදි මහතා ලබන මාර්තු මාසයේදී නිල සංචාරයක් සඳහා ශ්‍රී ලංකාවට පැමිණෙනු ඇතැයි ‘‘ටයිම්ස් ඔෆ් ඉන්දියා“ වෙබ් අඩවිය කියයි.

යම් හෙයකින් ඔහු පැමිණියහොත් වසර 28කට පසු ඉන්දීය අගමැතිවරයකු නිල සංචාරයක් සඳහා ශ්‍රී ලංකාවට පැමිණෙන ප්‍රථම අවස්ථාව එය වනු ඇත.

ඉන්දීය අගමැතිවරයකුවූ රජිව් ගාන්ධි 1987දී ශ්‍රී ලංකාවට පැමිණියේය.

ශ්‍රී ලංකා විදේශ අමාත්‍ය මංගල සමරවීර මහකා උපුටා දක්වමින් ටයිම්ස් ඔෆ් ඉන්දියා පුවත්පත කියනුයේ ලබන පෙබරවාරියේදී ශ්‍රී ලංකාවේදී රැස්වන ඉන්දු ශ්‍රී ලංකා ඒකාබද්ධ සැසිවාරය සඳහා ඉන්දීය විදේශ ඇමැතිනී සුෂ්මා ස්වරාජ් මහත්මියගේ ආගමනයෙන් පසුව ශ්‍රී ලංකාවේ නව ජනාධිපති මෛත්‍රීපාල සිරිසේන මහතාද ඉන්දීය සංචාරයක් සඳහා යනු ඇති බවයි.