(චාපා මධුභාෂිණී)
සෝමාවතිය රක්ෂිතයේ ඇතකු සහ අලි රංචුවක අලි සිවුදෙනකු මැදිරිගිරිය වටදාගෙය රක්ෂිතයේ කුඩා ප්රදේශයක දින 5ක් තිස්සෙ රැඳී සිටිමින් මැදිරිගිරිය නගරය අවට ගම්මානවලට රාත්රියේ සහ දිවා කාලයේ කඩා වැදීම නිසා ප්රදේශවාසීහු භීතියට පත්ව සිටිති.
මෙම අලි රංචුව ඊයේ දහවල් කාලයේ කඩා වැදීම හේතුවෙන් පාසල් හයක පමණ සිසු සිසුවියෝද දැඩි ලෙස භීතියට පත් වූහ.
මණ්ඩලගිරිය, නවනගරය, ජී.පී.එස්. හන්දිය, 5 ඇළ යන ගම්මානවල පිරිසක් මේ හේතුවෙන් දැඩි භීතියට පත්ව සිටිති.
වල් අලින්ට බියවීම නිසා කිසිවකුත් සිය නිවෙස්වලින් පිටතට නොයන අතර, අවට මාර්ග රැසක් පාළුවට ගොස් ඇති අයුරු දැකගත හැකිවිය.
වටදාගෙය රක්ෂිතයේ සිට ගම්මානයට අලි කඩා වැදී වගා කර ඇති සියලු බෝග විනාශ කර දමන බවට ගම්මු චෝදනා කරති.
මණ්ඩලගිරිය මහා විද්යාලය අවට ඊයේ දහවල් අලි තිදෙනකු සැරිසැරීම නිසා පාසල් දරුවන් ඉතා ආරක්ෂිත ලෙස මවුපියට බාරදීමට කටයුතු කළ බව පාසල් ආරංචි මාර්ග කියයි.
අලි අවදානම පිළිබඳව දැනගත් පාසල් පාලනාධිකාරිය ඒ සම්බන්ධයෙන් මව්පියන්ට කෙටි පණිවිඩ මගින් දැනුම් දී ඉතා ආරක්ෂිත ලෙස දරුවන් මවුපියන්ට බාරදීමට කටයුතු කළ අතර, පාසල් වෑන් රථය පාසල තුළට රැගෙන විත් ආරක්ෂිත ලෙස දරුවන් පිටත් කර යවා ඇත.
ගම්වාසීන් දැඩි ලෙස භීතියට පත්ව කලබලකාරී ලෙස දුව යන අයුරු දැකගත හැකි විය.
මණ්ඩලගිරිය මහා විද්යාලය, නවනගරය මහින්ද ජාතික පාසල, කොහොඹදමන කනිටු විදුහල, බිසෝ බණ්ඩාරපුර ප්රාථමිකය, පැරකුම්පුර ප්රාථමිකය සහ මැදිරිගිරිය ජාතික පාසලට මෙම ප්රදේශවල සිට ගමන් ගන්නා දරුවන්ගේ ජීවිත මේ නිසා දැඩි අවදානමකට ලක්ව ඇත.
අලුයම් කාලයේ පාසල් යෑම ඔවුන්ගේ ජීවිතවලට දැඩි අවදානමක් බවට පත්ව තිබේ.
මෙම වල් අලි රංචුව සෝමාවතිය රක්ෂිතයට පලවා හැරීමට කටයුතු නොකරන්නේ නම් දහවල් කාලයේ පවා වනජීවියට අලි එළවීමට සිදුවන බව ගම්වැසියෝ කියති.
මින් පෙර කිසිදු කාලයක මෙම ප්රදේශයට වල් අලි තර්ජනයක් නොවූ අතර, බිසෝපුර නව සංවර්ධන කලාපයක් කිරීම සඳහා සෝමාවතී රක්ෂිතයේ අක්කර 5000ක පමණ රක්ෂිතයක් විනාශ කර ජනතාවට ඉඩම් ලබා දීමට කටයුතු කිරීමත් සමග වල් අලින්ට සිය වාස භූමි අහිමි වීමෙන් ඔවුන් ගම්වදින බවට ප්රදේශවාසීහු චෝදනා කරති .
මේ හේතුවෙන් මිනිස් ජීවිත පමණක් නොව වල් අලි ජීවිතද අහිමි වූ බව ඔවුහු කියති.
මේ පිළිබඳව නවනගරය වනජීවී නිලධාරියකුගෙන් කළ විමසීමක දී ඔහු කියා සිටියේ අලි ගම්වැදී සිටීම හේතුවෙන් ඔවුන් පලවා හැරීමට තමන් ඇතුළු අනෙකුත් නිලධාරින් කටයුතු කළ බවත් ගම්වාසීන් කලබලයට පත්ව පාරවල් දිගේ රංචු වශයෙන් දුව යෑමත් සමග ඔවුන්ට එම කටයුත්ත කර ගැනීමට අපහසු බවයි.
තවද දහවල් කාලයේ වල් අලි එළවීම තරමක් අපහසු බවත් රාත්රී කාලයේ මෙම රංචුව එලවීමට කටයුතු කරන බවත්. මෙම සතුන් වටදාගෙය රක්ෂිතයෙන් එළියට දැමීමට කටයුතු කරන බවත් එය කොතරම් දුරට සාර්ථකවේද යන්න කිව නොහැකි බවත් ඔහු කීවේය.
ශ්රී ලංකා නිදහස් පක්ෂයේ ජ්යෙෂ්ඨ උප සභාපති ,ලේකම් හා ජාතික සංවිධායක තනතුරු සඳහා නව නිලධාරීන් පත් කිරීමට පක්ෂ විධායක කමිටුව ගත් තීරණ ක්රියාත්මක කිරී
අනුරාධපුර ජයන්ති මාවතේ පිහිටි බන්ධනාගාරය ඉදිරිපිට මාර්ගය අසල වෙළඳාමේ නිරත වෙළඳුන් ඉවත් කිරීම සඳහා අනුරාධපුර නගර සභාවේ නිලධාරීන් පැමිණීමත් සමඟ අද (9)
රුපියල් කෝටියක් පමණ වටිනා භාණ්ඩ තොගයක් නීතිවිරෝධී ලෙස මෙරටට ගෙනැවිත් , කටුනායක ගුවන් තොටුපොළ රේගුවට ප්රකාශ නොකර , කිසිවක් ප්රකාශ කිරීමට නොමැති ’’ හ
ඉන්දියාවේදී ලබන නොවැම්බර් 17 වැනිදා ආරම්භ වන ජාත්යන්තර ප්රවීණයන්ගේ ලීග් ක්රිකට් තරගාවලියට සහභාගි වන ශ්රී ලංකා ප්රවීණයන්ගේ ක්රිකට් කණ්ඩායමේ නා
රුසියාවත්, ඉරානයත් එක් වී, බ්රිතාන්යය අස්ථාවර කිරීමට කුමන්ත්රණය කරනවා යැයි බ්රිතාන්යයේ එම්.අයි.5 බුද්ධි අංශ ප්රධානී කෙන් මැකලම් අනතුරු අඟවයි.
මහ මැතිවරණය සඳහා ස්වාධීන කණ්ඩායම් සහ දේශපාලන පක්ෂ 33ක් අද වන විට නාමයෝජනා බාරදී ඇත.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
මැදිරිගිරියට අලි පැන අලි ජරමරයක්