බැසිල් රාජපක්ෂ අත්අඩංගුවට ගෙන මාතර මහේස්ත්‍රාත් අධිකරණයට ඉදිරිපත් කළ අවස්ථාවේ එම නඩුව වාර්තා කිරීමට පොලිසිය ඉඩ ලබා නොදීමට විරෝධය පළ කරමින් මාතර මාධ්‍යවේදියෝ සංවිධානය අද (14) මාතර දී මාධ්‍ය හමුවක් පැවැත්වීය.

එහිදී මාතර අධීකරණ වාර්තාකරුවෙකු වන ජයන්ත ජයවර්ධන මහතා කියා සිටියේ තමා වසර 30 ක පමණ කාලයක් අධිකරණ වාර්තාකරු ලෙස කටයුතු කරන බවත් මෙම සිද්ධිය වාර්තා කිරීමට උසාවිය තුළට ඇතුළු වන විටම පොලිස් නිලධාරියෙකු තමාගේ උරහිසෙන් අල්ලා ඉවත් කළ බවත්ය.

පොලිස් අධිකාරී සුදත් මාසිංහ මාධ්‍යවේදීන්ට අධීකරණයට ඇතුළු වීමට අවසර ලබා නොදෙන ලෙස නියෝගයක් කර ඇති බව මෙම පොලිස් නිලධාරීන් පැවසූ බවත් ඔහු කීවේය.

මේ සම්බන්ධයෙන් විධිමත් පරීක්ෂයක් පවත්වන ලෙසද මාතර මාධ්‍යවේදියෝ සංවිධානය රජයෙන් ඉල්ලා සිටින බවද ඔහු කීවේය.

523 526