පළාත් සභා මන්ත්‍රිනී සමන්මළී සකලසූරිය මෙනවිය සහ දිනේෂ් ගුණවර්ධන  මහතාගේ පුත් යදාමිණී ගුණවර්ධන මහතා ලබන 14 වැනි දා විවාහ දිවියට එළඹීමට නියමිතය.

2015 වසරේ දී මහනුවරදී පැවැති ‘මහින්ද සුළග‘ රැලියේ දී මේ දෙදෙනාගේ ප්‍රේම සම්බන්ධය ඇරැඹුණු බව දේශපාලන ආරංචි කියයි.

දෙදෙනාගේ දෙවැනි ගමන ලබන 17 වැනි දා ට නියමිතය.

සමන්මලී සකලසූරිය මෙනවිය, හිටපු පාර්ලිමේන්තු මන්ත්‍රී සද්ධාතිස්ස සලකසූරිය මහතාගේ දියණිය යි. ඇය හිටපු පාර්ලිමේන්තු මන්ත්‍රී සරණ ගුණවර්ධනගේ මහතාගේ ද ඥාති දියණිකි.

මේ ගැන විමසීමට සමන්මලී සකලසූරිය මෙනවිය සම්බන්ධ කර ගැනීමට උත්සාහ කළත් අසාර්ථක විය.

බොරළුගොඩ සිංහයා ලෙස විරුධාවලිය ලත් පිලිප් ගුණවර්ධන මහතාගේ මුණුබරකු වන යදාමිණී, දිනේෂ් ගුණවර්ධන මහතාගේ පෞද්ගලික ලේකම්වරයාය. සූරියමල් ව්‍යාපාරයේ නියමුවකු වූ පිලිප් මහතා  ඇන්.ඇම් කොල්වින්, බර්නාඩ්, ලෙස්ලි හා විලියම් වැනි වාමාංෂික නායකයන් සමග සිරබත් කෑ වාමාංශික නායකයෙකි.

පිලිප්ගේ මුණුබුරාද පිලිප් මෙන් ඇමෙරිකාවේ විස්කොන්සින් සරසවියේ අධ්‍යාපනය ලැබීය. ඔහු වේල්ස් සරසවියේ ද අධ්‍යාපනය ලැබීය. ඇමෙරිකාවේ හාවඩ් විශ්ව විද්‍යාලයයේ කෙනඩි පාසලේ විධායක අධ්‍යාපනය ලැබීය.