(තුසිත කුමාර ද සිල්වා)

බෙන්තොට තරු පන්තියේ  ප්‍රසිද්ධ සංචාරක හෝටලයකදී  මියන්මාර් ජාතික 26 හැවිරිදි තරුණියකට අතවර කළැයි කියන සිද්ධියක් සම්බන්ධයෙන් එම අවන්හලේ හිමිකරු සහ සේවකයන් දෙදෙනෙකු ඇතුළු සැකකරුවන් තිදෙනකු  අද (16) අත්අඩංගුවට ගත් බව බෙන්තොට පොලීසිය කියයි.

මෙම තරුණිය සංචාරක හෝටලය ආසන්න අවන්හලකට  ආහාර ගැනීමට ඇගේ මිතුරියක් සමඟ ගොස් සිටියදී   එහිදී ඇණවුම් කර තිබෙන  මිශ්‍ර පානයකට   කිසියම් මත්ද්‍රව්‍යයක් මුසුකර  අනතුරුව ඇයව අතවරයට පත් කර ඇතැයි කළ පැමිණිල්ලේ සඳහන් බව පොලීසිය කියයි.

අතවරයට පත්විදෙස් තරුණිය ඇගේ මිතුරිය සමග අප්‍රේල් 30 වන දින මෙරටට පැමිණ  එදිනම කටුනායක ගුවන් තොටුපොළේ සිට සංචාරක සමාගමක් සමඟ ඇල්ල වැල්ලවාය බදුල්ල, නුවර , නුවරඑළිය ඇතුළු  දිවයිනේ ප්‍රදේශ රැසක සංචාරය කර නැරඹීමෙන් අනතුරුව  මැයි10 වන දින බෙන්තොට තරු පන්තියේ සංචාරක හෝටලයක  ඉතිරි දින ගනන  ගතකිරීමට 

නැවතීමට පැමිණ සිටියදී  වෙසක් පෝයට පෙර දින  අසල  අවන්හලකට ගොස් සිටියදී මෙම අතවරයට මුහුණ  පා ඇතැයි පරීක්ෂණ සිදුකරන පොලිසිය සදහන් කළේය.

සිද්ධිය වූ දින එම තරුණිය ඇගේ මිතුරිය සමග මෙකී අවන්හලට   ආහාර ගැනීමට ගොස් සිටියදී  දෙදෙනා ඇනවුම්කර තිබෙන මිශ්‍ර පානයක්  බීමෙන් පසු  අසාමාන්‍යමත්ගති තත්ත්වයකට පත්ව තිබෙන බවත්  පසුව   එක් තරුණියක්  තමන්  නැවතී සිටි හෝටලයට පැමිණ පියවි තත්ත්වයට පත්වීමෙන් අනතුරුව තම මිතුරිය   නොමැති බව හෝටල් කළමනාකාරීත්වයට දැනුම්දී පසුව   හෝටල් කළමනාකාරිත්වය බෙන්තොට පොලිසියට පැමිණිලි කර තිබේ.

පොලිසිය මැදිහත්වීමෙන් අතවරයට ලක්වූ තරුණිය බලපිටිය රෝහලට ඇතුළත් කර තිබෙන බව පොලීසිය කියයි.

අත්අඩංගුවට ගත්  සැකකාර අවන්හල් හිමිකරු සහ සේවකයන් දෙදෙනා වන  වයස අවුරුදු  40, 28, සහ 23 හැවිරිදි   තිදෙනා  බලපිටිය අධිකරණයට ඉදිරිපත් කිරීමට නියමිතය.