ඒකාබද්ධ විපක්ෂය බලයට පත් වුවහොත් පත් කරන ඇමැති මණ්ඩලය ඔවුන් විසින් මාධ්‍ය නිවේදනයක් නිකුත් කරමින් ප්‍රකාශයට පත් කර තිබේ.

එම ඡායා කැබිනට්ටුව පනස් දෙනකුගෙන් සමන්විතය.

අගමැති, බුද්ධ ශාසන, ආගමික කටයුතු හා ආරක්ෂක ඇමැතිවරයා ලෙස නම් කර ඇත්තේ මහින්ද රාජපක්ෂ මහතාය.

දිනේෂ් ගුණවර්ධන ජාතික ප්‍රතිපත්ති හා ආර්ථික කටයුතු ඇමැති ලෙස ද, චමල් රාජපක්ෂ මහතා ප්‍රවාහන සහ ගුවන් සේවා ඇමැති ලෙස ද, ඩලස් අලහප්පෙරුම මහතා අධ්‍යාපන සහ පාර්ලිමේන්තු කටයුතු ඇමැති ලෙස ද, කුමාර වෙල්ගමහ මහතා වරාය හා නාවික කටයුතු ඇමැති ලෙස නම් කර තිබේ.

සංවර්ධන උපායමාර්ග සහ ජාත්‍යන්තර වෙළෙඳ ඇමැති ලෙස ජනක බණ්ඩාර තෙන්නකෝන් මහතා ද, මුදල් ඇමැති ලෙස බන්දුල ගුණවර්ධන මහතා ද, නිවාස ඉදිකිරීම් හා ඉංජිනේරු සේවා ඇමැති ලෙස විමල් වීරවංශ මහතා ද නම් කර තිබේ.

වාසුදේව නානායක්කාර මහතා ජාතික ඒකාබද්ධතා, ප්‍රතිසන්ධාන, ජාතික සහජීවනය සහ රාජ්‍ය භාෂා ඇමැති ලෙස ද, පවිත්‍රා වන්නිආරච්චි මහත්මිය සමාජ සවිබලගැන්වීම් සහ සමාජ සේවා ඇමැති ලෙස ද, සාලින්ද දිසානායක වැවිලි කර්මාන්ත සහ වතු යටිතල පහසුකම් ඇමැති ලෙස ද, සීබී රත්නායක වාර්මාර්ග සහ ජල සම්පත් ඇමැති ලෙස ද නම් කර ඇත.

එම ඡායා කැබිනට්ටුවේ කෘෂිකර්ම ඇමැතිවරයා ලෙස නම් කර ඇත්තේ මහින්ද යාපා අබේවර්ධන මහතාය.

ගාමිණි ලොකුගේ කම්කරු ඇමැති ලෙස ද, කෙහෙළිය රඹුක්වැල්ල රාජ්‍ය ව්‍යවසාය සංවර්ධන ඇමැති ලෙස ද, ජොන්ස්ටල් ප්‍රනාන්දු කර්මාන්ත හා වාණිජ ඇමැති ලෙස ද, චන්ද්‍රසිරි ගජධීර අධිකරණ සහ ව්‍යවස්ථා සම්පාදන ඇමැති ලෙස ද නම් ඡායා කැබිනට්ටුවේ නම් කර ඇත.

නාමල් රාජපක්ෂට වෙන් කර ඇත්තේ විදේශ අමාත්‍යංශයයි. පොලිස් විශ්‍ය අයත් වන නීතිය හා සාමය ඇමැති ලෙස නම් කර ඇත්තේ උදය ගම්මන්පිලය.

0.02.01.4805ed84f50494012e56beb26565689ccce1ac6965378904a6f9f81df4c292d6_full 0.02.01.d3220a37225d9e3003d24c720bae3592785ca64c50d532ff3beebc1968ab380b_full 0.02.01.eb0e653461b16af18f392f197c21b092e3738f67d001011dec5257d63e044751_full