දශක තුනකට ආසන්න කාලයක් ශ්‍රී ලංකාවේ පැවැති සිවිල් යුද්ධය සමයේ සිදු වූ බව කියන යුද අපරාධ සම්බන්ධයෙන් විමර්ශනය කර දෙමළ ජනතාවගේ විශ්වාසය දිනා ගැනීමට රජය කටයුතු කළ යුතු යැයි එක්සත් ජාතීන්ගේ මානව හිමිකම් මහ කොමසාරිස් සෙයිද් අල් හුසේන් කුමරු පෙන්වා දී ඇත. 

යුද අපරාධ සම්බන්ධයෙන් සාක්ෂි දෙන්නන් ආරක්ෂා කළ යුතු බවත් ජාත්‍යන්තර විනිසුරුවරුන්ද යොදා ගනිමින් ඵලදායී අන්තර්කාලීන යුක්තිය පසිඳලීමේ ක්‍රියාවලියක නිරත විය යුතු බව ද වාර්ෂික වාර්තාවක් ඉදිරිපත් කරමින් එක්සත් ජාතීන්ගේ මානව හිමිකම් මහ කොමසාරිස් පැවැසීය.

වසර 26ක් පුරා පැවැති යුද්ධයේදී රජයේ හමුදා මෙන්ම දෙමළ විමුක්ති කොටි කැරැලිකරුවන් ද යුද අපරාධ සිදු කර ඇතැයි එක්සත් ජාතීන්ගේ සංවිධානය පසුගිය වසරේ දී පැවැසීය.

ජනපති මෛත්‍රීපාල සිරිසේන ප්‍රමුඛ ආණ්ඩුව ඔවුන්ගේ ස්ථාවරය ප්‍රකාශ කර සිටියද ආණ්ඩුව ප්‍රතිසංස්කරණ කිරීමේදී යුක්තිය පසිඳලීමේ ක්‍රියාවලයේ කඩිනම් කර නැතැයි ද එම වාර්තාව පෙන්වා දී ඇත. 

ආණ්ඩුව පත් වූ විගස පරීක්ෂණ සිදු කිරීමට දැක් වූ උත්සාහය දිගින් දිගටම පවත්වා ගත යුතු බවත් සාර්ථකව සිදු කරන යුක්තිය පසිඳලීමේ ක්‍රියාවලිය අතීතයේ දී මෙන් දුර්විපාක ලබා නොසිටීම හේතු වනු ඇතැයි ද එම වාර්තා එළි දක්වමින් මහ කොමසාරිස්වරයා කීය.  

අත්තනෝමතික ලෙස අත්අඩංගුවට ගැනීම, වදහිංස පැමිණවීම්, ලිංගික ප්‍රචණ්ඩත්වය ආදී චෝදනා එල්ල වී ඇති කරුණු සම්බන්ධයෙන් අවධානය යොමු කර එවැනි ක්‍රියා නැවත ඇති නොවීම කෙරෙහි අවධානය යොමු කළ යුතු බව ද එම වාර්තා වේ දැක්වේ.  

රොයිටර් ඇසුරිනි