ශ්‍රී ලංකා රජය හා ඉන්දීය රජයේ සහභාගීත්වයෙන් යාපනයේ පලාලි ඇති ගුවන් තොටුපොළ සහ ගුවන් පථය වැඩි දියුණු කිරීමටත් ජාත්‍යන්තර මට්ටමට ගෙන ඒමටත් පියවර ගෙන තිබේ.

මේ වෙනුවෙන් ඉන්දීය ගුවන් තොටුපොළ අධිකාරිය තාක්ෂණික සහ කාර්මික සහාය ලබා දීමට කටයුතු කරන බව යාපනයේ නේවාසික ඉන්දියන් කොන්සල් ජනරාල් ඒ. නඩරාජන් ප්‍රකාශ කරයි.

දැනට පවතින ඉඩ කඩ ප්‍රමාණය නැවත ප්‍රතිසංස්කරණය කරනවා විනා අලුතෙන් ඉඩම් පවරා ගැනීමත් සිදු නොවන අතර ගුවන් ධාවන පථය කිලෝ මීටර 2.3 ප්‍රමාණයෙන් පුළුල් කළ පසු බෝයිං 717 වර්ගයේ ජෙට් යානා ගුවන් තොටුපොළට බැස්ස වීමට හැකි වන අතර ගුවන් මගී සංඛ්‍යාව සියයකට ආසන්න ගුවන් යානා ද මෙම  ගුවන් තොටුපොළ වෙත පියාසර කිරීමේ හැකියාව ද ලැබෙන බව ශ්‍රී ලංකා රජය සහ ඉන්දීය රජය විශ්වාස කරයි.

මෙම ගුවන් තොටුපොළ අන්තර් ජාතික මට්ටමට ගෙන ඒමට ප්‍රථම අදියර ලෙස ද මෙය හැඳින්විය හැක.