පුරාවිද්‍යා වටිනාකමක් ඇති බව බව පවසමින්  රන් පැහැති නෙළුම් මලක් ළඟ තබා ගනිමින්  එය අලෙවි කිරීමට උත්සාහ කළ පුද්ගලයෙක් අත්අඩංගුවට ගත් බව මාතලේ කොට්ඨාස අපරාධ විමර්ශන කාර්යාංශය කියයි.

රුපියල් 5,000,000ක මුදලකට අලෙවි කිරීම  සඳහා මෙම රන් පැහැති නෙළුම් මල  සැකකරු ළඟ තබා ගෙන සිටියදී ලැබුණූ තොරතුරක් මත මාතලේ  අළුවිහාරය ප්‍රදේශයේදී මෙම පුද්ගලයා අත්අඩංගුවට ගෙන තිබේ.

අත්අඩංගුවට ගත් පුද්ගලයා වයස අවුරුදු 33ක් වන කවුඩුපැළැල්ල, මාතලේ ප්‍රදේශයේ පදිංචිකරුවෙකි. මෙම රන් පැහැති නෙළුම් මල ග්‍රෑම් 706ක බරිත් යුතු වන අතර,  විවිධ ප්‍රමාණයේ පෙති 24කින් සමන්විත බව පොලීසිය කියයි.