හිටපු ඇමැතිවරයකුගේ බිරිය පසුගිය සෙනසුරාදා නුවරඑළියේ සීතල මැදුරක දී  සාදයක දී හිටි ගමන් කෝපයෙන් පිපිරෙමින් බැන වැදුනාය. එහි සාදයට පැමිණි ඉහළ පෙළේ අමුත්තෝ මේ සිද්ධියෙන් මුහුණුට මුහුණ බලා සිදු වන්නේ කුමක්දැයි ගල් ගැසී බලා සිටියහ. 18 වැනි සියවසේ හමුදාපති  වෙනුවෙන් ඉදිකළ මේ මැදුර දැන් මැති ඇමැතින්ගේ නිවහනයි.

වක්කඩක් කැඩු කලක මෙන් ඇගේ කෝපය උතුරා ගියේය. ඇගේ සැමියාට රජය නොසලකන බවට චෝදනා කරමිනි. හිටපු ඇමැතිගේ බිරිය විටින් විට මෙසේ කෝපාග්නිය පිට කරමින් මේ විදියට හැසිරෙන බව කියති.  

ඇගේ තරහ උතුරද්දී ඇමැතිවරුන්  කිහිප දෙදෙනෙකු ඇතුළු සම්භාවනීය අමුත්තෝ පිරිසක් ද වුහ. නුවරඑළියේ අශ්ව රේස් ඇතුළු  උත්සව නිසා සෙනගින් පිරි පවති. පැරණි හමුදාපති නිවසේ සිටි කිසිවෙක් දේශපාලඥයාගේ බිරිය සන්සුන් කිරිමට ඉදිරිපත් නොවුහ. එයට හේතුව ලෙස දැන ගන්නට ලැබුණේ ඇයට බරපතල ලෙස කේන්ති යාමලු. අතීතයේ දී ඇයගේ මෙවැනි ක්‍රියා නවත්වන්නට උත්සාහ කළ අය රෝහලේ නතර වු බව ද ඔවුහු කියති. ‘එක නිසා අපි ඈතින් බලා සිටියා’ යැයි සිද්ධිය සියසින් දුටු අමුත්තෙක් කීවේය.