දිලිනි ලක්මාලි කියන්නේ අද වනවිට ලොකු කුඩා හැමෝම ආදරය කරන චරිතයක්. මේ දිනවල විකාශය වන ටෙලිනාට්ය කිහිපයකින්ම එකිනෙකට වෙනස් චරිත ඔස්සේ ඇය ඔබේ ආලින්දයට එනවා. ඉතින් මේ දවස්වල වැඩ කටයුතු ගැන දිලිනි සමඟ කළ කතාබහයි මේ.
කොහොමද දිලිනි?
තියෙන කලා කටයුතු ටික කරගෙන හොඳින් ඉන්නවා.
මේ දවස්වල මොනවද වැඩ කටයුතු?
මේ දවස්වල සුදන්ත තිලකසිරිගේ නේරංජනා නාට්යයේ වැඩ. කුමුදු නිශාන්ත අයියගේ අලුත්ම නාට්යක් වන සුළඟ සේ මා නාට්යයේ වැඩ කළා. ඒ එක්කම හිරැ එකේ යන අඟුරැ සෙවණැලි නාට්යයෙත් වැඩ.
වැඩිම ප්රතිචාර ලැබෙන නාට්ය මොකක්ද?
මේ දිනවල විකාශය වන නේරංජනා නාට්යයේ සහ අඟුරැ සෙවණැලි නාට්යයේ චරිත දෙකටම හොඳ ප්රතිචාර ලැබෙනවා.
සිනමාවට තාම ආරධනා නැද්ද?
ඔව් තාම මට ගැළපෙන චරිතයක් ලැබුණේ නැහැ. ඉතින් මට ගැළපෙන චරිතයක් ලැබුණොත් මම භාරගන්නවා. මොකද හොඳ නිර්මාණවලට දායක වෙන්න කැමැත්තෙන් ඉන්නවා.
ඔබ චරිත තෝරාගන්නේ කොහොමද?
මට මෙතෙක් නම් ලැබුණේ මට සුදුසුම චරිත. ඒ නිසා මට ලොකුවට චරිත තෝරාගන්න ඕනේ වුණේ නැහැ. මම කැමති මට උපරිම සාධාරණයක් කරන්න පුළුවන් විදිහේ චරිත කරන්න.
එකම විදිහේ චරිතවලට කොටු වෙලා කිව්වොත්?
මට ලැබුණු චරිත නම් ටිකක් ඒ වගේ තමා. මමත් අසාවෙන් ඉන්නවා ටිකක් වෙනස් විදිහේ චරිතයක් කරන්න.
දැන් කොච්චර කාලයක් වෙනවද මේ ක්ෂේත්රයට ඇවිත්?
මම 2008 දී ආවේ.
මොකද හිතෙන්නේ මේ කාලය ගැන?
ඇත්තටම සතුටුයි. මොකද මට හොඳ නිර්මාණවලට දායක වෙන්න පුළුවන් වුණා. මම හරිම අසාවෙන් තමා මේ කලා ක්ෂේත්රය තුළ නිර්මාණවලට දායක වෙන්නේ.
දිලිනි කැමති ජනප්රිය නිළියක් කියනවටද? දක්ෂ නිළියක් කියනවටද?
දක්ෂ නිළියක් කියනවා. මොකද, මම දකින්නෙ ජනප්රියත්වය කියන දේ අද තිබිලා හෙට නැති වෙන්න පුළුවන්. නමුත්, දක්ෂතාවය කියන දේ හැමදාම තියෙන්න පුළුවන්. මමත් හැමවිටම උත්සාහ කරන්නෙ දක්ෂයෙක් වෙන්න. ඒ නිසා තමයි මම ලැබෙන චරිතයට උපරිම සාධාරණයක් කරන්න හැමවිටම උත්සහ කරන්නේ.
ආදරය ගැන?
ඇත්තටම ආදරය හරි සුන්දර දෙයක්.
කවදා විතරද විවාහ වෙන්න ඉන්නේ?
මට තව කාලය තියෙනවා ඒ ගැන හිතන්න. කොහොමවුණත් මම භාරගත්ත වැඩ කටයුතු නිසා ටිකක් කාර්යබහුලයි. මේ වැඩ ටිකත් ඉවර කරලා ලබන අවුරැද්දේ විතර විවාහය ගැන හිතනවා.
ඔබේ පෙම්වතා ගැන?
කියන්නම්. හැබැයි දැන්ම නෙවෙයි. තව ටික කාලයකින්
ඔහුත් කලා ක්ෂේත්රයට සම්බන්ධ කෙනෙක්ද?
හ්ම්ම්... ඒ ගැනත් කියන්න මේ කාලය නෙවෙයි. ඉදිරියේදී කියන්නම්කෝ
හරි එහෙමනම් අනාගත බලාපොරොත්තු?
එහෙම විශේෂයෙන් කියලා බලාපොරොත්තු නැහැ. හෙට දවසත් හොඳින් ගතකරන්න තමා බලාපොරොත්තුව.
නීශා රන්සිත්
අන්තර් නිවර්තන අභිසාරී කලාපය (උතුරු අර්ධ ගෝලයේ සහ දකුණු අර්ධ ගෝලයේ සිට පැමිණෙන සුළං අභිසාරී වන කලාපය) තවදුරටත් දිවයිනේ කාලගුණයට බලපෑම් කරමින් පවතී.
කළුතර දිස්ත්රික් ලේකම් කාර්යාලයේ ජල ටැංකියට කිසියම් රසායනික ද්රව්යයක් කලවම් වී ඇති බවට පැම්ණිල්ලක් ලැබී ඇතැයි කළුතර දකුණ පොලිසිය පවසයි.
පාර්ලිමේන්තු මන්ත්රීවරුන්ට නොමිලේ නිකුත් කර ඇති මුද්දර පාර්ලිමේන්තුව විසුරුවා හැරීමත් සමඟම පාවිච්චි කිරීම තහනම් හෙයින් ඒවා ළඟම තැපැල් කාර්යාලයට
වැඩබලන පොලිස්පතිවරයා ලෙස පත් කෙරුණු ජ්යෙෂ්ඨ නියෝජ්ය පොලිස්පති ප්රියන්ත වීරසූරිය මහතාගේ එම වැඩ බැලීමේ තනතුර අනුමත කිරීමට ජනාධිපතිවරයා එවා ඇති නි
රුපියල් කෝටි 04ක් වටිනා මනෝවර්ධක පෙති සහ කොකේන් ලඟ තබා ගත් බවට චෝදනා ලැබු ජර්මන් පුරවැසිභාවය හිමි ශ්රි ලංකිකයකු විත්තියේ සාක්කි නොකැඳවාම නිදොස් කොට න
මහ මැතිවරණයේදී සමාජ මාධ්ය නිසියාකාරව පාවිච්චි කරන්නේදැයි වහාම විපරමක් කරන ලෙස පැෆරල් සංවිධානය මැතිවරණ කොමිෂන් සභාවෙන් ඉල්ලීමක් කරයි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ලබන අවුරුද්දේ මම කසාද බඳිනවා