2024 නොවැම්බර් මස 20 වන බදාදා
(*** සුජිත් හේවාජුලිගේ)
ප්‍රභූවරයකුගේ පෞද්ගලික ගමන් මල්ල පරීක්ෂා කරමින් ඔහුගේ කටයුතුවලට බාධා කළේ යැයි කියන සිද්ධියක් සම්බන්ධයෙන් පාර්ලිමේන්තු පොලිසියේ ප්රධාන පොලිස් පරීක්ෂකවරියක ඇතුළු තිදෙනකු එම පොලිසියෙන් මාරු කර යවා ඇතැයි වාර්තා වෙයි.
මාරු කෙරුණු අනෙක් දෙදෙනා උප පොලිස් පරීක්ෂකවරියක හා පොලිස් කොස්තාපල්වරයෙකි.
ඉහත සඳහන් කළ ප්‍රභූවරයා පාර්ලිමේන්තු පරිශ්‍රයට පැමිණ සිටියදී ඔහුගේ ආරක්ෂක නිලධාරියකු ප්‍රභූවරයාගේ පෞද්ගලික දෑ අඩංගු ගමන් බෑගය රැගෙන පාර්ලිමේන්තු නිලධාරි පිවිසුමෙන් ඇතුළුවීමට සූදානම් වූ අවස්ථාවේදී මෙම පොලිස් නිලධාරිනියන් දෙදෙනා හා පොලිස් කොස්තාපල්වරයා ඒ ආරක්ෂක නිලධාරියා මද වේලාවක් රඳවාගෙන එම ගමන් මල්ල පරීක්ෂා කරමින් ප්‍රභූවරයාගේ කටයුතුවලට බාධා වන ආකාරයට හැසිරී ඇතැයි සඳහන් වෙයි.
සාමාන්‍යයෙන් විශේෂිත ප්‍රභූවරයකුගේ පෞද්ගලික ගමන් බෑගය සම්බන්ධයෙන් කිසියම් වූ අවබෝධයකින් කටයුතු කිරීම සාමාන්‍ය ක්‍රමවේදය වුවත් මේ සිද්ධියේදී එම තිදෙනා අනවබෝධයෙන් කටයුතු කර ඇති ආකාරයක් පෙනෙන්නට තිබෙන බව පාර්ලිමේන්තු නිලධාරීහු පවසති.
දැනගන්නට ඇති අන්දමට මේ ස්ථාන මාරුවීම් කරනු ලැබ ඇත්තේ වැඩබලන පොලිස්පතිවරයා විසිනි.
මේ අතර පාර්ලිමේන්තු පොලිසියේ ස්ථානාධිපති පොලිස් පරීක්ෂක කේ.එල්. ලියනගේ මහතා ද පොලිස් මූලස්ථානයට මාරු කරනු ලැබ සිටියි.
කෙසේ වෙතත් ඔහුගේ එම ස්ථාන මාරුවීම ඉහත සිද්ධියට පෙර සාමාන්‍ය ක්‍රමවේදය අනුව සිදු වූ එකක් බව පාර්ලිමේන්තු පොලිසිය පවසයි.
ලියනගේ මහතා මාරු කර යැවීමෙන් හිස් වූ පාර්ලිමේන්තු පොලිසියේ ස්ථානාධිපති තනතුරට ප්රධාන පොලිස් පරීක්ෂක වී.පී.ඊ. ප්‍රනාන්දු මහතා පත් කරනු ලැබ සිටී.
ප්රධාන පොලිස් පරීක්ෂක ප්‍රනාන්දු මහතා ගමන් මලු පරීක්ෂා සිද්ධිය සම්බන්ධයෙන් ස්ථාන මාරුවීම් ලැබූ ප්රධාන පොලිස් පරීක්ෂකවරියගේ ස්වාමි පුරුෂයා වීම මෙහි ඇති විශේෂත්වයයි.
සමගි ජන බලවේගයේ මහ ලේකම් හිටපු පාර්ලිමේන්තු මන්ත්‍රී රංජිත් මද්දුම බණ්ඩාර මහතා එම පක්ෂයේ ජාතික ලැයිස්තු මන්ත්‍රීවරයකු ලෙස පත්කරමින් මැතිවරණ කොමිෂන
රත්නපුර කරවිට මධ්‍ය විද්‍යාලය, කටුගස්තොට ශාන්ත අන්තෝනි බාලිකා විද්‍යාලය සහ රුවන්වැල්ල රාජසිංහ මධ්‍ය විද්‍යාලයේ සිසු සිසුවියෝ ජනාධිපති කාර්යාලය න
පොහොර සහනාධාරය සම්බන්ධයෙන් බිය විය යුතු නැති බවත් ගොවීන්ගේ කුඹුරු වැඩ ආරම්භ වූ වහාම පොහොර සහනාධාරය ලබා දීමට සියලු කටයුතු සැළසුම් කර ඇති බවත් ගොවිජන සං
දේශපාලනය හා රාජ්‍ය සේවය පිළිබඳව ජනතාව තුළ ඇති අප්‍රසාදය ඉවත් වන අයුරින් වැඩ කරන බව කෘෂිකර්ම, පශු සම්පත් සංවර්ධන, ඉඩම් හා වාරිමාර්ග අමාත්‍ය කේ.ඩී ලාල් කා
මහනුවර කෙංගල්ල ප්‍රදේශයේ වාහන උගසට ගන්නා ආයතනයක වාහන අංගනයේ තිබී අනන්‍යතාවය සහ නීත්‍යානුකූල ලියකියවිලි ඉදිරිපත් කිරීමට නොහැකි වූ සැක කටයුතු කැබ්රි
ප්රධාන බැංකුවකට මුදල් රැගෙන යාම සදහා ආයතන වෙතින් මුදල් ලබාගැනීම සිදුකරමින් යමින් සිටියදී එකතු කරගත් මුදල් රුපියල් කෝටි හතකට අධික මුදලක් රැගෙන පළාය
2024 නොවැම්බර් මස 05
395
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
664
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
වී.අයි.පී. අමුත්තාගේ ගමන් මල්ල සෝදිසි කළ පොලිසියේ 3 කට මාරුවීම්
සචිත් Friday, 04 September 2020 07:24 AM
ඇයි ප්‍රභූවරු කියන්නේ අලි හොඬින් ආව අයද? ගමන් මල්ලක් ගේන ආරක්ෂක නිලධාරියා දිහා බලලා මේක අහවල් ප්‍රභූවරයාගේ ගමන්මල්ල කියලා කියන්න පොලිස් නිලධාරීන්ට ඥාණය පහල වෙලා කියලා හිතුවද? මේ ප්‍රභූවරයාගේ නම ප්‍රසිද්ධ කරන්න. මේවා රටේම ප්‍රසිද්ධ වෙලා මිනිස්සුන්ගෙන් බැණුම් අැහුවම තමයි මේ අය හැදෙන්නේ...
RaveedraFriday, 04 September 2020 03:19 PM
ඔබගේ වටිනා අදහස් අප අගයන්නෙමු. ඇත්තෙන්ම රටක ප්‍රභූවරුන් යනු බුද්ධිමත්, නිහතමානී , තමන් උපන් රටේ අනාගතය පිළිබඳව දුරදක්නා තීක්ෂණ ඥාණයක් මෙන්ම රට අවශ්‍ය විට එඩිතර තීන්දු තීරණ ගන්නා මෙන්ම "රටේ පුරවැසියන් සියල්ලන්ටම ආදර්ශමත්" ලෙස සමාජයේ හැසිරෙන පුරවැසියන්ටයි. අවාසනාවකට අප රටේ කසිප්පුකාරයින්ට, කුඩුකාරයින්ට, ගංජාකාරයින්ට, පල්හොරුන්ට, පරිසර දූෂකයින්ට, මං පහරන්නන්ට ප්‍රභූවරුන් ලෙස කෙසෙල් අත්තේ තබා ඇත්තේ ඔබ අප මෙන්ම සියලුම පුරවැසියන් වීම කණගාටුවකි.
kalu07 Friday, 04 September 2020 07:32 AM
ඔන්න ඕක තමයි අපේ රටේ නීතිය..
damith Friday, 04 September 2020 07:38 AM
වඳින්න ගිය දේවාලේ වගේ වැඩක්නේ වෙලා තියෙන්නේ. පාඩුවේ හිටියා නම් ඉවරයිනේ.
BamunuarachchiSaturday, 05 September 2020 04:28 PM
අයියෝ.... මොකක්ද ඒ කතාව? ඒ නිලධාරින් දේවාල වඳින්න ගියේ නැහැ. වැරැදි උපමාවක් ඕක.. ඒ අය රාජකාරිය ඉෂ්ඨ කළා පමණයි... අපි ඒ නිලධාරින් ගැන ආඩම්බරයෙන් කතාකළ යුතුයි. පිටරට ගියාම වී.අයි.පී. කම කකුල් දෙක අස්සේ ගහගෙන ඒ රටේ පොලිස් නිලධාරින් කියන විදිහට යනවා.
Nuwan Friday, 04 September 2020 07:54 AM
ප්‍රභූ? එහෙම වෙන්න සුදුසු අය ලංකාවේ ඉන්නවද ආයුබොවන්ඩ? කරන තරමක් නොහොබිනා වැඩ කරන්නේ... ජනතාව ගොනාට අන්දලා සබේට ගිය ඔය ප්‍රභූ කියන අය තමයි...!!!
Akila Friday, 04 September 2020 08:25 AM
ඔය ප්‍රභූවරු කියන්නේ මිනිසුන්ගේ ඡන්දෙ හිඟා කාලා පාර්ලිමේන්තුවට ආපු අය නේද?
Prabha Friday, 04 September 2020 08:27 AM
කුඩු, කසිප්පු මුදලාලිලාට, හරක් හොරුන්ටද ප්‍රභූවරු කියන්නේ...?
lankaputha Friday, 04 September 2020 08:36 AM
සැමට එක නීතියක්... අපොයි..!!!
ප්‍රභූ Friday, 04 September 2020 09:37 AM
බදුවලින් යැපෙන හිඟන්නු කොහොමද ප්‍රභූන් වෙන්නේ..?
සේන Friday, 04 September 2020 09:42 AM
මෙන්න ලංකාව. තාම එහෙමම තමයි. ප්‍රභූ වාහනවලින් කුඩු ඇද්දා නම්, පාතාලයන් ඇද්දානම්.., ඔය නමට යට කරගෙන බෝම්බයක් ගේන්න බැරිද? ඇයි මෙහෙම වෙන්නේ? ඒ නිලධාරින් නැවත හරියට රාජකාරියක් කරයිද? කවද්ද මේ ජරාජීර්ණ ක්‍රමය වෙනස් වෙන්නේ?
Rex Friday, 04 September 2020 09:42 AM
ආරක්ෂක අංශ ඉන්නේ ප්‍රභූ අයගේ ගමන් මලු උස්සන්නද? අහෝ ශ්‍රී ලංකා...!!!
Asanga Friday, 04 September 2020 10:06 AM
රටේ නීතිය කාටත් පොදු එකක් විය යුතුයි. මොකක්ද අප්පා මේ වෙන්න යන්නේ...?
malithi Friday, 04 September 2020 10:09 AM
VIP වෙන රටක වැසියන්ද? ඒ අයව හොයාගන්නේ කොහොමද? වෙපන් ළඟ තියෙන අයද? අපේ රට ගැන නේද මේ කියන්නේ? VIP අය මැරෙන්නේ නැද්ද?
sharm warn Friday, 04 September 2020 12:08 PM
ඔන්න 69 ලක්ෂයක් වන ඔබ පැතූ එක රටක්, එක නීතියක් සංකල්පය... මුලින්ම විය යුත්තේ 100ක් පාර්ලිමේන්තු යවනවා කියලා පාරම්බාලා යන්තම් 10ක්-15ක් රිංගවා ගත්තා. පරණ හොරු කුඩු මුදලාලිලා, එතනෝල් කාරයින්, මාලකඩපු අය ඇතුලු සියලු හොරුන්ව තොගේට රිංගවා ගත්තා. ඔබට සතුටුයිද දැන්...?
Bamunuarachchi Saturday, 05 September 2020 06:48 AM
ජනාධිපතිතුමා කිව්වේ තමරාජකාරිය කරන්න කවුරුහරි විරුද්ධ වුණොත් එතුමාට ඒ බව දන්වන්න කියලා. මට නම් මේ රටේ ප්‍රභූ කියලා ජාතියක් නැහැ.
BamunuarachchiSaturday, 05 September 2020 04:23 PM
මේ රටේ ප්‍රභූ කියලා ජාතියක් හැදුවේ ගොබ්බ ජනතාව. ඒ අය එනකොට පුටුවෙන් නැගිටිනවා.
Bamunuarachchi Saturday, 05 September 2020 04:33 PM
මෙහෙ ජාති දැම්මට සෞදි අරාබියට ගියාම ‘‘ ශ්‍රී ලාංකීය‘‘ කියලා අතින් පෝලිමක් පෙන්නුවාම ඔලුව පාත් කරගෙන ඒ පෝලිමට යනවා. අපි අවුරුදු 13ක් විශ්‍රාම වැටුප් සහිත රජයේ සේවය පිටරට ගියේ කාටවත් ඔලුව පාත්කරන්න අකමැති නිසා..
BamunuarachchiMonday, 07 September 2020 03:25 PM
රජයේ සේවය අත්හැර පිටරට ගියේ ඉහළ අයට ඔලුව නමන්න අකමැති නිසයි.