පෙත්සම් විභාගය අවසන් වනතුරු පසුගිය දා  4%කින් වැඩි කළ වැට් බද්ද සහ 2%කින් අඩු කළ  ජාතිය ගොඩනැගීමේ බද්ද  ශ්‍රේෂ්ඨාධිකරණය අද (11) අතුරු තහනමකට ලක් කළේය.

අග විනිසුරු කේ.ශ්‍රී පවන්, බුවනෙක අළුවිහාරේ හා ප්‍රසන්න ජයවර්ධන විනිසුරුවරුන්ගෙන් යුත් විනිසුරු මඩුල්ල එම නියෝගය ලබාදුන්නේය.

පාර්ලිමේන්තුවේ සම්මත නොවී මැයි 2 වැනිදා සිට වැට් බද්ද අය කරතියි ජාතික නිදහස් පෙරමුණේ නායක විමල් වීරවංශ මහතා ඇතුළු පිරිසක් විසින් මෙම පෙත්සම ඉදිරිපත් කැරිණි.

ශ්‍රේෂ්ඨාධිකරණය තීන්දු කළේ පෙත්සම් විභාගය අවසන් වනතුරු වැට් බද්ද අය නොකළ යුතු බවයි.

පනත පාර්ලිමේන්තුවේ සම්මත කළ පසු බද්ධ අය කළ හැකිය.