සෞඛ්‍ය අමාත්‍යාංශය මගින් සකස් කළ පශ්චාත් සීමාවාසික වෛද්‍ය පත්වීම් ලැයිස්තුව ඒ අයුරින්ම ක්‍රියාවට නැංවීමට නොහැකිවීම නිසා වෛද්‍යවරුන් නොමැතිව රෝහල් 37ක් වැසී ගොස් ඇතැයි සෞඛ්‍ය, පෝෂණ හා දේශීය වෛද්‍ය අමාත්‍ය රාජිත සේනාරත්න මහතා පැවසීය.
වෛද්‍ය පුරප්පාඩු ඇති රෝහල්වලට වෛද්‍යවරුන් යොමු කෙරෙන අයුරින් සකස් කළ ලැයිස්තුව වෙනස් කිරීමට සිදුවූයේ ඇතැම් වෛද්‍ය සංගම්වල බලපෑම් නිසා බවද අමාත්‍යවරයා ස`දහන් කළේය.
අවශ්‍ය රෝහල් කරා වෛද්‍යවරුන් යෙදවීමට අමාත්‍යාංශය කටයුතු කරද්දී ඇතැම් වෛද්‍ය සංගම් රෝගී ජීවිත බිල්ලට ගනිමින් වැඩවර්ජන කර එම තීන්දු වෙනස් කරවන බව ද කී අමාත්‍යවරයා මාධ්‍ය පවා සහය දෙන්නේ එම වෛද්‍ය සංගම්වලට බව සදහන් කළේය.
රෝගීන්ගේ ජීවිත බිල්ලට දිය නොහැකි නිසා තමන්ටද ඔවුන්ට එරෙහි තීන්දු ගැනීමට නොහැකිවී ඇතැයි කී අමාත්‍ය රාජිත සේනාරත්න මහතා තමන් එසේ කරන්නේ ජීවිතවල වටිනාකම දන්නා නිසා මිස වර්ජනයන්ට බියේ නොවන බව ද කියා සිටියේය.
පේරාදෙණිය, මඩකලපුව වැනි දුර බැහැර පිහිටි රෝහල්වලට රුපියල් කෝටි ගණනක් වියදම් කර ලබාදුන් නවීන පහසුකම් සහිත ඒකකවලට ද වෛද්‍යවරුන් නොමැතිකම නිසා ජනතාවට ඒවායේ ප්‍රයෝජන ලබාගැනීමට නොහැකි වී ඇතැයි ද අමාත්‍යවරයා කීවේය.
අමාත්‍යවරයා මේ බව පැවසුවේ රජයේ ප්‍රවෘත්ති දෙපාර්තමේන්තුවේදී අද පැවති මාධ්‍ය හමුවක් අමතමිනි.
COMMENTS
Reply To:
Sisira - cb chds hcdsh cdshcsdchdhd
රන්ජිත් මංජුල, මමත් ලංකාවේ ඉන්න වෙලාවේ සිදුවුණ සිදුවීමකට අනුව හිතන්නේ ලංකාවේ හැම කෙනෙකුටම වෛද්‍ය රක්ෂණයක් ලබාදීම කළයුතු බවයි. (නි)
කුමාර් (ගල්ෆ්), දොස්තර කෙනෙක් වෙන්න පින ඕනෙ බව නම් ඇත්ත. එහෙම කෙනෙක්ට තමා අහිංසක රෝගීන්ගේ ජීවිතත් බේරා ගන්න පුලුවන්. මේ වගේ දේවල් වලට අද්හස් දක්වද්දි හොඳට බුද්ධිමත් වෙලා අදහස් ලියන්න. (ර)
පිනට ඉගෙනගත් දොස්තරලාට මේ රෝහල් වලට යන්න බැරි නම් සල්ලි දීලා ඉගෙනගත් පුද්ගලික වෛද්‍ය විද්‍යාල වලින් එන දොස්තරලා යවන්න මේ රෝහල් වලට. (නි)
වෛද්‍යවරුන් නැති රෝහල් පිළිබඳව පලමුවෙන්ම ඔබ තුමා හොදට සොයා බලන්න , රුපියල් කෝටි ගණනක් වියදම් කර උපකරණ සවි කරත්, නේවාසිකාගාරයක් ආපන ශාලාවක්, හා මුලික අවශ්‍යතා සපුරා තිබෙනවා ද බලන්න. ඒ ගැන අවබෝධයකින් තොරව ඔබ වෛද්‍යවරයකු පත් කරන්නේ නම් ඔවුන් එම ස්ථානයේ ඉන්නේ නැහැ. පසුගිය වසර පහ මම මඩකලපුවෙන් වැඩ කරන ලදී, මඩකලපුවෙ ප්‍රාදේශීය රෝහල් වල ගැටළුව ඕක. (ර)
දොස්තරලා ඉස්පිරිතාලවල නැහැ, ඕන තරම් දවල්ට පාරේ ඉන්නවා, හවසට පුද්ගලික රෝහල්වල. (ර)
අයුර්වේදට මුල්තැන දෙන්න. (ර)
වෙන පාරකින් ඇවිත් සයිටම් ගොඩදාන්න වගේද මේ යන්නේ? කරුණාකරලා පහසුකම් ඇති කරන්න. එතකොට වෛද්‍යවරු විතරක් නෙමෙයි, හෙදියන් ඇතුළු අනෙකුත් අයත් යයි (නි)
බදු සල්ලි වලින් ඉගෙනගන පර්මිට් වලටත් ලෙඩ්ඩු උගසට තියලා වැඩවර්ජනය කරන අය ඉන්න රටකි මෙය (නි)
කළයුත්තේ සීමාවාසික පුහුණුව අවසන් කරලා එක රෝහලක වසර 5 ට වඩා ඉන්න දොස්තරලා පුරප්පාඩු ති‍යෙන තැන් වලට දාන එක. ඕනෑනම් ඔ‍ය වෙද සංගම‍යට පුලුවන් මාරුවීම් ප්‍රතිපත්ති‍ය හදලා රජයේ පරිපාලන රෙගුලාසි වලට අදාලව මාරුකිරීම් කරන්න (නි)
වර්ජන නම් තියෙනවා ඇතිවෙන්න. මොනර කොළ තියනවා නම් පඳුරක් ගානේ දොස්තරලා. (නි)
පුද්ගලික වෛද්‍ය විද්‍යාල ඇති වියයුත්තේ මේ හේතුව නිසාය (නි)
සයිටම් එකේ තරහ නේද මේ පිරිමහන්න හදන්නෙ (නි)
සිංහ කියලා අදහස් දාලා තියෙන්නේ ඇමතිතුමාගේ හොඳ හිතවතෙක් වෙන්න ඇති නේද? (නි)
තවත් මෙම දොස්තර මාෆියාවට අපි යටත්විය යුතුද? (නි)
මෙහෙම අය තමයි පුද්ගලික වෛද්‍ය විද්‍යාල වලටත් විරුද්ධවෙන්නේ. ඇමතිතුමනි, ඉන්දියාවෙන් හෝ වෛද්‍යවරු ගෙනවිත් මෙම ඒකාධිකාරය බිඳලන්න (නි)
ඇත්තටම මෙය රටට බරපතලම ප්‍රශ්නයක්. මේ රටේ වෛද්‍යවරු වෙන්නේ රජයේ වියදමින්. හැබැයි වෛද්‍යවරුන් වශයෙන් සමත්වෙන්න ඒ අයත් මහන්සි වෙනවා තමයි. එ්ත් රට ගැනත් සිතිය යුතුයි. මෙයට හේතුව මම හිතන්නේ පහසුකම් මදිවීම වෙන්න පුළුවන්. එහෙම දුෂ්කර පළාත් වලට යන අයට වෙනම දීමනාවක් දීලා අවශ්‍ය සියලුම පහසුකම් දියයුතුයි. ඒ වගේම කිසියම් කාලයකට බැඳීමකුත් ඒ අයට තිබිය යුතුයි. මා දන්නා තරමින් අගනුවර ඉන්න වෛද්‍යවරු එක සවසක ලෙඩුන් 100 ක් විතර පරීක්ෂා කරනවා, රුපියල් 1,700 ක් එක්කෙනෙකුගෙන් අයකරලා. මේ නිසා තමයි ඒ අය යන්න අකමැති (නි)
එක්තරා දොස්තරවරියක් ජංගම දුරකථනයකින් පොල් ගෙඩියක් වැටුණු මිනිහෙකුට බේත් දාපු හැටි ලොකු අකුරෙන් තියනවා දැක්කා පත්තරයක. ඕවට වෛද්‍ය වෘත්තිය සමිතිය පියවරක් ගන්නේ නැද්ද? මල තැලෙනකොට අඬන දොස්තරලා ගල තැලෙනකොට හිනාවෙනවා (නි)