(සුජිත් හේවාජුලිගේ සහ  අංජුල මහික වීරරත්න)

මෙරට පිළිකා රෝගීන් වෙනුවෙන් පිටරට සතුන් වෙනුවෙන්වත් යොදා නොගන්නා  උපකරණ පාවිච්චි කරන බව  විපක්ෂ නායක සජිත් ප්‍රේමදාස මහතා පාර්ලිමේන්තුවේදී අද( 4) පැවසීය.

බදුල්ල රත්නපුර හම්බන්තොට කුරුණෑගල අනුරාධපුර රෝහල් වලටත් ලිනියා එක්සලේටර්  විකිරණ ප්‍රතිකාර යන්ත්‍ර ලබා දෙන්නැයි ඉල්ලීමක් කරන බවද ඔහු සඳහන් කළේය.

විපක්ෂනායකවරයා මෙසේ පැවසුවේ ස්ථාවර නියෝග 27 (2) යටතේ  ප්‍රශ්නයක් මතු කරමිනි.

සජිත් ප්‍රේමදාස මහතා මෙසේද පැවසීය.

‘පිළිකා රෝගීන් වසරකට තිස් දාහක් අපේ රටේ බිහි වෙනවා. ඒ අයට විකිරණ ප්‍රතිකාර දීම තමයි අඩු වියදම් ක්‍රමය. ලිනියා එක්සලෙටර්  උපකරණය තමයි  පාවිච්චි කරන්න ඕන. ඒක තමයි නවීනතම උපකරණය. අපේ රටේ තවමත් කෝබෝල්ට් උපකරණ පාවිච්චි වෙනවා.  නමුත් පිටරට සතුන්ටවත් ඒ උපකරණය පාවිච්චි කරන්නේ නැහැ. ලිනියා එක්සලෙටර්  උපකරණය  යාපනය මඩකලපුව කරාපිටිය මහනුවර යන රෝහල් වලට දීලා තියෙනවා. බදුල්ල රත්නපුර හම්බන්තොට කුරුණෑගල අනුරාධපුර යනාදී අනෙක් රෝහල්වලටත් දෙන්න’