ශ්රී ලංකා දෘෂ්යාබාධිතවූවන්ගේ ක්රිකට් පිල ශ්රී ලංකා ක්රිකට් ආයතනය යටතට ගෙන විශේෂ පුහුණුකරුවකුගේ සේවය ලබාදෙන්නේ නම් මීටත් වඩා දස්කම් දැක්වීමේ හැකියාව ගොඩනගා ගතහැකි බව ශ්රී ලංකා දෘෂ්යාබාධිතවූවන්ගේ ක්රිකට් පිලේ නායක චන්දන සූරිආරච්චි පැවසීය. ඉන්දියාවේ බැංගලෝර්හිදී පැවැති දෘෂ්යාබාධිතවූවන්ගේ පළමු විස්සයි20 ලෝක කුසලාන ක්රිකට් තරගාවලියේ තෙවැනි ස්ථානය හිමිකර ගනිමින් නැවත මව්බිමට පැමිණිමෙන් පසු කොළඹදී පැවැති මාධ්ය හමුවේදී සූරිආරච්චි මෙසේ ද පැවසීය. ‘‘අපේ මූලික ඉලක්කය වු අවසන් පූර්ව තරගයට පැමිණීමට අපිට හැකිවුණා. අපිට කණ්ඩායමක් හැටියට පුහුණුවීම් ලබන්න බැරි වුණා. පළමු තරග හතර අපිට පුහුණු තරග වුණා. අපිට මීට වඩා පහසුකම් ලබා දෙන්නේ නම් ජයග්රහණ ලබන්නත් පුළුවන්’’ ශ්රී ලංකා පිල මෙම තරගාවලියේ සහභාගි වූ තරග නවයෙන් තරග හයක්ම ජය ලැබුවත් අවසන් පූර්ව තරගයේදී ඉන්දියාවට පරාජය විය. ලබන අපේ්රල් මස මුම්බායිහිදී පැවැත්වෙන ආසියානු කුසලාන දෘෂ්යාබාධිතවූවන්ගේ ක්රිකට් තරගාවලිය ශ්රී ලංකාවේ මීළඟ ඉලක්කය වන බව ද චන්දන සූරිආරච්චි පැවසීය. ‘‘මෙම තරගාවලිය අපි අතහැර දමා තිබූ තරගාවලියක් නමුත් ශ්රී ලංකා ක්රිකට් ක්රීඩකයන් ඇතුළු බොහෝ දෙනකුගේ උදව්ව නිසා අපිට මෙච්චර දුරක් යන්න හැකිවුණා. ශ්රී ලංකා හිටපු නායක අර්ජුන රණතුංග මහතා ක්රීඩාංගණයට පැමිණීම අපිට ලොකු ශක්තියක් වුණා’’ මෙම තරගාවලියේදී ශ්රී ලංකා පිල වෙනුවෙන් චන්දන දේශප්රිය ශතක දෙකක් රැුස්කළේය. මෙම මාධ්ය හමුවට සහභාගි වූ රුහුණු විශ්ව විද්යාලයේ ශිෂ්යයකු වන දේශප්රිය පැවසුවේ කණ්ඩායම වැටී සිටි අවස්ථා දෙකකදී ශතක රැුස්කිරීමට ලැබීම ගැන තමන් සතුටු වන බවත් එහිදී ඉන්දීය පේ්රක්ෂකයන් තමන්ට ‘ජයසූරිය’ යැයි පවසමින් උනන්දු කළ බවත්ය. මෙහිදී ශ්රී ලංකා දෘෂ්යාබාධිත ක්රිකට් සංගමයේ නිලධාරීන් පැවසුවේ මෙම තරගාවලියට සහභාගි වූ ඉන්දීය පිලේ ක්රීඩකයන් වෘත්තිය ක්රීඩකයන් බවත් පාකිස්තානු ක්රීඩකයන් පාකිස්තානු ක්රිකට් පාලක මණ්ඩලය යටතේ ක්රීඩා කරන බවත්ය. මෙම සංචාරයට සහභාගිමට අවසර ලබාගැනීමේදී තමන් අපහසුතාවට පත්වූ බව දෘෂ්යාබාධිත ක්රීඩකයෝ පැවසූහ. කෙසේවුවත් මාධ්යයෙන් ලැබූණු සහයෝගය අමතක කළ නොහැති බවත් මින් මතු එවැනි අපහසුතා අපේක්ෂා නොකරන බවත් දෘෂ්යාබාධිත ක්රීඩකයෝ මෙම මාධ්ය හමුවේදී පැවසූහ. එහිදී ඔවුහු උදව් කළ සියලූ දෙනාට සිය ප්රමාණමය පළ කළහ.
ඊශ්රායලය, ගාසා තීරයේ හමාස් සටන්කාමීන් ඉලක්ක කර ගනිමින් ගුවනින් මෙන්ම ගොඩබිමින් ද ප්රහාර ආරම්භ කර අද (7) ට වසරක් සපිරේ.
දූෂණ විරෝධී නව පනත් කෙටුම්පත බලාත්මක වී වසරකට වැඩි කාලයක් ගතවී ඇතත් ඒ පනතේ විධිවිධාන ප්රකාරව අල්ලස් හෝ දූෂණ චෝදනා විමර්ශන කොමිෂන් සභාව ස්වාධීන ආයත
පොලිස් ස්ථානවල ගොඩ ගැසී ඇති විවිධ පැමිණිලි ඉදිරි සති දෙක තුළ අවසන් කළ යුතු බවට වැඩ බලන පොලිස්පති ප්රියන්ත වීරසූරිය මහතා නියෝග කර ඇති බව පොලිස් මාධ්ය
ඉලංගෙයි තමිල් අරුසු කච්චි පක්ෂය එම පක්ෂයේ ලකුණ යටතේ ඉදිරි මහ මැතිවරණයට තරග වදින බව හිටපු පාර්ලිමේන්තු මන්ත්රී එම්. ඒ සුමන්තිරන් මහතා පැවසීය.
ගම්පොළ බෝවල ප්රදේශයේ පිහිටි ගම්මාන පහක් තුල පරම්පරා කිහිපයක් පුරා ජල අවශ්යතා සපුරා ගැනීමට නොහැකි වීමෙන් දරුවන් හදා වඩා ගැනීම සීමා කිරීම හා ගම්මාන හ
නියෝජ්ය පොලිස්පති ධම්මික ප්රියන්ත මහතා රාජ්ය බුද්ධි සේවයේ අධ්යක්ෂ ලෙස පත් කරනු ලැබ සිටින අතර ඔහු හෙට (07) වැනි දා එම තනතුරේ වැඩ භාර ගැනීමට නියමිතය.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ශ්රී ලංකා දෘෂ්යාබාධිත ක්රිකට් පිලට ක්රිකට් ආයතනය උදව් කළ යුතුයි
චන්ද්රසිරි Tuesday, 18 December 2012 11:18 PM
සන්තෝෂයි. (නි)
ෆ්රෑන්ස් Tuesday, 18 December 2012 11:40 AM
ඔබ අපේ රටට ශක්තියක් .............ඔබව අගය කිරීම අපගේ යුතුකමක් ...........තව තව රට වෙනුවෙන් ජයග්රහණ ලැබ ගැනීමට ඔබලාට ශක්තිය ලැබේවා (ස)
අනුර Tuesday, 18 December 2012 05:48 PM
අපිට ඔබ ගැන ආඩම්බරයි. ඉදිරිය ජයම වේවා! (නි)