ක්වාලාලාම්පූර් නුවරදී පැවැති සුහද පාපන්දු තරඟයකදී මලයාසියාව විසින් ගෝල 6-0 ක් වශයෙන් ශ්‍රී ලංකාව පරාජය කරන ලදී. ශ්‍රී ලංකා ජාතික පාපන්දු කණ්ඩායම ප‍්‍රතිසංවිධාන රැුසකින් පසුව සහභාගි වූ පළමු විදේශීය තරග සංචාරය මෙයයි. ශ්‍රී ලංකාව ලද මෙම පරාජය ශ්‍රී ලංකා පාපන්දු සම්මේලනයේ දැඩි කණස්සල්ලට හේතු වී තිබේ. වසර ගණනාවක්ම ශ්‍රී ලංකා ජාතික පාපන්දු කණ්ඩායමේ පුහුණුකරු වශයෙන් කටයුතු කළ කොරියානු ජාතික පාපන්දු පුහුණුකරු ජංග් ජුංග් මහතා පසුගිය වසරේ දෙසැම්බර් මස නවදිල්ලියේදී පැවැති සාක් පරාජයෙන් පසු ශ්‍රී ලංකා දකුණු ආසියානු තරගාවලියේ සේවයෙන් සමු ගත්තේය. මෙතෙක් ශ්‍රී ලංකා පාපන්දු කණ්ඩායමේ නායකයා ලෙස කටයුතු කළ රෝහණ රුවන්තිලක ද එම ධුරයෙන් ඉවත් කැරුණි. ඒ අනුව මාස හයකට පසු වෙනස්කම් කිහිපයකින් පසුව නව නායක ඊ.බී. චන්නගේ හා නව පුහුණුකරු සම්පත් පෙරේරා මහතා යටතේ ශ්‍රී ලංකා පිලේ මලයාසියානු තරග සංචාරය ආරම්භ විය. මලයාසියාව හමුවේ ලද මෙම පරාජයත් සමග ලෝක පාපන්දු ශ්‍රේණිගතකිරීම් අනුව 186 වැනි ස්ථානයේ සිටි ශ්‍රී ලංකාව තවත් පහළට වැටෙනු ඇතැයි වාර්තාවේ. මෙම තරගයේ පළමු අර්ධයේදී මලයාසියාව ගෝල 2-0 කට පෙරමුණ ගනිමින් දස්කම් දැක්විය. වත්මන් ක‍්‍රීඩා ඇමැති මහින්දානන්ද අලූත්ගමගේ මහතාගේ විවේචනයට ලක්ව තිබෙන ජාතික ක‍්‍රීඩා සංගමයක් බවට පත්ව ඇති පාපන්දු සම්මේලනයේ සභාපතිවරයා වන්නේ පාර්ලිමේන්තු මන්ත‍්‍රී, රියර් අද්මිරාල් සරත් වීරසේකර මහතාය. මීට පෙර ශ්‍රී ලංකා කණ්ඩායමෙන් ඉවත්කර සිටි දැල් රකින්නන් දෙදෙනකු යළිත් ශ්‍රී ලංකා පිලට කැඳවමින් මෙම තරග සංචාරයට සහභාගි කර ගත් බවද වාර්තාවේ. ශ්‍රී ලංකා ජාතික පාපන්දු කණ්ඩායම මැයි 13 වැනිදා ආරම්භ වන පලස්තීන සහයෝගිතා පාපන්දු තරඟාවලියට හා, ‘ජෙඩා’ නගරයේදී ආරම්භ වන ඔලිම්පික් සුදුසුකම් ලබාගැනීමේ තරග වටයට සහභාගි වීමට ද සූදානමින් සිටියි.