ශිහාන් ප්‍රනාන්දු යනු නවක ගායකයෙකි. ඔහු විසින් පසුගියදා එළිදැක්වූ "කරපිංචා මාලේ" ගීතයත් සමග ඔහුට බොහෝ රසික ප්‍රතාචර හිමිවිය. වෙනස් සංකල්පයක් යටත් ලියැවුණු මේ ගීතය පිළිබඳව ශිහාන් අපත් සමග පැවැසුවේ මෙවැනි අදහසකි.

"මේ ගීතය ගැන කිව්වොත් ඇත්තටම Official විදිහට දාපු පළවැනි මියුසික් වීඩියෝව. මීට කලින් සිංදු කරලා තියෙනවා. දැනට YouTube එකේ මගේ අනිත් සිංදු අහන්න පුළුවන්. මට ඇත්තටම ඕන වුණේ, වෙනස් සිංදුවක් කරන්න. වෙනස් වීඩියෝවක් කරන්න. හැබැයි ඒදේට තේරුමක් තියෙන්න ඕනෙ කියලා හිතුණා. පොඩි සතුටක් එක්ක තේරුමක් තියෙන ගීතයක්. අපි හිතමුකෝ සීනි තියෙන අයට සීනි කන්න එපා කිවුවට අහන්නේ නැහැනේ. ඒකට හොඳ හාලක් වගේ දෙයක් කන්න වගේ අදහසක් තමයි මේ ගීතයෙන් එන්නේ. අපි දැන දැන වැරදි කළාට ඒ වැරැද්දට මොකක් හරි දෙයක් කරන්න ඕනේ. ඒ වැරැද්ද නැති කරගෙන කවදා හරි දිනන්න ඕනේ කියලා තමයි තියෙන්නේ."

"තාලා රූප" විසින් තමයි මෙහි වීඩියෝව කළේ. සිංදුවේ පද රචනය සහ මෙලඩි එකත් මගේ. සංගීත කළේ මියුසික් අවන් එකේ ලහිරු පෙරේරාත් එක්ක එකතු වෙලයි. ගීතයට මේ දවස්වල හොඳ ප්‍රතිචාර තියෙනවා. දැනට නාළිකා දෙක තුනකත් ප්‍රචාරය වෙනවා. මේ ගීතියට ලැබෙන ප්‍රතිචාරත් එක්ක මම කරන්න සැලසුම් කරපු දේ ඒ අකාරයෙන්ම ඉටුවෙලා තියෙනවා කියලා මට හිතෙනවා."

ඩිලාන් ක්‍රිෂාන්ත