සීගිරි අභය භූමියේ වැව් රක්ෂිතයක හෝටලයක් ඉදිකිරීම සඳහා ශ්‍රී ලංකාවේ ක්‍රිකට් ක්‍රීඩකයකුට අක්කර හතක් වෙන් කර දී ඇතැයි කියමින් ප්‍රදේශවාසීහු විරෝධය දක්වති. මෙම ඉඩම ලබා දී ඇත්තේ අභය භූමියක් බවට 1990 ජනවාරි 20 වැනි දා අතිවිශේෂ ගැසට් පත්‍රයක් මගින්, වනසත්ව රැක්ෂලතා ආරක්ෂක ආඥාපනතින් නම් කළ කායම්විල වැව් රක්ෂිතයෙනි. සීගිරි පර්වතය පෙණෙනතෙක් මානයේ ඇති මේ අභය භූමියේ අලි ඇතුන් ඇතුළු වනසතුන් ජීවත්වෙති. මධ්‍යම පළාත් සභා මන්ත්‍රී ප්‍රමිත් බණ්ඩාර තෙන්නකෝන් පැමිණ විරෝධතා කරුවනට පවසා ඇත්තේ මේ ගැන, තම පියාවන ඉඩම්, ඉඩම් ප්‍රතිසංස්කරණ ඇමැතිවරයා වන ජනක බණ්ඩාර තෙන්නකොන්  සමග සාකච්ඡා කර ඉරිදා වන විට විසැඳුමක් දෙන බවයි. සීගිරිය බාර වන ජිවි නිලධරීන් පවසන්නේ තමන් මේ ගැන කිසිවක් නොදන්නා බවයි.