සජිත් එදිරිසූරිය කියන්නේ ගීත ලොවට නවකයෙකු නොවෙයි. කණ්ඩායම් සංගීත තුළ වසර ගණනාවක් සිට සංගීත පිළිබඳව ඉගෙන ගනිමින් සිටි ඔහුගේ කුලුඳුල් ගීතය වන ‘පාලුවේ තනිවෙලා’ පසුගියදා එළිදක්වනු ලැබුවා. ඒ පිළිබඳව සහ ඔහුගේ සංගීත කටයුතු පිළිබඳව කතා බහ කිරීමට ‘සාරවිට’ සමග එකතු වූ මොහොතකි මේ.
මුලින්ම ඔබ ගැන කිවුවොත්?
මම සජිත් එදිරිසූරිය. කරන්නෙ නම් සංගීතය තමයි. මම මේ වන විට වෘත්තීය වශයෙන් සංගීත කණ්ඩායමක් පවත්වාගෙන යනවා. මගේ ගම තිස්සමාහාරාමය. මේ දිනවල මගේ අලුත්ම මියුසික් වීඩියෝව රසවිඳින්න පුළුවන්.
කලාවට එකතු වෙන්නේ කොයිකාලෙද? ඒ වගේම කලාව කියන්නේ ඔබේ වෘත්තිය?
අධ්යාපන කටයුතු කරන අවසාන කාලයේදී මම සංගීත කණ්ඩායමක් සඳහා සම්බන්ධ වෙලා කටයතු කළා. පස්සේ ඒක දිගින් දිගටම ගියා. ඊට පස්සේ හිතුනා මියුසික් වීඩියෝවක් කරන්න ඕනේ කියලා. ඊට පස්සේ තමයි මියුසික් වීඩියෝවක් කළේ.
මෙය ඔබේ පළමු මියුසික් වීඩියෝවද?
මගේ පළමුවැනි මියුසික් වීඩියෝවයි. හිතුවක්කාරකම් තමයි Song Title එක යන්නේ. පාළුවේ තනි වෙලා තමයි සිංදුව. ඉතිං මේකේ වීඩියෝව කළේ චාමු ශ්රී, පදරචනය කවී සාරංග, සංගීතය මුසු කළේ තුෂාර විජේවර්ධන. මේ කට්ටියගේ එකතුවෙන් තමයි මේ වැඩේ ලස්සනට කරගත්තේ.
කාලීනවූ ආදර ගීතයක්ද?
නැහැ. හැමදාම තියෙන දේට වඩා පොඩි වෙනසක් කරලා තියෙනවා. හිතුවක් කාර ගෑනු ළමයෙක් ගැන තමයි මේකෙන් කියැවෙන්නේ. හිතුවක්කාර වෙලා කෙනෙක් එක්ක එළියට ගිය වෙලාවේ අනතුරක් සිද්ධ වෙනවා. ඊට පස්සේ ආයේ එන්න වෙන්නේ තමන්ගේ හරි පෙම්වතා ළඟටම තමයි. ඒ ගැන තමයි මෙයින් කියවෙන්නේ.
ගීතයට ලැබෙන ප්රතිචාර?
මේ වෙද්දී හොඳ ප්රතිචාර ලැබෙනවා. ගොඩක් අය හොඳයි කියලා කියනවා. හොඳ වගේම නරකත් මම බලාපොරොත්තු වෙනවා. හොඳ වගේම නරකත් සමබරව භාරගෙන තවත් හොඳ නිර්මාණයක් කරන්න බලාපොරොත්තු වෙනවා.
ඉදිරි කටයුතු?
සංගීත කණ්ඩායමේ කටයුතුත් කරගෙන අලුත් ගීතයක් සඳහා යන්න බලාපොරොත්තු වෙනවා. ඒ ගීතයත තුලින් අලුත් දෙයක් දෙන්න ගොඩක් උත්සාහ කරනවා. හැමදාම දකින දේට වඩා අලුත් දෙයක් කරන්න ඊළඟ වීඩියෝවෙන් බලාපොරොත්තු වෙනවා.
ඒකත් ආදර ගීතයක්ද?
ඒ ගීතයේ ගොඩක් වෙනසක් සිදුවෙයි. හැමදාම යන්නේ ආදර ගීත සහ විරහ ගීත නිසා නටන්න පුළුවන් පැත්තට ගීතයක් නිර්මාණය කරන්නයි හිතන් ඉන්නේ.
සංගීත කණ්ඩායම ගැන කිවුවොත්?
සංගීත කණ්ඩායමේ නම ‘Succesessfull’. අවුරුදු තුනක් විතර වෙනවා සංගීත කණ්ඩායමට. සංගීත කණ්ඩායමේ හැමදෙනාම සහයෝගය දෙනවා මගේ හැමදේටම. ඒ අයත් එක්ක ඒ කටයුතු කරගෙන යනවා වගේ මගේ දේවලුත් කරගෙන යන්න බලාපොරොත්තු වෙනවා.
සහයෝගය දුන් පිරිස?
විශේෂයෙන්ම මගේ බිරිඳ මුලින්ම මතක් කරන්න ඕනේ. එයා මගේ පස්සෙන්ම ඉඳන් මට ලොකු ශක්තියක් වුණා. මගේ අයියා. එයාවත් මතක් කරන්න ඕනේ. චමුශ්රී, මියුසික් කරපු තුෂාර අයියට, පදරචනය කරපු රවී අයියට. ඒ අය තමයි මේ ගීතයේ පිටුපසින් ඉන්න අය. නම් වශයෙන් කියන්න බැර වුණත් වචනයකින් හරි මට උදවු කරපු හැමෝටම ස්තුතියි කියනවා.
ඩිලාන් ක්රිෂාන්ත
දිවයින ආශ්රිත වායු ගෝලයේ පවතින කැළඹිලි ස්වභාවය හේතුවෙන් දැනට පවතින වැසි තත්වය තවදුරටත් බලාතොරොත්තු වන බව කාලගුණ විද්යා දෙපාර්තමේන්තුව කියයි.
කඩුවෙල, බියගම, ඉහළගම සහ ජා ඇල යන ප්රදේශ ආශ්රිතව ගංවතුරට අසුව පීඩාවට පත් ජනතාවට සහන සැලසීම සදහා ආපදා සහන කණ්ඩායමක් 8 ක් ස්ථාපිත කර ඇති බව නාවික හමුදාව පව
මැතිවරණ වියදම් වාර්තා බාරදී ඇත්තේ ජනාධිපති අපේක්ෂකයන් 38 දෙනාගෙන් 30 දෙනකු පමණක් බව මැතිවරණ කොමිෂන් සභාව පවසයි.
නොකඩවා ඇදහැලෙන ධාරාණිපාත වර්ෂාව හේතුවෙන් කොටුගොඩ ගුරුගේවත්ත ප්රදේශය ගංවතුරින් යටවීමෙන් අව තැන් වී සිටි පනහකට ආසන්න පිරිසක් ඉන් මුදා ගෙන ආරක්ෂිත ස්
දින කීපයක් තිස්සේ පවතින අධික වර්ෂා හේතුවෙන් කුඩා ගඟ පිටාර ගැලීමෙන් කළුතර මාර්ග අවහිර හේතුවෙන් සද්දන්ගොඩ තරුණයකු තම සහකාරිය අගුලක ආධාරයෙන් නිවෙස කැඳ
කටුකුරුන්ද දුම්රිය ස්ථානයේදී දුම්රියේ ගැටී මියගිය තිදෙනා ගෙන් එක් අයකු සිය සිගිති පුතා රැගෙන දුම්රියට පැන දිවි නසා ගැනීමට තැත්කර ඇති බවත් අනෙක් පුද්
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
සජිත්ගේ කුලුඳුල් ගීතය වන 'පාලුවේ තනිවෙලා'