සජින් වාස්ට හා මර්වින් සිල්වාට එරෙහිව ඡන්දය දුන් පුරවැසියන්ගේ අපේක්ෂා යහපාලන ආණ්ඩුව විසින් බිඳ වට්ටනු ලැබ ඇතැයි අනුරාධපුර දිස්ත්‍රික් සන්ධාන මන්ත්‍රී ෂෙහාන් සේමසිංහ මහතා පැවසීය.

රාජපක්ෂ ආණ්ඩුව පරාජය කිරීමට හේතු වූ පුද්ගලයන් යහපාලන ආණ්ඩුව ලන් කර ගැනීම විහිළුවට කරුණක් යැයි ලංකාදීපය සමග කළ සාකච්ඡාවක දී සේමසිංහ මහතා සඳහන් කළේය.

කිරුළපන මැයි රැලිය සංවිධානය කළේ එජාපයට එරෙහිව බැවින් ශ්‍රීලනිප මධ්‍යම කාරක සභාවට ඒකාබද්ධ විපක්ෂයට එරෙහිව විනය පියවර නොගනු ඇතැයි බලාපොරොත්තු වන බව ද ඔහු කීවේය.