මුදල් වැයකර විවාහ මංගල උත්සවයක් ගැනීමට හැකියාවක් නොමැති දුප්පත් තරුණ යුවළ සඳහා උදව් වීමේ වැඩපිළිවෙළක් ක්‍රියාත්මක කිරීමට සමස්ත ලංකා බෞද්ධ මහා සම්මේලනයට අනුබද්ධිත කාන්තා අභිවෘද්ධි සංසදය පියවර ගෙන ඇත.

ඒ අනුව කොම්පඤ්ඤවීදියේ පදිංචි රුවනි ලියනගේ (30) හා වැල්ලම්පිටියේ අසිත කැළුම් (32) යුවළට එම සංසදයේ ආධාරයෙන් සාර්ථක විවාහ මංගල උත්සවයක් පවත්වා අතිනත ගැනීමට හැකිවිය.

කාන්තා අභිවෘද්ධි සංසදයේ සාමාජිකයින්ගේ හා එම තරුණ යුවළගේ නෑ හිතවතුන්ගේ ආශිර්වාද මැද මංගල උත්සවය කොළඹ 7, බෞද්ධ මහා සම්මේලන ශාලාවේදී පැවැත්විණි.