කොරෝනා වයිරසය ආසාදනය වීම හේතුවෙන් රෝහල්ගතව ප්‍රතිකාර ලබමින් සිටි 11දෙනෙකු සුවය ලබා අද(15) පිටව ගිය බව වසංගත රෝග විද්‍යා අංශය නිකුත් කළ නවතම වාර්තාවේ දැක්වේ.

ඒ අනුව, සුවය ලැබූ සමස්ත ආසාදිතයන් සංඛ්‍යාව 3016 දක්වා ඉහළ ගොස් ඇති අතර, මේ වනවිට 234ක් තවදුරටත් රෝහල්වල ප්‍රතිකාර ලබමින් සිටිති.

අද දිනයේ දී සුවය ලබා පිටව ගිය පිරිස අතර, ජාතික බෝවන රෝග විද්‍යායතනයෙන් 3ක්ද, වැලිකන්ද මූලික රෝහලෙන් 6ක්ද, ඉරණවිල රෝහලෙන් දෙදෙනෙක්ද වෙති.

ශ්‍රී ලංකාවෙන් මේ වනවිට වාර්තා වන සමස්ත කොරෝනා ආසාදිතයන් සංඛ්‍යාව 3263ක් වන අතර, 13දෙනෙකු මියගොසිනි.