ගෝල්ඩන් කී නඩුවට අදාළව මූල්‍ය වංචාවක් කළැයි සැකපිට රිමාන්ඩ් බාරයේ සිටින සිසිලි කොතලාවල අද (29) මෝසමක් මගින් ඇප ඉදිරිපත් කිරීමට පැමිණියද අධිකරණයේ අභිමතය පරිදි නිසි ඇප නොමැති වීම හේතුවෙන් ඇප තැබීම මාර්තු 31 වැනිදාට කල් තැබිණි.

රුපියල් ලක්ෂයක මුදල් ඇප හා රුපියල් ලක්ෂ 10 බැගින් වූ ශරීර ඇප දෙකක් මත ඇය මුදාහැරීමට පසුගියදා අභියාචනාධිකරණය තීන්දු කළ අතර එක් ශරීර ඇපයක් සඳහා රජයේ විධායක නිලධාරියකු ඇප තැබිය යුතු බවට වන කොන්දේසිය අද සපුරා නොමැතිවීම හේතුවෙන් සිසිලි කොතලාවලගේ ඇප කොළඹ මහාධිකරණ විනිසුරු මනිලාල් වෛද්‍යතිලක මහතා ප්‍රතික්ෂේප කළේය.