පාසල් සිසුන් පිරිසක් සීගිරි සිංහ පාදයේ කුරුටු ගෑම බරපතල තත්ත්වයක් බවත්, මධ්යම සංස්කෘතික අරමුදලෙන් එම ස්ථානයට නිසි ආරක්ෂාවක් දී තිබුනේ නම් මෙවැනි තත්ත්වයක් ඇති නොවන බවත්, සිද්ධිය ගැන වහා පුළුල් පරික්ෂණයක් සිදු කර ගෙස පුරා විද්යා කොමසාරිස් සෙනරත් දිසානායක මහතාට නියෝග කළ බවත් ජාතික උරුමයන් පිළිබඳ ඇමැති ජගත් බාලසූරිය මහතා පැවසීය.
සීගිරිය පුරාවිද්යාත්මක ස්ථානයක් වුවත්, එහි ආරක්ෂාව හා මූල්ය පාලනය සම්බන්ධයෙන් කටයුතු කරන්නේ මධ්යම සංස්කෘතික අරමුදල බව ද ඇමැති කීවේය.
‘සීගිරියේ අලංකාරම ස්ථානය තමයි සිංහගිරිය. විනෝද ගමනක් ආපු දරුවන් සමූහයක් තමයි මේ දේ කර තියෙන්නේ. මේක කඩා කප්පල් කාරී වැඩක් කියලා කියන්න බෑ. අපි හිතන්නේ ඔවුන් නොදැනුවත් කම නිසා මේ දේ කළා කියලා. නමුත් මධ්යම සංස්කෘතික අරමුදලෙන් ඒ වෙලාවෙ එතන ආරක්ෂාවට නිලධාරීන් යොදවා තිබුණා නම් සිසුන් නොදැනුවත්ව හෝ කළ දේ නවත්වගන්න තිබුණා. මේක කිසිම කෙනෙක් කරන්නේ නැති දෙයක්.
සිංහ පාදයේ ආරක්ෂාවට නිලධාරීන් යොදවා ඇතැයි කියලා මධ්යම සංස්කෘතික අරමුදලෙන් අපට කිව්වා. නමුත් එම අවස්ථාවේ කිසිවකු නොසිටි බව පැහැදිලි. මෙය බරපතල තත්ත්වයක්.
සිද්ධිය දැනගත් ගමන්ම මම පුරාවිද්යා කොමසාරිස්තුමාට දැනුම් දුන්නා මේ ගැන වහාම පරීක්ෂණයක් පටන් ගන්න කියලා. පුරාවිද්යා කොමසාරිස් මට දැන්වුව මෙතන කඩා බිඳ දැමීමක් සිදු වෙලා නෑ කියලා. ඒත් අකුරු ලියලා තියනවා කියලා කිව්වා. මේක වැරදි පූර්වාදර්ශයක් බවත්, එය සිදු නොවිය යුතු දෙයක් බවත් එතුමා මට කිව්වා.‘
පසුගිය සිකුරාදා සවස 4.30 - 5.30 අතර කාලයේ මෙය සිදුවී ඇති අතර එම අවස්ථාවේ සිංහ පාදයේ ආරක්ෂාවට මධ්යම සංස්කෘතික අරමුදලෙන් ආරක්ෂයකු යොදවා නොතිබිණි.
එහි සිටි නිලධාරියකු පැවසුවේ සිංහ පාදය අසල ආරක්ෂාවට කිසිවකු යොදවන ලෙස ඉල්ලුවත් එය ඉටු නොවූ බවයි.
මධ්යම සංස්කෘතික අරමුදල මගින් මීට කලකට ඉහතදී සිංහ පාදය අසළ වැසිකිළි ඉදිකිරීමට ගිය අතර මතුවූ බලවත් විරෝධය හමුවේ එය සිදු කළ නොහැකි විය.
මීට වසර කිහිපයකට පෙර ද සීගිරිය නැරඹීමට ගිය ගම්පහ දිස්ත්රික්කයේ පාසලක සිසුවෙක් කැටපත් පවුරේ අකුරක් ලියන්නට උත්සාහ දරද්දී අල්ලා පොලීසියට භාර දී තිබිණි.
එවැනි අවස්ථා කිහිපයක්ම සිදුවී තිබියදීත් සීගිරියේ ආරක්ෂාවට ප්රමාණවත් පිරිසක් නොයොදවා තිබීම ගැන කණගාටු වන බවත්, ඒ ගැන සොයා බැලිය යුතු බවත් පුරාවිද්යා නිලධරයෙක් පැවසීය.
මෙවැනි සංස්කෘතක ස්ථානයන් නැරඹීමට එද්දී හැසිරිය යුතු අන්දම ගැන සිසුන් දැනුවත් කිරීම ගුරුවරුන්ගේ යුතුකමක් බවත්, දේශීය සංචාරකයකුගෙන් රුපියල් 50 බැගින් ටිකට් ගන්නා මධම සංස්කෘතික අරමුදල සීගිරියේ ආරක්ෂාව වැඩි කිරීමට කටයුතු කළ යුතු බවත් එම නිලධාරියා කීවේය.
(ග.හෙ)
මනුෂ්ය ඝාතන දෙකක් සම්බන්ධයෙන් චෝදනා ලද පුද්ගලයකුගේ වැල්ලම්පිටිය වේරගොඩ කැලණිතිස්සගම නිවස වටලා සිදු කළ සෝදිසි මෙහෙයුමකදී සඟවා තිබූ තියුණු ආයුධ තොග
ශ්රී ලංකා පොත් ප්රකාශකයින්ගේ සංගමයේ 25වැනි කොළඹ ජාත්යන්තර පොත් ප්රදර්ශනය නැරඹීම සඳහා දහස් සංඛාත පිරිසකගෙන් කොළඹ බණ්ඩාරනායක අනුස්මරණ ජාත්යන්
රුපියල් අනූ හතර ලක්ෂ පහළොස් දහසක් වටිනා ’’ කුෂ් ’’ ගංජා මත්ද්රව්ය තොගයක් ගුවන් තැපැල් සේවය ඔස්සේ , ත්යාග පාර්සලයක් ලෙස සදහන් කරමින් කටුනායක ගුවන් බ
මන්නාරම මහාධිකරණ විනිසුරු එම් එම් එම් මිහාල් මහතාගේ ඡායාරූප ඇතුලත් කරමින් එතුමාට අපහාසයක් සිදුවන පරිදි කොළඹ සහ තදාසන්න ප්රදේශවල පෝස්ටර් ඇලවීමට නිර
ශ්රී ලංකා ගමනාගමන මණ්ඩලයේ නව සභාපති ලෙස හිටපු සභාපතිවරයකු වන රමාල් සිරිවර්ධන මහතා පත් කර තිබේ.
නැගෙනහිර සහ ඌව පළාත්වල ස්ථාන ස්වල්පයක සවස් කාලයේදී හෝ රාත්රී කාලයේදී වැසි හෝ ගිගුරුම් සහිත වැසි ඇතිවන බව කාලගුණවිද්යා දෙපාර්තමේන්තුව කියයි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
සිංහ පාදය කුරුටු ගෑම ගැන ඇමැති නිලධරයනට දොස් කියයි
උපුල් Sunday, 17 March 2013 02:12 PM
පැහැදිලි කිරීම් වැඩක් නැහැ. ලියලා තියෙන විදියෙන් ජාතිය පේනවා. සුදුසු පියවරක් නොගත්තොත් ඉදිරියට වෙන දේ ගැන කියන්න ඕනෙද?(නදී)
මනෝහරන් Sunday, 17 March 2013 02:43 PM
කව්ද ඇත්තටම මේ රටේ ඉතිහාසය සාහිත්ය උගන්වන එක පාසැලෙන් ඉවත් කෙරුවේ. (නදී)
සුනිල් Sunday, 17 March 2013 02:44 PM
ඇමති තුමා ඒ ගොල්ලෝ ඒකට වැඩිය කැමති නැහැ (දී)
සංක Sunday, 17 March 2013 11:55 PM
ඒ පිරිස තම වගකීම පහර හැරලා (දී)
හේමන්ත Sunday, 17 March 2013 10:43 AM
දොස් කියලා ඇතිද (දී)
අලන්ක Sunday, 17 March 2013 04:31 PM
පුරාවිද්යා දෙපාර්තමේන්තුවේ හා මධ්යම සංස්කෘතික අරමුදලේ අය මීටවඩා වගකීම් සහගත වියයුතුයි. (නි)
හේරත් Sunday, 17 March 2013 11:05 AM
රටේ ලස්සන නැති කරනවා (දී)
ඉසුරු Sunday, 17 March 2013 11:09 AM
පාර්ලිමේන්තුවේ වගේ නොදැනුවත්කමින් වැරදි කරන මිනිස්සු මේ රටේ නැහැ. පාසැලක ළමුන් ඇවිල්ලා තියෙන්නේ අධ්යාපන චාරිකාවක්. ළමයින් කරන දේ ගුරුවරු දැක්කා නම් ඒක නවත්තන්න ඕනෑ. ඒ කියන්නේ දැන් පාසැල් වල ඉන්න ගුරුවරු පවා රටේ ඉතිහාසය , වැදගත් ස්ථාන ගැන නොදැනුවත් අයද? (නි)
ලලිත් Sunday, 17 March 2013 11:39 AM
දොස් කියන්න නොවෙයි අයින් කරන්න ඕනේ (දී)
සතිෂ් Sunday, 17 March 2013 11:55 AM
ඒක භාර නිලධාරීන්ට කෙන්තියනවා (දී)
ඉන්දික Sunday, 17 March 2013 05:29 PM
නිලධරයෝ විතරක් නොවෙයි මේ ළමයි සමග සිටි ගුරුවරු මොකද කලේ (දී)
ලක්මාල් Sunday, 17 March 2013 05:48 PM
නිසි දඩුවම් දෙන්න වයස බලන්න එපා
අජිත්-කුවෙයිට් Sunday, 17 March 2013 12:55 PM
ඉස්සෙල්ලාම ගුරුවරුන්ට මේවයේ වටිනාකම් කියලා දෙන්න ඕනෑ. (නි)