සිංහරාජය වෙනුවෙන් තම ඉඩම හුවමාරු කරගැනීමට යන වනජීවී නෝනා

(ඩයනා උදයංගනී)

වන සංරක්‍ෂණ දෙපාර්තමේන්තුවේ ගම්පහ , දිසා වන නිලධාරිනී දේවානි ජයතිලක මහත්මිය ඇය සතු එකම ඉඩම ලංකාගම ඉඩමකට හුවමාරු කරගැනීමට කැමති බව තම මුහුණු පොතෙහි සටහන් කර ඇත.

තම ඉඩම ලංකාගම ඉඩමකට හුවමාරු කරගෙන එසේ ලබාගන්නා ලංකාගම ඉඩම සිංහරාජ රක්ෂිතයට පැවරීම ඇගේ අරමුණ බවද ඇය එහි සටහන් කර තිබේ.

ඇය සිය මුහුණු පොත් ගිණුමේ මෙම සටහන තැබීමෙන් පසු තවත් බොහෝ දෙනෙක් ඇය හා එක්වෙමින් සිංහරාජ අඩවියට පැවරීම සඳහා ලංකාගම ඉඩම් තම ඉඩම් සමඟ හුවමාරු කරගැනීමට කැමැත්ත ද පළ කර තිබේ.

දේවානි ජයතිලක මහත්මිය පසුගිය දිනවල දැඩි කතාබහට ලක් වූ වන නිලධාරිනියකි.

ඒ මීගමුව ප්‍රදේශයේ කඩොලාන පද්ධතියක් විනාශ කරමින් ක්‍රීඩා පිටියක් ඉදිකිරීම සඳහා වූ යෝජනාවකට සෘජු ලෙස විරෝධය පලකරමින් වර්තමානයේ රාජ්‍ය අමාත්‍යවරයකු ලෙස කටයුතු කරන සනත් නිශාන්ත මහතා සමඟ මත ගැටුමක යෙදුණු සිද්ධියක් සමාජ මාධ්‍ය හා මාධ්‍ය ඔස්සේ ප්‍රචාරයවීමත් සමඟය.

“ලංකාගම ඉඩමකට මගේ නමින් ඇති එකම ඉඩම හුවමාරු කර එය සිංහරාජයට පැවරීමට කැමති. හුවමාරුවට කැමති අයෙක් අමතන්න” යනුවෙන් ඇය සිය මුහුණු පොත් ගිණුමෙහි සටහන් කර තිබේ.

මේ සම්බන්ධයෙන් කළ විමසීමක දී දේවානි ජයතිලක මහත්මිය පැවසුවේ තමන්ට අයත් කෑගල්ල ප්‍රදේශයේ ඉඩමක් මෙසේ හුවමාරු කරගැනීමට තීරණය කළ බවයි.

එහි කැලෑවක් නිර්මාණය කිරීමට තමන් සැලසුම් කර තිබූ බවත්, කුඩා කැලෑවක් නිර්මාණය කිරීමට වඩා සිංහරාජය ආරක්ෂා කරගැනීම වෙනුවෙන් යමක් කිරීම වැදගත් යැයි සිතුණු නිසා මෙම තීරණය ගත් බව ද ඇය කීවාය.

ගම්පහ දිස්ත්‍රික්කයේ සේවය කරන තමන්ට සිංහරාජය වෙනුවෙන් රාජකාරී මට්ටමින් යමක් කළ නොහැකි නිසා පෞද්ගලිකව හෝ එයට දායකවීමේ අරමුණින් මෙම පියවර ගත් බව ද ඇය පැවසුවාය.

අදහස් (36)

සිංහරාජය වෙනුවෙන් තම ඉඩම හුවමාරු කරගැනීමට යන වනජීවී නෝනා

Akila Wednesday, 02 September 2020 01:18 PM

ගමට හරිහමන් පාරක් නැහැ කියලා ලෝක උරුමයක් වන සිංහරාජය හරහා පාරක් දමලා පැලැස්තරයකින් ප්‍රශ්නය වහන්න හදන දේශපාලුවන්ට මැයගෙන් ඉගෙන ගන්න ගොඩක් දේවල් තියෙනවා..

: 66 3004

NuwanWednesday, 02 September 2020 01:56 PM

ඔය පාර කපන්නේ හරියට බාබර් කොණ්ඩේ කපන්න ගියාම ලයින් එක ගහගන්නවා වගේ වැඩක් කරන්නේ... අන්තිමට කොණ්ඩෙත් නෑ. වනාන්තරෙත් නැහැ.

: 0 267

පූජා Wednesday, 02 September 2020 01:33 PM

ඇය උදාර කාන්තා රත්නයකි. මම ඔබට බොහෝ සේ ගරු කරමි.

: 45 2027

අමුද්ධිකWednesday, 02 September 2020 02:35 PM

ජනතාව 2/3ක් දුන්නේ දැන් රජයේ ඉන්න දේශපාලකතුමාලාටද? මේ නිලධාරිනියටද? 20 ආණ්ඩුක්‍රම සංශෝධනය වහාම ක්‍රියාත්මක කර මෙවැනි රජයේ නිලධාරීන් ආණ්ඩුවේ දැවැන්ත සංවර්ධන ක්‍රියාදාමයට කරන බාධා නැවැත්විය යුතුයි...

: 2453 114

lankasriWednesday, 02 September 2020 07:30 PM

ඔයාට නම වැටෙන්න තිබුණේ මන්ද බුද්ධික කියලයි.

: 0 179

helayaThursday, 03 September 2020 04:11 AM

බඩගෝස්තරවාදී දේශපාලුවන්ට 2/3 දුන්නේ මෙවන් උගත් අයගෙන් ඉගෙනගෙන රටට සුබවාදී වැඩක් කරන්න මිස නීතිය නොදැන කටයුතු කිරීමට නොවේ.

: 0 51

indika Wednesday, 02 September 2020 01:36 PM

ඔබතුමිය වගේ කොන්දක් තිබුණු රාජ්‍ය නිලධාරියෙක් රටේ ප්‍රධානියාට වක්‍රවාකාරයෙන් හෝ කළේ වැරැද්දක් බව තේරුම් කිරීම ගැන සතුටු වෙමි. මෝඩ පාලකයන් උගත් අයගේ අදහස් පිළිගත යුතුයි. නමුත් ඔබතුමියගේ ජීවිතය ගැන ලොකු අවදානමක් දැන්... පරෙස්සම් වෙන්න. උගතුන්ට රටේ තැනක් නැහැ.

: 17 1191

අසනිල්Thursday, 03 September 2020 03:01 AM

රටේ ප්‍රධානියාට වක්‍රාකාරයෙන් හෝ වැරදි පෙන්වන්න යාම අත්අඩංගුවට ගෙන හිරේ දැමිය යුතු වරදක් නොවේද?

: 0 1

ලුම්බිණි Wednesday, 02 September 2020 01:36 PM

මෙවැනි අය තවතවත් ලංකාවේ බිහිවෙනවා නම් කොච්චර දෙයක්ද?

: 15 3576

Raveendra Wednesday, 02 September 2020 01:46 PM

අහිංසක මහජනතාවගේ බදුමුදල් වලින් නිදහස් අධ්‍යාපනය ලබා මහජන මුදලින්ම වැටුප් ලබමින් තමන් උපන් රටේ පරිසරය ආරක්ෂා කිරීමට උත්සාහ කරන "ඔබතුමියට" යහපතක්ම වේවා!!! තමන්ගේ සියලු බලාපොරොත්තු සඵල වේවා !!!

: 9 4374

නෙවිල් Wednesday, 02 September 2020 01:54 PM

උදාරයි. ඒත් හෙමින්, හෙමින්, ප්‍රවේශමෙන්.

: 26 471

මොනිකා මානවඩු Wednesday, 02 September 2020 02:03 PM

යක්ෂ ගැහැණියක්, රට වෙනුවෙන් නිසා එයා කිසි කෙනෙකුට බය නැහැ. සනත් නිශාන්ත කවුද අප්පා? බයියන්ටම හොඳයි..

: 12 1121

sena Wednesday, 02 September 2020 02:11 PM

සංරක්ෂිතයේ පොල් හාටවන අය ඉන්න අපේ රටේ ඔබතුමිය අපට වීරවරියක්...

: 8 654

siri Wednesday, 02 September 2020 02:16 PM

තෙරුවන් සරණයි... බස් දුවන පාරක් කියන්නේ ගමක, නගරයක මූලාරම්භයයි. මහජනතාවගේ ඇස් දැන්වත් ඇරේවා...

: 1 431

විජිත් Wednesday, 02 September 2020 02:18 PM

මමත් බොහොම ගරුකරන නිලධාරිනියක්... ඒ වගේම උතුම් ශ්‍රී ලාංකික දුවෙක්...!!! මීගමුවේ කඩොල් කැලේ කපලා ක්‍රීඩා භූමියක් හදන්න " නූගත් දේශපාලුවෙක් " මිනිහගේ නැට්ටෝ ටිකත් එක්ක සූදානම් වුණු වේලාවේ ඒ පරිසරය රැකගත්තේ මෙතුමියයි. දේවානි කියන නමෙන් ගම්‍ය වෙන්නෙත් "දෙවියන් වෙනුවෙන් .." වැනි අර්ථයක්. ඔව් දෙවියන් විසින්, දෙවියන් වෙනුවෙන් මේ රටේ පරිසරය ආරක්ෂා කරන්න එවපු මිනිස් දුවක් ඔබ... ඔබතුමියට මේ රටේ පරිසරය ආරක්ෂා කරන්න යෝධ ශක්තියක් ලැබේවා. ඔබතුමියට, බුදුන්ගේත්, සියලුම දෙවියන්ගේත් ආරක්ෂාව ලැබේවා...!!!

: 0 2221

බද්රානි Wednesday, 02 September 2020 02:54 PM

දේවානි ජයතිලක මහත්මිය, අපි ඕවා ගැන ඕනෑවට වඩා කම්පා වෙලා ඵලක් නැහැ. බත් කන හරක් සිටින රටක ගහකොළ, වනාන්තර තබා තණකොළ ගහකටවත් කොහෙද වටිනාකමක් තියෙන්නේ? දැන් මේ රටේ සංවර්ධනයට බාධාවක් වෙලා තියෙන්නේත් පරිසර වේදියෝ කියලනේ අයිතිකාරයොත් කියන්නේ...

: 0 247

Asiri Wednesday, 02 September 2020 03:00 PM

දේවානි කියන්නේ දෙවියන් වෙනුවෙන් නොව, දෙවැනි තැන යන්නයි. ඒ කියන්නේ මේ නිලධාරිනිය කරනවා වගේ ලොව පළමු තැන සිටින අපේ රට දෙවැනි තැනට දැමීමයි. නියමෙට ගැලපෙන නමක්...

: 1520 22

විජේ Wednesday, 02 September 2020 03:01 PM

ඔන්න ජනාධිපතිතුමෝ, තවත්නං ඔබතුමාව මේ සම්බන්ධයෙන් ගොඩදාන්න මට නං බැරි වෙයි. ඡන්දෙට කලිනුත් මම කිව්වා ඔය පුත්තලමව එළවන්න කියලා, ඒත් ඒක එහෙම වුනේ නෑ. ඒ කියලා එයා හැදිලත් නෑ. ඔය පෙන්නන්නේ ළඟ එන පොහොට්ටු මළගමක සොහොන් ලකුණු වෙන්නත් බැරි නෑ. මේ නිලධාරිනියටත් වියත්මග හැන්දෙන්ම බෙදනවා නං තමයි වටින්නේ. අපේ ගෙදර ඡන්ද 10ක් තියනවා, අපරාදෙ, ඒවට පාවෙන්න නං දෙන්න එපා.

: 0 1158

සෑම් Wednesday, 02 September 2020 03:07 PM

රටේ නායකයාට පරිසර පාඩම උගන්වන අභීත කාන්තාවක්. ඔබට අපේ ප්‍රණාමය...!!!

: 0 1052

Champa Wednesday, 02 September 2020 03:10 PM

දේවානිගේ කතාව ඉහළින්ම අගය කරනවා. වැසි වනාන්තර කපා හෙලන, රක්ෂිත ගිනි තියන, කඩොලාන ගිනි තියන දේශපාලන කූඩැල්ලන් කරන්නේ පරිසරය නමැති රුධිරය උරා බී රට කාන්තාරයක් කිරීම. සහරා කතර පරදන සෞභාග්‍යය!!!

: 0 1313

Anura Jayantha Wednesday, 02 September 2020 03:17 PM

ඔය කමෙන්ට් දාපු අය කී දෙනෙක් මෙතුමියට කතිරෙ ගහයිද?

: 37 114

UdithaWednesday, 02 September 2020 04:30 PM

අපිත් කැමතියි පොල් හිටවන්නේ නැතුව, ඉස්සෝ කොටුදාන්නේ නැතුව, කූල් එකේ රජයේ ආයතනයක පොත අස්සන් කරලා මාසෙට පඩියක් අරන් ඉන්න... ඒත් අපිට උපාධි නැහැනේ. මෙයා රජවුණොත් අපිටත් රජයේ රැකියා දෙයිද?

: 0 1

senaSaturday, 05 September 2020 02:35 PM

ඉස්සෝ කොටු දාන්නේ වැව් තාවුල්ලේ, පොල් හිටවන්නේ උපාධි නැති නිසා ජීවත් වෙන්න බැරුව නොවේ.

: 0 0

KevinWednesday, 02 September 2020 04:44 PM

ඊට වඩා වැදගත් ප්‍රශ්නය රජයේ මාධ්‍ය සහ සමාජ මාධ්‍ය බලකායන් මෙතුමිය NGO කියා හංවඩු ගසා, පොලිස් අත්අඩංගුවට ගෙන නඩු පවරන වෙලාවට අප අතරින් කී දෙනෙක් "හොඳ වැඩේ මේ දේශද්‍රෝහීන්ට වුණේ" යැයි කියාවිද?

: 23 0

lankaThursday, 03 September 2020 04:16 AM

2/3 නොව 100% අපි මිහිමත ජීවත්වෙන පරිසරයට ආදරය කරන මිනිසුන් ඡන්දය දෙමි.

: 0 144

Ana Wednesday, 02 September 2020 04:41 PM

සිංහරාජය කපලා තුනී ලෑලි හදන්න කටයුතු කලේ 70 - 77 කාලේ. ඒ පරම්පරාවේ අය තමයි අද මේවා කරන්නේ...

: 0 28

මෝ Wednesday, 02 September 2020 04:43 PM

රටට ආවේණික සතුන්ගෙන් 75%ක් ඉන්නේ සිංහරාජේ. මිරිදිය මාලු විශේෂ 19ක් ඉන්නවා. ආවේණික කුරුලුවර්ග 150ක් හඳුනාගෙන තියෙනවා. ලංකාවට ආවේණික ශාකවලින් 60%ක් තියෙන්නේ සිංහරාජෙ. ඒවා බොහොමයක් වඳවීමේ තර්ජනයට ලක් වූ ඒවා. මෙන්න මේ නිසයි සිංහරාජෙ ලෝක උරුමයක් කියන්නේ. අවුරුදු පතාම සිංහරාජෙන් අලුත් ශාක සහ සත්ව විශේෂ හොයාගන්නවා. මුලු ප්‍රදේශයම පරීක්ෂාවට ලක් කළොත් තව හුඟාක් හම්බවේවි. ඒකයි මේ නෝනා සිංහරාජෙ රකින්න මෙච්චර් උනන්දු. ඒත් ඔය ගම්වල අයටයි දේශපාලකයින්ටයි ඊනියා පරිසර වේදීන් යැයි කියන පරිසර පාලුවන්ට තේරෙන්නේ නෑ. රටම කාන්තාරයක් වූ දවසට පින්තූර බලබලා හිටියැහැකි අනාගත පරපුරට. මේ අයට ලොකු කතිරෙයි, සල්ලියි විතරයි.

: 0 18

Ashan Wednesday, 02 September 2020 09:08 PM

ඔබතුමියට හිසනමා ආචාර කරමි. යන එන තැනක සුදු වෑන් හමුවුණොත් පරිස්සමින්...

: 0 46

kumaa Wednesday, 02 September 2020 11:42 PM

මට පෙනෙන්නේ ජනප්‍රිය වීමේ අවශ්‍යතාවයක් ඇති බවකි.

: 74 0

හරිත Thursday, 03 September 2020 01:06 AM

රටේ පාලකයාට දැන්වත් ඇස් ඇරේවා. මේ රටේ පරිසරයට පෟද්ගලික බලාපොරොත්තු නැතුව ආදරය කරන මිනිසුන් ඉන්නා බව තේරැම් ගන්න.

: 0 38

වනය Thursday, 03 September 2020 01:10 AM

හැමෝගෙම රෙදි ගලවා ඇත.

: 0 27

R.I.Jayawardanna Thursday, 03 September 2020 02:09 AM

වතුර බිංදුව බිංදුව වැටෙනකොට කෝප්පයක් පිරෙනවා. හැබැයි අවුරුදු 20ක් විතර යනකොට සිංහරාජය.???

: 0 39

Ananda Thursday, 03 September 2020 02:13 AM

ලංකාගම ජනතාවගේ මූලික අයිතිවාසිකම් ලබාදිය යුතුයි.

: 5 0

Nihal Thursday, 03 September 2020 02:51 AM

ජනතාවට ඕනි ටකරං දෙකක්, සිමෙන්ති මිටියක් සහ රැවටෙන්න පොරොන්දු ටිකක්...

: 0 40

Upul Thursday, 03 September 2020 05:48 AM

අගමැති පුටුවේ තියන්න ඕන මේ වගේ රට ගැන ආදරේ මිනිස්සු.

: 0 110

saduni Monday, 07 September 2020 10:17 AM

ලංකාගමේ ඉන්න බයියන් ඔක්කොම වෙන කොහාටහරි එළවලා මේ වටිනා වනාන්තරය රැකගත යුතුයි. ඔය ගමේ ඉන්න කට්ටිය කැලෑව ලස්සනට විනාශ කරනවා. වෙනිවැල් ජාවාරම කරන්නේ ඔය කට්ටිය තමයි. ඒ මදිවට තවත් පාලමක් මොනවටද..? ඔය තියෙන්නේ පාලමක්. ඡන්දයකට වටිනා කැලෑවක් හුවමාරු කරගත්ත එකම බයියන්ගේ රට...

: 0 0

ඔබේ අදහස් එවන්න

එසැණ පුවත්

සජබ ජාතික ලැයිස්තුවෙන් මද්දුම බණ්ඩාර

2024 නොවැම්බර් මස 19 1102 0

සමගි ජන බලවේගයේ මහ ලේකම් හිටපු පාර්ලිමේන්තු මන්ත්‍රී රංජිත් මද්දුම බණ්ඩාර මහතා එම පක්ෂයේ ජාතික ලැයිස්තු මන්ත්‍රීවරයකු ලෙස පත්කරමින් මැතිවරණ කොමිෂන

පාසල් තුනක් ජනාධිපති කාර්යාලයට

2024 නොවැම්බර් මස 19 1969 0

රත්නපුර කරවිට මධ්‍ය විද්‍යාලය, කටුගස්තොට ශාන්ත අන්තෝනි බාලිකා විද්‍යාලය සහ රුවන්වැල්ල රාජසිංහ මධ්‍ය විද්‍යාලයේ සිසු සිසුවියෝ ජනාධිපති කාර්යාලය න

‘පොහොර සහනාධාරය ගැන බිය විය යුතු නැහැ‘

2024 නොවැම්බර් මස 19 663 0

පොහොර සහනාධාරය සම්බන්ධයෙන් බිය විය යුතු නැති බවත් ගොවීන්ගේ කුඹුරු වැඩ ආරම්භ වූ වහාම පොහොර සහනාධාරය ලබා දීමට සියලු කටයුතු සැළසුම් කර ඇති බවත් ගොවිජන සං

වැඩ කරන හැටි ගැන ලාල් කාන්තගෙන් ප්‍රකාශයක්

2024 නොවැම්බර් මස 19 1820 0

දේශපාලනය හා රාජ්‍ය සේවය පිළිබඳව ජනතාව තුළ ඇති අප්‍රසාදය ඉවත් වන අයුරින් වැඩ කරන බව කෘෂිකර්ම, පශු සම්පත් සංවර්ධන, ඉඩම් හා වාරිමාර්ග අමාත්‍ය කේ.ඩී ලාල් කා

තවත් සැක කැබ්රියක් තෙල්දෙණියෙන් සොයාගනී

2024 නොවැම්බර් මස 19 943 0

මහනුවර කෙංගල්ල ප්‍රදේශයේ වාහන උගසට ගන්නා ආයතනයක වාහන අංගනයේ තිබී අනන්‍යතාවය සහ නීත්‍යානුකූල ලියකියවිලි ඉදිරිපත් කිරීමට නොහැකි වූ සැක කටයුතු කැබ්රි

මිනුවන්ගොඩ කෝටි 7 කොල්ලයේ මහ මොළකරු අත් අඩංගුවට

2024 නොවැම්බර් මස 19 4077 0

ප්‍රධාන බැංකුවකට මුදල් රැගෙන යාම සදහා ආයතන වෙතින් මුදල් ලබාගැනීම සිදුකරමින් යමින් සිටියදී එකතු කරගත් මුදල් රුපියල් කෝටි හතකට අධික මුදලක් රැගෙන පළාය