නිවාඩු  නොලබා  හමුදා  සේවය හැරගොස්  සිටින ත්‍රිවිධ හමුදා  සාමාජිකයන් අත්අඩංගුවට  ගැනිම සඳහා  දිවයින පුරා සිදු කළ මෙහෙයුම්  වලදී  1300 දෙනෙකු  අත්අඩංගුවට  ගෙන ඇති බව හමුදා  ප්‍රකාශක බ්‍රිගේඩියර් රොෂාන් සෙනෙවිරත්න මහතා  පවසයි.

ඉකුත් දෙසැම්බර් 31 වැනි දින සිට  පෙරදින (13) දින දක්වා  පොලිසිය සමඟ ඒකාබද්ධව සිදු කළ මෙහෙයුම්  වලදී  මෙම පිරිස අත්අඩංගුවට  ගෙන ඇති බව ද බ්‍රිගේඩියර්වරයා කීය.

හමුදා  සාමාජිකයන් 984 දෙනෙක් ද නාවික හමුදා  සාමාජිකයන් 236 දෙනෙක් ද ගුවන් හමුදා  සාමාජිකයන් 14 දෙනෙක් ද වන බව හමුදාව කියයි.

නිවාඩු නොලබා  හමුදා සේවයට වාර්තා නොකර  සිටින ත්‍රිවිධ හමුදා  සාමාජිකයන්  අත්අඩංගුවට  ගැනීමේ මෙහෙයුම් තවදුරටත්  නොකඩවා  සිදු කරන බව හමුදා ප්‍රකාශකවරයා  පවසයි.