අතුරුගිරිය, සීදූව, දන්කොටුව, හෝමාගම, මිනුව්නගොඩ, කොස්ගම ආදී ප්‍රදේශවලින්   අවි පෙන්වා රුපියල් දෙකෝටි හැට හතර ලක්ෂයක් පමණ කොල්ල කෑ බව කියන කල්ලියක හතර දෙනකු සැකපිට අත්අඩංගුවට ගැනීමට කොස්ගම පොලිසිය සමත් විය.

ඔවුහු ජාඇළ, වත්තල සහ පැල්මඩුල්ලේ පදිංචිකරුවෝය.

ඉකුත් ඔක්තෝබර 13 වැනි දා මිනුවන්ගොඩ දී වෙඩි තබා පුද්ගලයකු ඝාතනය කිරීමේ සිද්ධියක් සම්බන්ධයෙන් ද ඔවුන් සොයමින් සිටි බව පොලිසිය කියයි.

ටී56 අවියක්, බ්‍රවුනින්  පිස්තෝල දෙකක්, අත්බෝම්බ දෙකක්, පකිස්තානයේ නිෂ්පාදිත උල් පිහි දෙකක්, හයිබ්‍රිඩ්   කාරයක්, රෝල් ගෝල්ඩ්  ආබරණ කිලෝ දෙකක්, ව්‍යාජ අංක තහඩු කිහිපයක්, ජංගම දුරකතන අටක් , ජාතික හැදුනුම්පත් 13ක් සහ උණ්ඩ 101ක් ද පොලිස් භාරයට ගෙන ඇත.