ඩිෆෙන්ඩර් රථයකින් පැමිණ දෙමටගොඩ  දී පුද්ගලයෙකු පැහැරගෙන ගොස් පහරදී අයුතු ලෙස සිරකර තබාගත් බව කියන සිද්ධියක් ගැන පාර්ලිමේන්තු මන්තී‍්‍රනි හිරුණීකා පේ‍්‍රමචන්ද්‍ර සහ ඇගේ පෞද්ගලික ආරක්ෂකයින් ඇතුළු සැකකරුවන් නව දෙනා සම්බන්ධයෙන් ඉදිරියට ගතයුතු පියවර පිළිබදව නිතිපති උපදෙස් මෙතෙක් ලැබී නැතැයි කොළඹ අපරාධ කොට්ඨාසය අද (18) අධිකරණයට දැනුම් දුන්නේය.

නඩුවේ උදෘත ගොනුව ඉකුත් 2015. 12. 29 වැනිදින අංක ඩී පී 1/265/215 යටතේ නිතිපතිවරයා වෙත යොමු කර ඇති අතර, මෙම සැකකරුවන් නව දෙනා සම්බන්ධයෙන් ගත යුතු ඉදිරි නෛතික පියවරයන් සම්න්ධයෙන් මෙතෙක් නිතීපතිවරයා විසින් උපදෙස් ලබා දී නැතැයි ද කොළඹ අපරාධ කොට්ඨාසය අධිකරණයට දැනුම් දෙනු ලැබීය.