‘මහා පරිමාණයෙන් ව්‍යාපාර කරන අය මැති ඇමැතිවරුන් වුණාම ඒ අය නීති රීති පනවනවාට විරුද්ධ වෙනවා පමණක් නොව ඒවා රැකගන්නත් උත්සාහ දරනවා.‘ යැයි ජනතා විමුක්ති පෙරමුණේ පාර්ලිමේන්තු මන්ත්‍රී සුනිල් හඳුන්නෙත්ති මහතා පැවසීය.

ජනතා විමුක්ති පෙරමුණේ ප්‍රධාන කාර්යාලයයේ දී අද පැවැති මාධ්‍ය හමුවක දී ඔහු එලෙස කීවේය.

‘‘අලුත් පනත් ගෙන එන්න ආණ්ඩුව සූදානම් වෙනවා. සමහර පනත් පම්පෝරි පනත් කියලා කියන්න ඕනෑ. ජාතික විගණන පනතත් ගේන්න හදනවා. ඒකත් ඒවගේ එකක්. සුදු කරපටි දාගෙන ඉන්න අය කරන වැරදි වහනවා. පොඩි අයට දඬුවම් දෙනවා. මේකද හයපාලනය? වැරදිවලට ලොකු පොඩි බේදයක් නෑ. සමහරු හොරු රකින්න උත්සාහ කරනවා.‘‘