කරන්දෙණිය එම්. සුසිල් පියන්ත
ජනාධිපතිවරණයෙන් රටම උණුසුම් වුවත් එයට පින් සිද්ධවෙන්න සිය නිවසේ ගිනි පුපුරු දෙක ශීතලවී මුළු නිවසම සීතලවී ඒ සීතලෙන් දෙසවනට සහනයක් ලැබූ අයකු පිළිබඳව අපූරු පුවතක් බලපිටියෙන් අසන්නට ලැබේ.
අනාදිමත් කාලයක පටන් එන නැන්දම්මා ලේළි විරසකය මේ ගෙදර ද නොතිබුණාම නොවේ. කෙහෙවලු පටල නොගත්තත් දෙන්නට දෙන්නා තරහිනි. ඇනුම් පද හුවමාරු කර ගනිමිනි. ඉඳහිට නැන්දම්මා ලේලිය, දෙන්නගේ අඩහැරයෙන්, නිවස්නයේ, වහලේ බිමට පාත්වී නොගියේ යාන්තමිනි.
මේ වටපිටාවෙන් ඔහු සිටියේ හොඳටම හෙම්බත්වීය. මේ ගැන දෙන්නටම කොතෙක් අවවාද කළත් ඔවුන් සිටියේ නොඇසූ කන් ඇතිවය. නැන්දම්මට ලේළිය කෑවත් වැරදිය. බීවත් වැරදිය. ලේළියට ද එය එසේම විය.
ජනාධිපතිවරණය ප්රකාශයට පත් කිරීමත් සමගම මේ ලේළිය සිය නැන්දම්මාට සෙනේවන්ත වූවාය. ඇය ගැන නිතර සොයා බැලුවාය. කවදාවත්ම නැතිව අම්ම කෑවද බිව්වද යයි නැන්දම්මාගෙන් ඇසුවාය. මම බත් ටිකක් බෙදන් එන්න ද තේ ටිකක් හදන් එන්න ද යයි ඇය නැන්දම්මාගෙන් ඇසූ වාර ගණන ද එන්න එන්නම වැඩිවිය.
සිය භාර්යාව සිය මවට දෙවියකුට මෙන් සලකන අයුරු දුටු ඔහු පුදුම වූවේය. එය අදහා ගන්නත් බැරිවිය. සිය මව ගැන භාර්යාවගේ පංචස්කන්ධය මෙතරම උණුවූයේ ඇයිදැයි යන්න ඔහුට තුන් තේරවිල්ලක් මෙන් විය. ඒ කෙසේ වෙතත්, ඒ සම්බන්ධයෙන් ඔහු සිටියේ සතුටිනි. ඒ කාලයක් තිස්සේ තිබූ මේ දෙන්නාගේ කන්කරච්චලයට මද විරාමයක් ලැබූ බැවිනි.
ඔහු මේ වෙනස පිළිබඳව භාර්යාවගෙන් ඇසුවේ ඊයේ පෙරේදා නිදි යහනේදීය. ලස්සන සාරියක් ඇය වෙතට තිළිණ කරමිනි. දන්නැද්ද මේ පාර මම වැඩ කරන අපේක්ෂකයා දිනවන්න මම උපරිම ශක්තිය යොදවනවා.
අපේ පාසලේ සියලුම ආදි ශිෂ්යාවන් වැඩ කරන්නෙත් එයාට. අපි කතා කරගත්තා ඡන්ද ගොඩ වැඩිකරගන්න ඕන කියලා. ඒ සඳහා ගෙදරින්ම පටන් ගනිමුයි කියලයි කතාවුණේ. ඔයා නම් හරිනේ. ඔයාගේ අම්ම තමයි ප්රශ්නේ. ඒ නිසා මේ දවස්වල මම එයාට සලකන ගමන්ම එයාගේ මොළයත් ජනාධිපතිවරණය වෙනුවෙන් හෝදනවා. දැන් ගොඩක් සාර්ථකයි භාර්යාව කීවේ ඇඟට පතට නොදැනීමය.
හා ඒකයි මේ එහෙනම් යයි ඔහු කීවේ අම්ම තමුන් කියන කෙනාට ඡන්දය නුදුන්නොත් මොකද කරන්නේ යයි ද ප්රශ්නයක් අසමිනි. එහෙම වුණොත්, නැන්දම්මා ලේළියගේ සටන් විරාම ගිවිසුම අක්රියවී පෙර පරිදිම සටන ඇවිළේ යැයි ද ඇය කීවේ සැමියාගේ ඉහමොළ රත් කරවමින් ලු.
මැතිවරණ තරඟ බිමේ සිටින ප්රධාන පෙළේ අපේක්ෂකයකු වෙනුවෙන් ප්රචාරක කටයුතු සිදුකරන ගමේ ආධාරකරුවන්ට ඉස්තරම්ම තත්වයෙන් සංග්රහ කිරීමට ලබාදුන් උපදෙස් පි
දේශපාලන රැස්වීමකට ආධාරකරුවන් පිරිසක් රැගෙන ගොස් ඔවුන්ට සංග්රහ කළයුතු බව පවසා ආසන සංවිධායකවරයාගෙන් මුදල් ලබාගෙන ආධාරකරුවන් පිරිස මගහැර සිටි කාන්තා
ජනාධිපතිවරණයෙන් රටම උණුසුම් වුවත් එයට පින් සිද්ධවෙන්න සිය නිවසේ ගිනි පුපුරු දෙක ශීතලවී මුළු නිවසම සීතලවී ඒ සීතලෙන් දෙසවනට සහනයක් ලැබූ අයකු පිළිබඳව අ
ගෘහස්ථ මැතිවරණ ප්රචණ්ඩ ක්රියාවකින් දෙන්නා දෙමහල්ලන් තුවාල ලැබූ අපූරු පුවතක් දකුණේ ගමකින් අසන්නට ලැබේ.
බිරිඳගේ කැන්වසින් යාම නවත්වන්න සැමියා විසින් දෙන ලද බඩ විරේක සැමියාටම පෙවූ බිරිඳක පිළිබඳ පුවතක් බස්නාහිර පළාතේ එක්තරා ගමකින් අසන්නට ලැබුණි.
දකුණේ මාතරට නුදුරු නියම් ගමකි. මෙහි වෙළෙඳ ව්යාපාරයක් කරගෙන යන තරමක් මෝඩ පහේ පුද්ගලයෙකි. දැන් වයස තිස් ගණන් ද ඉක්මවීමට ආසන්නය. පෙළවහක් කර ගැනීමට තවමත් න
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
ඡන්දෙ බාගන්න ලේළි නැන්දම්මාට බටර් ගාලා