පිටේ දවටා තිබුණු යමක් සමච්චලයට ලක් කිරීමෙන් මිතුරා උරණ වීම හේතුවෙන් හෝටලයක කෑම බිල ගෙවා ගත නොහැකිව තවත් මිතුරන් පිරිසක් දැඩි අපහසුතාවකට පත්වූ පුවතක් නාරම්මල නගරයෙන් අසන්නට ලැබුණි.
ඔවුන් කුරුණෑගල ප්රදේශයේ වෘත්තීය පුහුණුවක් හදාරන විවිධ පෙදෙස්වලින් පැමිණි පිරිසකි. පුහුණුවේ පහසුව තකා මිතුරෝ කුලී පදනමට බෝඩිමක නතර වී සිටිති.
ලද විවේකයක දී සියලු දෙනා එක්ව පිටතට ගොස් විනෝද වෙන අවස්ථා එමටය. එලෙස යන ගමනේදී එක් එක් දවසට වියදම් කිරීම ඔවුන් කාල සටහනකට අනුව මෙන් බෙදාගෙන ඇත. මෙදින සවස් යාමයේ ආයතනයේ පුහුණුව එදිනට අවසන් කළ ගජ මිතුරෝ නාරම්මල බලා පිටත් වූහ.
නගරයේ ගැවසුණු ඔවුනට රූමත් කාන්තාවන් සිටින හෝටලයක් නෙත ගැටුණි. ඒ තුළට ගොස් ෂෝටිස් කාලා ටී එකක් බීලා එන්නට එකකු ගෙනා යෝජනාවට සියලු දෙනා කැමැති වූහ.
මෙදින වියදම් කළ යුතුව ඇත්තේ එක් අයකුටය. ඒ බෙදාගෙන ඇති කාලසටහනට අනුවය. ඔහු එම මුදල ගෙවන බවට පොරොන්දු විය. ඔහු පොරොන්දු වෙනවාත් සමඟම අන් මිතුරෝ ඔච්චමට මෙන් ඔහුට සිනාසෙන්නට වූහ.
ඒ ඇයිදැයි ඔහු ඇසුවත් කිසිවෙකුත් කීවේ නැත. ඔහුට ඇති වුණේ සැකයකි . එහෙත් ඔහු දෙගිඩියාවෙන් යුතුව හෝටලයට ගොඩවැදුණි. කෑමට අවැසි දේ ගෙන්වා ගත්තේය. මිතුරු කැල වට වී ඒවා භුක්ති විඳිති. මුදල් ගෙවන මිතුරා කාන්තාවන් අතරින් තේ හදන තැනට ගියේය. හොඳට, රසට අපිට ටී දාන්න. කණ්ඩායම පෙන්වා ඔහු පවසා ආපසු එතැනට ආවේය. හෝටලයේ සිටින හැමෝම ඔහු දෙස බලා සිනාසෙති. ඒ අතරේ එහි සිටි රූමත් කාන්තාවක් ඔහුගේ කමිසයේ පිටුපස අලවා ඇති කඩදාසි කැබැල්ලක් ගලවා ඔහු අතට දුන්නාය.
“මං ගොනා” යනුවෙන් එහි අලවා තිබුණි. කුරුණෑගල සිට බස් රථයක නාරම්මල එන විටත්, නාරම්මල නගරයේ කරක් ගහලා හෝටලය වෙත එන තෙක්ම මෙය නෙත ගැටුණු අය සිටිති.
මේ නිසා තම බෝඩිමේ ගජ මිතුරන් විනෝදය පතා තමාට කර ඇත්තේ මහා කැළලකි. ඉන් කලකිරීමට පත් මිතුරා වැසිකිළිය දෙසට ගියේය. හෝටලයේ බිල ගෙවිය යුත්තේ ඔහුය. රැස්ව සිටි අය ඔහු එන තෙක් එහි රැඳී සිටිති. ඔහු එන්නට පමාය. ඔවුහු ඒ ගැන සොයා බැලුහ. ඔහු සියල්ලන්ටම හොරා බෝඩිමට ගොස්ය.
බිල ගෙවන්නට එහි සිටිනා අය අතේ පිච්චියක් හෝ නැත. ඔවුන් වෙච්ච අකරතැබ්බය හෝටලයේ හිමිකරුට කීවේය. විශ්වාසය තහවුරු කොට යන්න. පසුව මුදල් ගෙනැත් දෙන්න. ඔහු ඊට විසඳුමක් දුන්නේය. සිම්පත ගලවා අතට ගත් එකකු වටිනා පෝන් එකක් මුදලාලි අත තැබුවේය. මුදල ගෙවන විට එය බේරා ගන්නා බව පවසා කරපු ගොන්කම සිහිපත් කරමින් රූමත් කාන්තාවන් අතරින් ඔවුන් ලැජ්ජාවෙන් යුතුව ඉක්මනින්ම ගියා ලු.
සිය දරුවාගේ අනාගත අභිවෘද්ධිය වෙනුවෙන් මුදලක් වැය කරනවාට වඩා මුදලට සූදු කෙළීමට වටිනාකමක් දුන් මවක පිළිබඳ සිද්ධියක් හසලක නගරයට ආසන්න ප්රදේශයකින් වා
වයඹ පළාතේ රෝහලකට රාත්රි කාලයේ ඇතුළත් කළ හෘද රෝගියකු හදිසි ප්රතිකාර ඒකකයේ ප්රතිකාර ලබමින් සිටියදී මියගියැයි සඳහන් කළ පසු රෝගියා වෙනත් වාට්ටුවක ප්
මේ රජය පත් කරන්න තමන් ගත් උත්සාහය ගැන වීරයෙකු මෙන් පම්පෝරි ගැසූ තරුණයකුට ඇඟිල්ල නිසා පම්පෝරිය නවතා එතනින් මාරුවීමට සිදුවූ පුවතක් කරන්දෙණියෙන් අසන්නට
ගුරුවරයා ඇසූ පැනයකට පහ වසරේ ශිෂ්යත්ව පන්තියක සිසුවෙකු දුන් උත්තරයෙන් දරුවාගේ මව රැස්ව සිටි පිරිස් හමුවේ ලැජ්ජාවට පත් වූ පුවතක් ඇතුගල්පුරවර නගරයෙන්
අවලංගු ගුවන් ගමන් බලපත්රයකින් ඡන්දය ප්රකාශ කිරීමට අවස්ථාව නොදුන්නැයි ඡන්ද මධ්යස්ථානයක නිලධාරීන් කණ්ඩායමකට දොස් නගා බැණ වැදී ඇතැයි කියන වයෝවෘද්ධ
මිතුරන් පිරිසක් සමග ඡන්දය අහන්න ගොස් සෙට්වී නිවසට යාමට නොහැකිවූ අයකු පිළිබඳව කතාවක් ගාලු දිසාවේ ගමකින් ඊයේ (15) උදේ පාන්දරින්ම අසන්න ලැබුණේය.
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 51 වැනි ශාඛාව කලූතර දිස්ත්රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
මං ගොනා බිලට පොලු තියා අමාරුවේ වැටිලා