IMG-LOGO

2025 අප්‍රේල් මස 04 වන සිකුරාදා


යකඩ කෑල්ල වෙනුවට බයිසිකලය ඇඟට පෙරළලා

කටින් සෙම  දමමින්    පාපැදියකින් මාර්ගය  අයිනේ  වැටී සිටි  කාන්තාවකට  මීමැස්මොරය  වැළඳී  ඇතැයි  සිතා  ඒ  අසල  සිටි පිරිසක්  විසින් ඇයගේ  අතට  දෙන්නට  යකඩ  කෑල්ලක් සොයා ගැනීමට  නොහැකිවීම නිසා ඇඟ  උඩට පාපැදිය  පෙරළා  දැමූ  පුවතක් ගැන දකුණු පළාතේ ගම්මානයකින් වාර්තා වෙයි.
විශ්‍රාම ලබා සිටි මෙම කාන්තාවට ප්‍රදේශයේ  ගෙවතුවල දළු නෙළීමට තවමත් ආරාධනා ලැබෙන්නීය. එසේ ලද  ඇරයුමකට මෙදින කෑම බීමද  සූදානම් කරගෙන පාපැදියෙන්  පිටත්ව  ගියාය. එසේ ගොස් එම ප්‍රදේශයේ පාලමක් අසල ඇය නතර වූයේ  ඇගේ  සහායිකාව  එනතුරුය.
පාලම අසල පාපැදියත්  නතර කරගෙන  සිටින විට ඇයට  එකවරම  ක්ලාන්ත  ගතියක් දැනී  ඇත. ඒ බව පැවසීමට  දුරකතනයෙන් සිය ස්වාමියාට ඇමතුමක් ගත්ත ද ඔහු  සම්බන්ධවීමට පෙර  ඇය  ඇදවැටී ඇත. සුළු මොහොතකින්  ඇගේ කටින් සෙම  වැගිරීමක් ද  සිදුව ඇත.


ඒ අවස්ථාවේ  ඇය  අසලට රොක් වූ  පිරිස  මී මැස්මොරය නැමති  රෝගය  වැළඳී  ඇතැයි සිතා පිළියමක් ලෙස  ඇගේ  අතට දීමට  යකඩ කැබැල්ලක්  සොයා  ඇතත් එය හමුවී නැත. බයිසිකලය  යකඩ  නිසා  එය  ඇගේ  ඇඟට දමමු  යැයි කෙනකු කළ යෝජනාව අනුව  ඇගේ  ඇඟට  බයිසිකලය  පෙරළා ඇත.
ඊට මොහොතකට පසු ඇගේ සැමියා දුරකතනයේ තිබූ බිරියගේ මගහැරුණු  දුරකතන ඇමතුම  දැක ඇයට ඇමතුමක්  ලබාගෙන ඇත.  බිමවැටී  සිටි කාන්තාවගේ  එක් අතක සිරවී  තිබෙන  දුරකතනය  නාදවෙනු දුටු ඒ අසල  සිටි තරුණයකු ඇමතුමට සම්බන්ධ වෙමින්  සිද්ධිය  ඔහුට  දැනුම් දී  ඇත.
ඊට ටික වේලාවකට පසු ඇගේ සැමියා එම  ස්ථානයට පැමිණ ඇයගේ ඇඟ උඩ  තිබෙන බයිසිකලය දැක ඒගැන විමසීමේ දී ඇයට මී මැස්මොර රෝගය වැළඳී ඇතැයි සිතා එසේ කළ බව එතැන සිටි අය පවසා ඇත.
ඇයට එවැනි රෝගයක් නැතැයි කියූ ඔහු පාපැදිය ඉවත් කර  119 ට  ඇමතුමක් ලබා දී ගිලන්  රථයක් ගෙන්වාගෙන රෝගියා රෝහල් ගතකර ඇත. දින දෙකක්  රෝහලේ  නේවාසිකව ප්‍රතිකාර ලැබූ  ඇයට  කිසිදු  රෝගයක්  වැළඳී  නැතැයි තීරණය වීම  නිසා  ටිකට් කපා  නිවසට පිටත්කර  ඇත.
මී මැස්මොර  රෝගියාට යකඩ කෑල්ලක් වෙනුවට බයිසිකලයක්  ලබාදුන් පිරිස පිළිබඳ කතාව  දැන් මේ ප්‍රදේශයේ ජනප්‍රිය කතාවක්වී  ඇතැයි පැවසේ.

පෝද්දල සරත් ආනන්ද ගමගේ



අදහස් (0)

යකඩ කෑල්ල වෙනුවට බයිසිකලය ඇඟට පෙරළලා

ඔබේ අදහස් එවන්න

 

 
 

දෙයියෝ සාක්කි

කුලී වාහනයට පොලු‍ තැබූ සැමියා බේරන්න බිරිය කනකරත් විකුණලා
2025 අප්‍රේල් මස 04 334 0

ප්‍රසිද්ධ කුලී රථ සමාගමකට අයත් වාහනයක් කුලී පදනමට රැගෙන අගනුවර ප්‍රදේශයේ සිට දකුණේ ගම්බද ප්‍රදේශයකට ගොස් කුලී මුදල නොගෙවා පලාගිය සැමියා බේරාගන්න බිර


මෝඩයාගේ දින දා ඇදගෙන නාලා
2025 අප්‍රේල් මස 03 655 0

මෝඩයාගේ දිනය හෙවත් අප්‍රේල් 01 දා තම සහෝදරයා ගොනාට ඇන්දවීමට ගොස් සහෝදරිය ඇන්දුනු පුවතකි මේ.


කයිවාරු ගසා දඩත් කාලා
2025 අප්‍රේල් මස 02 783 0

පොලීසියෙන් අල්ලාගත් මිතුරාගේ රුපියල් විසිපන්දහසේ දඩය නොගෙවන තැනට කටයුතු කරන්න තමාට හැකි යැයි පුරසාරම් දොඩා ඒ සඳහා මැදිහත්වීමට ගොස් මිතුරාගේ දඩය මෙන


මාමණ්ඩිට කසිප්පු විකුණා මඟු‍ලත් කැඩිලා
2025 අප්‍රේල් මස 01 978 1

සිය පෙම්වතියගේ පියාට කසිප්පු අලෙවි කිරීමට ගොස් ප්‍රේමය අහිමි කර ගත් තරුණයකු පිළිබඳව සබරගමුව පළාතේ එක්තරා ගමකින් අසන්නට ලැබුණි. සිද්ධිය මෙසේය.


පදමට ගහලා බසයත් මිස්වෙලා
2025 මාර්තු මස 31 740 0

සයනයක සුව පහසු මෙට්ටයකට වඩා සිය සැමියා මහ මග හිටගෙන නිදි දෙව් දුවගේ පහස විදීම හමුවේ රාත්‍රී සේවාව සඳහා යාමට සූදානමින් සිටි විවාහක බිරිය දැඩි අසරණතාවයක


පාඩමක් උගන්වන්න ගිහින් ආපස්සට කැරකිලා
2025 මාර්තු මස 29 543 0

පතලේ බාසුන්නැහැට දෙන්න ගිය දඬුවම ගෝලයාටම පත්තු වූ පුවතක් රත්නපුර දිස්ත්‍රික්කයේ එක්තරා ගමක පතලකින් අසන්නට ලැබුණි. සිද්ධිය මෙසේය.


මේවාටත් කැමතිවනු ඇති

ශ්‍රී පාද අඩවිය පිරිසිදුව තබාගැනීමට සියපත ෆිනෑන්ස් වෙතින් නිර්මාණශීලී විසඳුමක් 2025 අප්‍රේල් මස 04 61 0
ශ්‍රී පාද අඩවිය පිරිසිදුව තබාගැනීමට සියපත ෆිනෑන්ස් වෙතින් නිර්මාණශීලී විසඳුමක්

නව්‍යකරණයෙන් පිරිපුන් හෘද්‍යාංගම මූල්‍ය සේවාවක නියැලෙමින් ශ්‍රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා

Hello Dada කියලා කියන්නේ Say Prime චැනල් එකෙන් නිෂ්පාදනය වුන පළවෙනි මිනි සීරීස් එක. 2025 මාර්තු මස 31 356 1
Hello Dada කියලා කියන්නේ Say Prime චැනල් එකෙන් නිෂ්පාදනය වුන පළවෙනි මිනි සීරීස් එක.

මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය

ප්‍රයිම් සමූහය වෙතින් PrimeMax: අවම මූලික ගෙවීමක් සහ ඇදහිය නොහැකි මාසික වාරිකයක් සමගින් දේපළ සඳහා ආයෝජනය කිරීමට අනගි අවස්ථාවක් 2025 මාර්තු මස 21 887 0
ප්‍රයිම් සමූහය වෙතින් PrimeMax: අවම මූලික ගෙවීමක් සහ ඇදහිය නොහැකි මාසික වාරිකයක් සමගින් දේපළ සඳහා ආයෝජනය කිරීමට අනගි අවස්ථාවක්

ප්‍රයිම් සමූහය ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.

Our Group Site