එසැණ පුවත්

ඕමාන විදේශ ඇමැති ඉරානයට

ඕමාන විදේශ අමාත්‍ය සයියිඩ් බදර් බින් හමාද් අල් ඉරානයේ නිල සංචාරයක නියැලුණි. ඒ, ඇමෙරිකාවේ දැඩි විරෝධය මධ්‍යයේය.

ත්‍රස්ත ලැයිස්තුවෙන් සිරියාව ඉවතට

සිරියාව තවදුරටත්, ත්‍රස්තවාදයට අනුග්‍රහය දක්වන රටක් නොවන බව ඇමෙරිකාව පවසයි. ඒ අනුව, ඇමෙරිකාව විසින් නම් කරනු ලැබූ ත්‍රස්තවාදයට අනුග්‍රහය දක්වන රාජ්‍ය ලැයිස්තුවෙන් සිරියාව ඉවත් කරන බව ඇමෙරිකා එක්සත් ජනපද භාණ්ඩාගාර දෙපාර්තමේන්තුව නිවේදනය කළේය.

සෞදි කුමරු ප්‍රංශයේ

සෞදියේ ඔටුන්න හිමි මොහොමඩ් බින් සල්මාන් කුමරු ප්‍රංශයේ දෙදින නිල සංචාරයක නිරත වෙයි. කුමරු, ප්‍රංශ ජනාධිපති ඉමැනුවෙල් මැක්රොන් හමුවී, ද්වීපාර්ශ්වික සාකච්ඡා පැවැත්වීය. ඒ, පැරිස් අගනුවර ඉලීසේ ප්‍රංශ ජනාධිපති මන්දිරයේදීය.

ඉරානය මට්ටු කරන්න නව සම්බාධක

ඉරානය මට්ටු කිරීමේ අරමුණින් ඉරාන ආර්ථිකය මුළුමනින්ම කඩා වැටීමට සලස්වමින්, ඇමෙරිකාව ඉරානයට නව ආර්ථික සම්බාධක පැනවීය. ඒ, ඉරාන හමුදාව, එරට වෙළෙඳ කටයුතු ආදිය ඉලක්ක කර ගනිමිනි.

බස් ලලිත් රැගෙන එයි

මෙරට තුළ අපරාධ , මිනීමැරුම් , සහ මත්ද්‍රව්‍ය ජාවාරම් සිදු කර ඩුබායි වෙත පළා ගොස් සැගවී සිටි කන්නන්ගරගේ ලලිත් කන්නන්ගර නොහොත් බස් ලලිත් නොහොත් කුඩු ලලිත් නැමැත්තා 08/25 දින අලුයම අපරාධ පරීක්ෂණ දෙපාර්තමේන්තුවේ විශේෂ නිලධාරීවරුන් කණ්ඩායමක් විසින් එරට දී අත් අඩංගුවට ගෙන කටුනායක ගුවන් තොටුපොළ වෙත රැගෙන පැමිණියහ .

එල් නිනෝ තව දරුණු වෙයි

එල්නිනෝ තත්ත්වයේ බලපෑම හේතුවෙන් පවතින වියලි කාලගුණයෙන් පවුල් 25628 කට අයත් පුද්ගලයන් 81865 කට බලපෑම් එල්ල වී ඇතැයි ආපදා කළමනාකරණ මධ්‍යස්ථානය පවසයි.

හදිසි තත්වයක් නිසා කොළඹ - ගම්පහ ජල සැපයුම නවතී

කැලණි ගඟෙන් ජලය ලබා ගන්නා ස්ථානය ආශ්‍රිතව ජලයේ ගුණාත්මකභාවයට බලපෑ හැකි හදිසි තත්ත්වයක් හේතුවෙන්, ආපදා කළමනාකරණ මධ්‍යස්ථානයේ දැනුම්දීම මත, කොළඹ හා ගම්පහ දිස්ත්‍රික්කවල ප්‍රදේශ කිහිපයකට ජලය බෙදාහරින අඹතලේ හා කැලණි දකුණු ඉවුර ජල පවිත්‍රාගාරවල ජල සැපයුම අද (25) දින අලුයම සිට තාවකාලිකව අත්හිටුවීමට සිදුව ඇතැයි ජාතික ජලසම්පාදන හා ජලාපවහන මණ්ඩලය පවසයි

අඛණ්ඩ විදුලි සැපයුම අවදානමක

‘එල්නිනෝ’ තත්වයේ බලපෑම මත ඉදිරියේදී මෙරට අඛණ්ඩව විදුලිය සැපයුමට ගැටලුවක් ඇතිවිය හැකි බවත් එසේ වුවහොත් විදුලි කප්පාදුවකට යෑමට ඇති අවදානමට පුනර්ජනනීය විදුලි නිෂ්පාදන ප්‍රභවයන් හරහා විසඳුම් සොයමින් සිටින බවත් මහජන උපයෝගිතා කොමිසමේ සභාපති මහාචාර්ය කේ.පී.එල්. චන්ද්‍රලාල් මහතා අද පැවසීය.

පාස්කු නඩුවේ තීන්දුව සැප්තැම්බර් 22

පාස්කු ඉරුදින ත්‍රස්ත ප්‍රහාර සිද්ධිය කුමන්ත්‍රණය කිරීම ආධාර අනුබලදීම ඇතුළු චෝදනා 23270 ක් එල්ල කරමින් විත්තිකරුවන් විසි හතර දෙනකුට එරෙහිව නීතිපතිවරයා විසින් ගොනුකර තිබෙන නඩුවේ තීන්දුව සැප්තැම්බර් 22 වැනිදා ප්‍රකාශයට පත් කරන බව ත්‍රිපුද්ගල මහාධිකරණ විනිසුරු මඩුල්ල අද දැනුම් දුන්හ.

දෙවන රන්දෝලි පෙරහර වීදි සරති

මහනුවර ඇසළ පෙරහැරේ දෙවන රන්දෝලි පෙරහර මීට සුළු වේලාවකට පෙර වීදි සංචාරය කිරීම ආරම්භ කළේය.

සූර්ය බලශක්ති විදුලි ඒකකයක මිල නියම කරයි

බැටරි ගබඩා පද්ධතියක් සහිත පාවෙන සූර්ය බලශක්ති විදුලි නිෂ්පාදනාගාරයකින් විදුලි ඒකකයක් හෙවත් කිලෝවොට් පැයක් රාත්‍රී කාලයේදී රුපියල් 57.64 ක සහ නාගරික ඝන අපද්‍රව්‍ය යොදාගෙන නිපදවන විදුලි ඒකකයක් රුපියල් 56.55 කට මිලදීගන්නා බව මහජන උපයෝගිතා කොමිසම අද (24) නිලවශයෙන් නිවේදනය කළේය.

වතුර යැයි රසායනයක් පානය කළ දැරියක් මරුට

ගම්පොළ පුපුරැස්ස ඩෙල්ටාවත්ත ප්‍රදේශයේ ඥාති නිවසකට වවුනියාව ප්‍රදේශය සිට පැමිණි තුන් හැවිරිදි දැරියක් ජලය යැයි සිතා එම නිවසේ තිබූ එළකිරි කල්තබා ගැනීමට යොදන රසායනික ද්‍රව්‍යය පානය කිරීමෙන් මිය ගොස් ඇති බව ඒ වෙනුවෙන් ගම්පොළ රෝහලේ පැවැත්වූ මරණ පරික්ෂණයේදී හෙළි විය.

22කට එරෙහිව පෙත්සම් 21ක්

22 ආණ්ඩුව ව්‍යවස්ථා සංශෝධන පනත් කෙටුම්පත මගින් අධිකරණයේ ස්වාධීනත්වයට සහ නීතියේ ආධිපත්‍යයට හානිවන බව සඳහන් කරමින් ආණ්ඩුක්‍රම ව්‍යවස්ථාව අවභාවිතා වන බව ප්‍රකාශ කරන ලෙසද එම පනත් කෙටුම්පත ආණ්ඩුක්‍රම වස්ථාවට පටහැනි බව ප්‍රකාශ කරන ලෙසද එම පනත් කෙටුම්පත සම්මත කර ගැනීමට ජනමත විචාරණයකට යොමු කරන ලෙස නියෝගයක් නිකුත් කරන ලෙස ඉල්ලා පාර්ශව 21 ක් අද වනවිට ශ්‍රේෂ්ඨාධිකරණයට පෙත්සම් ගොනුකර ඇත.

දිස්ත්‍රික්ක කිහිපයකට හෙට ගිගුරුම් සහිත වැසි

අම්පාර, මොණරාගල සහ මඩකලපුව දිස්ත්‍රික්කවල ස්ථාන ස්වල්පයක හෙට(25) පස්වරු 2.00 න් පසුව වැසි හෝ ගිගුරුම් සහිත වැසි ඇති විය හැකි බව කාලගුණ විද්‍යා දෙපාර්තමේන්තුව පවසයි.

ඌව පරණගම එළවළු කොටුවක් ගිලා බැහැලා

ඌවපරනගම ගලහගම ප්‍රදේශයේ එළවලු කොටුවක් වර්ෂාවත් නොමැතිව පවතින දැඩි වියලි දේශගුණික තත්ත්වයත් පැවැතිය ද අද (24) පස්වරුවේ ගිලාබැසීමට පටන්ගෙන ඇතයි ආපදාකළමනාකරන මධ්‍යස්ථානය පවසයි.

හෝමාගමදී ත්‍රීරෝද රථයක් ගිනි ගනියි

ආබාධිත පුද්ගලයකු පදවාගෙන ආ ත්‍රී රෝද රථයක් හිටි හැටියේ ගිනිගෙන විනාශ වී ඇතැයි හෝමාගම මූලස්ථාන පොලිසිය කියයි

ගිනියා කුණු කන්ද 30 දෙනකු බිලි ගනී

බටහිර අප්‍රිකාවට අයත් ගිනියා රාජ්‍යයේ කොනැක්රි අගනුවර කුණු කන්දක් නායයෑමෙන්, 30 දෙනෙක් ජීවිතක්ෂයට පත්වූහ. මෙම කුණු කන්ද ඇත්තේ ‘ඩාර්-එස්-සලාම්’ ප්‍රදේශයේය. එය පාමුල පැල්පත් නිවාස රැසකි. මහ වැසි සමග, මෙම කුණු කන්ද නාය ගියේ පැල්පත් සියල්ල යට කරමිනි.

ක්‍රිකට් නායකයන්ගෙන් පාකිස්තාන අගමැතිට ලිපියක්

දූෂණ චෝදනා සම්බන්ධයෙන් බන්ධනාගාරගතව සිටින පාකිස්තාන හිටපු අග්‍රාමාත්‍ය මෙන්ම, පාකිස්තාන විපක්ෂ නායකයා ද වන ඉම්රාන් ඛාන් සම්බන්ධයෙන් විශේෂ ලිපියක් පාකිස්තාන අග්‍රාමාත්‍යවරයාට ලැබී ඇතැයි විදෙස් මාධ්‍ය පවසයි.

කොළඹ කොටුව සංචාරක කලාපයක් කරන්න ලෝක බැංකු සහය

ලෝක බැංකු ණය සහ ආධාර යටතේ ක්‍රියාත්මක කෙරෙන කොළඹ කොටුව සංචාරක කලාපයක් ලෙස සංවර්ධනය කිරීමේ ව්‍යාපෘතිය මෙන්ම මෙරට සංචාරක කර්මාන්තයේ ප්‍රවර්ධනය පිළිබඳව ශ්‍රී ලංකාව සහ මාලදිවයින සඳහා වන ලෝක බැංකු කළමනාකරු Gevorg Sargsyan මහතා ඇතුළු නියෝජිත කණ්ඩායමත්, ජනාධිපති කාර්යමණ්ඩල ප්‍රධානී ප්‍රභාත් චන්ද්‍රකීර්ති මහතාත් අතර සාකච්ඡාවක් ජනාධිපති ලේකම් කාර්යාලයේදි අද (24) පෙරවරුවේ පැවැත්විණි.

නවසීලන්ත දරුවන්ට සමාජ මාධ්‍ය තහනමක් ?

අවුරුදු 16 ට අඩු දරුවන්ට සමාජ මාධ්‍ය භාවිතය තහනම් කිරීම සඳහා වන නව පනත් කෙටුම්පතක් නවසීලන්ත රජය එරට පාර්ලිමේන්තුවට ඉදිරිපත් කළේය.

විසිදෙකට මන්ත්‍රීලා බිලිබාන මෙහෙයුමක්

ආන්දෝලනයට තුඩුදී ඇති විසි දෙවැනි ආණ්ඩුක්‍රම ව්‍යවස්ථා සංශෝධන සහ අධිකරණ සංවිධාන පනත් කෙටුම්පත් පිළිබඳ ඡන්ද විමසීමේදී ආණ්ඩු පක්ෂයේ මන්ත්‍රීවරුන්ගේ සහාය ලබාගැනීමට විපක්ෂයේ දේශපාලන පක්ෂ රහසිගත සාකච්ඡා ආරම්භ කර ඇතැයි වාර්තාවේ.

අල්ලස් නඩුවෙන් හොරොව්පොතාන ප්‍රා:සභාවේ හිටපු නිලධාරියා නිදහස්

වී ගබඩාවක් පවත්වාගෙන යෑමට අවශ්‍ය පරිසර බලපත්‍රය දීමට අවශ්‍ය අනුමැතිය සඳහා ව්‍යාපාරිකයකුගෙන් රුපියල් 40,000ක් ඉල්ලා ලබාගැනීමේ චෝදනා ලැබ සිටි හොරොව්පොතාන ප්‍රාදේශීය සභාවේ හිටපු තාක්ෂණ නිලධාරියෙකු කොළඹ මහාධිකරණ විනිසුරු මොහොමඩ් මිහාල් මහතා විසින් විත්ති වාචක හෝ නොකැඳවා නිදොස් කොට නිදහස් කරන ලදී.

බොරැල්ලේ අත්බෝම්බ සිද්ධියට හතරක් සැකපිට

ඩුබායි රාජ්‍යයේ සැඟව සිටින බව කියන සංවිධානාත්මක අපරාධ කල්ලි සාමාජිකයකු වන බොරැල්ල ලෙස්ලි රණගල මාවතේ දක්ෂිණ කපුගේ නොහොත් රනා නමැත්තාගේ නිවසට පෙරේදා (23) අත් බෝම්බ ප්‍රහාරයක් එල්ල කිරීමේ සිද්ධියට ආධාර අනුබලදීම සම්බන්ධයෙන් කාන්තාවක් ඇතුළු පුද්ගලයන් සිව් දෙනකු පැය කීපයක් තුළදී අත්අඩංගුවට ගත් බව බොරැල්ල පොලිසිය සඳහන් කරයි.

සිරදඬුවම් නියම වූ චමින්ද විජේසිරි ඇපමත මුදාහරියි

පුද්ගලයන් දෙදෙනකුට මරණීය තර්ජන එල්ල කිරීම සහ පහර දී තුවාල කිරීම යන චෝදනාවන්ට වැරදිකරු කරමින් ඔහුට ලබාදුන් වසර එකහමරක සිර දඩුවමට එරෙහිව සජබ පාර්ලිමේන්තු මන්ත්‍රි චමින්ද විජේසිරි නීතිඥයන් මාර්ගයෙන් ඉදිරිපත් කළ අභියාචනයක් සලකා බැලූ බදුල්ල මහාධිකරණයේදී විනිසුරු ජෙයරාම් ට්‍රොස්කි මහතා සැකකාර මන්ත්‍රීවරයා ඇපමත මුදා හැරීමට නියෝග කළේය.

මැතිසබයෙන් කෝටි 27ක රට සවාරි බිලක්

පාර්ලිමේන්තුවේ මන්ත්‍රීවරුන් 451 දෙනකු සහ පාර්ලිමේන්තු නිලධාරීන් 115 දෙනකු 2016 වසරේ සිට 2024 වසර දක්වා විදේශ සංචාර වෙනුවෙන් රුපියල් කෝටි 27කට අාසන්න මුදලක් වැය කර අැතැයි පාර්ලිමේන්තුව පිළිබද විශේෂ විගණන වාර්තාවේ දැක්වේ.

බදුල්ල රෝහලේ අතුරුදන් වෛද්‍යවරයාගේ සිරුර හමුවේ

බදුල්ල ශික්ෂණ රෝහලේ අතුරුදන්ව සිටි නිර්ව්න්ධන විශේඥ වෛද්‍යවරයාගේ සිරුර ලොග්ගල්ලාඔය රක්ෂිතයේ ගල්තලාවක් මත තිබියදී අද (24) උදෑසන සොයාගත් බව මහියංගන පොලිසිය පවසයි .

හිටපු කතානායකලා කෝටි හතහමාරක තෙල් ගහලා

හිටපු කතානායකවරැන් 2016 වසරේ සිට 2024 වසර දක්වා කාලයේදී පාවිච්චි තර අැති ඉන්ධන ලීටර් 299146 ක් වෙනුවෙන් රුපියල් හත් කෝටි පනස් දෙලක්ෂ හැටදහස් හයසිය හතළිස් අටක් වැය කර අැතැයි ජාතික විගණන කාර්යාලය පාර්ලිමේන්තුව සම්බන්ධයෙන් නිකුත් කළ විශේෂ විගණන වාර්තාවේ සඳහන් වේ.

එල්නිනෝ තත්වය දිස්ත්‍රික්ක හතක් දැඩි බලපෑම්