එසැණ පුවත්

ගුවන් හමුදා මිග් යානයක් මොරටු සරසවි සිසුන්ට

ශ්‍රි ලංකා ගුවන් හමුදාව භාවිතයෙන් ඉවත් කළ මිග් 27 වර්ගයේ ප්‍රහාරක ගුවන් යානයක් මොරටුව සරසවියට පරිත්‍යාගය කළ බව මොරටුව විශ්ව විද්‍යාලයේ උප උපකුලපති මහාමහාචාර්ය නෙරන්ජන්. ඩී ගුණවර්ධන මහතා පැවසීය.

21 December 2021

'ප්‍රමිතියෙන් යුත් පොහොර දුන්දාට චීන පොහොර සමාගමේ බැදුම්කරය නිදහස්'

චීන පොහොර සමාගමට වන්දි මුදලක් ලබාදුන්නත්, ඔවුන් නිසි ප්‍රමිතියෙන් යුත් පොහොර ලබාදෙන තුරු එම සමාගම ශ්‍රී ලංකාවේ තැන්පත් කර ඇති ඇමෙරිකානු ඩොලර් මිලියන 5ක බැඳුම්කරය නිදහස් කරන්නේ නැතැයි සම කැබිනට් ප්‍රකාශක, වැවිලි අමාත්‍ය වෛද්‍ය රමේෂ් පතිරණ මහතා පැවසීය.

21 December 2021

‘කවුරු මොනවා යෝජනා කළත් මූල්‍ය අරමුදලට යන්නේ නැහැ’

කවුරු කුමන යෝජනා ඉදිරිපත් කළත් ණය ලබා ගැනීම සඳහා ජාත්‍යන්තර මූල්‍ය අරමුදලට නොයන බව ශ්‍රී ලංකා මහ බැංකුවේ අධිපති අජිත් නිවාඩ් කබ්රාල් මහතා පැවැසීය.

21 December 2021

‘‘මහ කන්නට රසායනික පොහොර නෑ‘‘

මෙවර මහ කන්නය සඳහා රසායනික පොහොර ලබාදීමට හැකියාවක් නැතැයි ද සහනාධාරය දෙනු ලබන්නේ කාබනික පොහොර වගාවන්ට නැඹුරු වූ ගොවීන්ට පමණකැයි ද කෘෂිකර්ම අමාත්‍ය මහින්දානන්ද අලුත්ගමගේ මහතා පවසයි.

21 December 2021

'බස්-දුම්රිය ගාස්තු වෙනසක් නෑ'

ඉන්ධන මිල ඉහළ දැමුවත් මේ මොහොතේ ලංගම බස්රථ හෝ දුම්රිය ගාස්තු වැඩිවීමක් සිදු නොවන බව ප්‍රවාහන රාජ්‍ය අමාත්‍ය දිලුම් අමුණුගම මහතා ලංකාදීපයට පැවැසීය.

21 December 2021

ආනන්ද හිමිගේ ‘‘ජිනීවා පරාජයේ දෝංකාරය‘‘ ජනපතිට පිරිනමයි

කොළඹ විශ්වවිද්‍යාලයේ කුලපති නාරාහේන්පිට අභයාරාමාධිපති මුරුත්තෙට්ටුවේ ආනන්ද හිමියන් විසින් රචිත “ජීනිවා පරාජයේ දෝංකාරය”ජනාධිපති ගෝඨාභය රාජපක්ෂ මහතාට ජනාධිපති කාර්යාලයේදී අද (21) පෙරවරුවේ පිරිනමනු ලැබීය.

21 December 2021

තරු හෝටල්වල සිට මුදල් ගැරූ හතක් මාට්ටු

කොළඹ තරු පහේ හෝටලයක අයත් සුඛෝපභෝගී මහල් නිවාස දෙකක නැවතී මහා පරිමාණයෙන් මුදල් වංචාවේ යෙදුණු හත් දෙනකුගෙන් යුත් සංවිධානාත්මක කල්ලියක් අත්අඩංගුවට ගත් බව පානදුර වලාන දූෂණ මර්දන ඒකකය කියයි.

21 December 2021

ඩී.අයි.ජී සෙනෙවිරත්න සී.අයි.ඩී යට

පාස්කු ප්‍රහාරය සම්බන්ධයෙන් සිදුකරන විමර්ශනයකට අදාලව ප්‍රකාශයක් ලබා ගැනීම සදහා අපරාධ පරීක්ෂණ දෙපාර්තමේන්තුවේ බාර හිටපු ජ්‍යෙෂ්ඨ නියෝජ්‍ය පොලිස්පති රවී සෙනවිරත්න මහතා අපරාධ පරීක්ෂණ දෙපර්තමේන්තුවට කැඳවා ඇත.

21 December 2021

ව්‍යාජ මුදල් සැරිසැරීමේ අවදානමක්

උත්සව සමයේ රුපියල් 1000, 5000 ව්‍යාජ මුදල් සංසරණව වීමේ අවදානමක් ඇති බවත් ඒ සම්බන්ධයෙන් ජනතාව සැලකිලිමත් විය යුතු බව පොලිස් මාධ්‍ය ප්‍රකාශ ජ්‍යෙෂ්ඨ පොලිස් අධිකාරි නීතිඥ නිහාල් තල්දූව මහතා පවසයි.

21 December 2021

ප්‍රභූ නම් විකුණා මුදල් වංචා කළ අයෙක් අත්අඩංගුවට

දේශපාලනඥයන් සහ ප්‍රභූවරුන්ගේ නම් විකුණමින් ව්‍යාපාරිකයෙකුගෙන් රුපියල් ලක්ෂ 94ක මුදලක් වංචා කළ සැකකරුවකු අපරාධ පරීක්ෂණ දෙපාර්තමේන්තුව අද (21) අත්අඩංගුවට ගෙන ඇත.

21 December 2021

ඛනිජ තෙල් තොග ගබඩා සභාපති ඉල්ලා අස්වෙයි

ලංකා ඛනිජ තෙල් තොග ගබඩා පර්යන්ත සමාගමේ සභාපති මොහොමඩ් උවයිස් මහතා සිය ඉල්ලා අස්වීමේ ලිපිය ජනාධිපති ගෝඨාභය රාජපක්‍ෂ මහතාට බාරදුන් බව එම සමාගමේ උසස් නිලධාරියෙක් ‘ලංකාදීප’යට පැවසීය.

21 December 2021

ශ්‍රී ලංකාවට සහය දෙන බව ඕස්ට්‍රේලියානු රජය කියයි

ශ්‍රී ලංකාව කලාපයේ අධ්‍යාපන කේන්ද්‍රය බවට පත් කිරීමට සහ මෙරට කර්මාන්ත ක්ෂේත්‍රයේ දියුණුව සඳහා උපරිම සහාය ලබාදෙන බව ඕස්ට්‍රේලියානු ස්වදේශ කටයුතු ඇමතිනී කැරන් ඇන්ඩෘස් මහත්මිය ජනාධිපති ගෝඨාභය රාජපක්ෂ මහතාට පෙරේදා(20) පොරොන්දු වූවාය.

21 December 2021

බේකරි හිමියෝ පාලන මිලෙන් ඉවත් වෙති

ඉන්ධන මිල ඇතුළු භාණ්ඩ මිල දිනෙන් දින ඉහළ යන ආකාරය ලෙස බැලීමේදී පාන් ඇතුළු බේකරි නිෂ්පාදනය මිල ස්ථිරව තබාගත නොහැකිවීම නිසා බේකරි හිමියන්ගේ නිෂ්පාදන වියදම අනුව අළෙවි කිරීමට අවස්ථාව ඇති බවත් දිනෙන් දින මිල වෙනස් කරමින් බේකරි නිෂ්පාදන අළෙවි කිරීමේ අවස්ථාව ඇති බවත් සමස්ත ලංකා බේකරි හිමියන්ගේ සංගමයේ සභාපති එන්. කේ. ජයවර්ධන මහතා ‘ලංකාදීප’යට පැවසීය.

21 December 2021

රෝද තුනත් ගණන් උස්සයි

ඉන්ධන මිල ඉහළ දැමීම හේතුවෙන් ත්‍රිරෝද රථ ගාස්තු පළමු කිලෝමීටරය සඳහා අය කරන ගාස්තුව රුපියල් 80 දක්වා ඉහළ දැමීමට ත්‍රීරෝද රථ රියදුරන්ගේ සංගමය පියවර ගෙන තිබේ.

21 December 2021

මුහුදුබත් වූ නැව සමාගම් දෙකකට බාර දෙයි

ගිනි ගැනීමෙන් පසු මුහුදු බත්ව ඇති එකස්ප්‍රස් පර්ල් නෞකාව කපා ගොඩ ගැනීමට චීන සමාගමකටත්, එහි තිබී අවට විසිර ඇති හා නෞකාව තුළ ඇති බහළුම් ගොඩ ගැනීමට ඇමරිකානු සමාගමකටත් භාර දුන් බව සමුද්‍රීය පරිසර ආරක්ෂණ අධිකාරියේ (මීපා) සභාපතිනී නීතිඥ දර්ශනී ලහඳුපුර මහත්මිය පැවැසුවාය.

21 December 2021

සුවවිරු වර්ජනයෙන් රෝගීහු අමාරුවේ

රජයේ වෛද්‍ය නිලධාරින්ගේ සංගමය ක්‍රියාත්මක කළ වැඩවර්ජනය හේතවෙන් අද රටපුරා රෝහල් රැසක රෝගී සත්කාර සේවා අඩාලවී තිබේ.

21 December 2021

බස් ගාස්තු සංශෝධනයක් ඉල්ලයි

ඉන්ධන මිල ඉහළ දැමීම, බස් රථ අමතර කොටස් මිල ඉහළ යාම හේතුවෙන් සියයට පහළොවත් විස්සත් අතර ප්‍රමාණයක බස් ගාස්තු සංශෝධනයක් අවශ්‍ය බව ලංකා පෞද්ගලික බස් රථ හිමියන්ගේ සංගමයේ සභාපති ගැමුණු විජේරත්න මහතා පැවසීය.

21 December 2021

මැනිං වෙළඳපොලේ පලා වර්ග හිගවෙයි

වෙළඳපොලට එළවළු පැමිණීමටත් වඩා පළා වර්ග පැමිණීමේ අඩුවක් පවතින බව පෑලියගොඩ මැනින් වෙළඳ පොලේ වෙළඳුන් පවසති.

21 December 2021

මුදල් අමාත්‍යංශ, මහ බැංකු නිලධාරීන් කැබිනට් රැස්වීමට

රට මුහුණ දී තිබෙන ඩොලර් අර්බුදය සම්බන්ධයෙන් සාකච්ඡා කිරීම සඳහා මුදල් අමාත්‍යාංශයේ සහ ශ්‍රී ලංකා මහ බැංකුවේ නිලධාරීන් මීළඟ කැබිනට් රැස්වීමට කැඳවීමට අමාත්‍ය මණ්ඩලය තීරණය කර ඇත.

21 December 2021

කැබිනට්ටුවෙන් යොහානිට ලැබුණු තෑග්ග

යොවුන් ගායන ශිල්පිනි යොහානිද සිල්වාට බත්තරමුල්ල රොබට් ගුණවර්ධන මාවතෙන් පර්චස් දහයක පමණ ඉඩම් කැබැල්ලක් ලබාදීමට කැබිනට් මණ්ඩලය අනුමැතිය හිමිවී ඇත.

21 December 2021

සංචාරක නවාතැන් සපයන්නන්ගේ විදුලි බිලට සහනයක්

සංචාරක නවාතැන් පහසුකම් සපයන ස්ථානවල විදුලි බිල්පත් ගෙවීම සඳහා තවත් වසර දෙකක සහන කාලයක් ලබාදීමට අමාත්‍ය මණ්ඩලය තීරණය කර ඇත.

21 December 2021

අයි.ඕ.සී මිලත් වැඩි කරයි

ලංකා ඉන්දියන් ඔයිල් සමාගම (අයි.ඕ.සී.) ද ඉන්ධන මිල ඉහළ දමා තිබේ.

21 December 2021

ඛනිජ තෙල් තොග ගබඩා සභාපතිට යන්න කියයි

ලංකා ඛනිජ තෙල් තොග ගබඩා පර්යන්ත සමාගමේ සභාපති මොහොමඩ් උවයිස් මහතා එම තනතුරෙන් ඉවත් කරන ලෙස බලශක්ති අමාත්‍ය උදය ගම්මන්පිල මහතා ලංකා ඛනිජ තෙල් නීතිගත සංස්ථාවේ සභාපති සුමිත් විජේසිංහ මහතාට ලිඛිතව දැනුම් දී තිබේ.

21 December 2021

’’බිඳුණු මාතෘ භූමියක් ගොඩනැගීමට විසඳුම’’

’’බිඳුණු මාතෘ භූමියක් ගොඩනැගීමට විසඳුම’’ යන තේමාව යටතේ ජාතික ජන බලවේගයේ ජාතික නියෝජිත සමුළුව අද ශ්‍රී ජයවර්ධනපුර මොනාක් ඉම්පීරියල් සම්මන්ත්‍රණ ශාලාවේදී පැවැත්විණි.

21 December 2021

බොරැල්ලේ රන් කොල්ලයට කතුන් හතරක් අල්ලයි

බොරැල්ල නගරයේ ස්වර්ණාභරණ අලෙවිසලකට ඇතුළු වී වෙඩි තබා සේවකයන් බියකර රුපියල් ලක්ෂ 30 ක් පමණ වටිනා රන් ආභරණ කොල්ල කෑ සැකකරුවන් දෙදෙනාට ආධාර සහ අනුබල දීමේ චෝදනාවට කාන්තාවෝ සිව් දෙනෙක් බොරැල්ල පොලිසිය විසින් අත්අඩංගුවට ගනු ලැබුවෝය.

21 December 2021

කෘෂිකර්ම ඇමැති කළ යුතු දේ මන්ත්‍රී මුජිබර් කියයි

පොහොර අර්බුදයෙහි වගකීම බාරගෙන මහින්දානන්ද අලුත්ගමගේ කෘෂිකර්ම ඇමැතිවරයා වහාම එම ඇමැති ධූරයෙන් ඉල්ලා අස්විය යුතු බව සමගි ජන බලවේගයේ කොළඹ දිස්ත්‍රික් පාර්ලිමේන්තු මන්ත්‍රී මුජිබර් රහුමාන් මහතා පැවැසීය.

21 December 2021

කොපමණ කුසගිනි දැණුනත් සිංහයෝ තණකොළ නොබුදිති

මොන ප්‍රශ්න බාධක ආවත් කුසගින්නේ හිටියත් සිංහයන් තණකොළ නොබුදින බව කවුරු කවුරුත් මතක තබා ගත යුතු යැයි කොළඹ විශ්වවිද්‍යාලයේ කුලපති, නාරාහෙන්පිට අභයාරාමාධිපති මුරුත්තෙට්ටුවේ ආනන්ද නාහිමියෝ පැවසූහ.

21 December 2021

දිස්ත්‍රික්ක කිපයකට අදත් වැසි ස්වල්පයක්

උතුරුමැද, නැගෙනහිර සහ ඌව පළාත්වලත්, මාතලේ දිස්ත්‍රික්කයේත් අද (21) දිනයේත් වැසි ස්වල්පයක් ඇති වන බව කාලගුණ විද්‍යා දෙපාර්තමේන්තුව පවසයි.

21 December 2021