එසැණ පුවත්

යුගදනවි පැවැරීම ගැන ආණ්ඩුවේ හවුල් පක්ෂ තීරණය ළඟදීම

කෙරවලපිටිය යුගදනවි බලාගාරයේ සියයට 40ක කොටස් ඇමෙරිකානු සමාගමකට පැවරීමට ආණ්ඩුවට ගෙන ඇති තීරණය සම්බන්ධයෙන් ආණ්ඩුවේ හවුල්කාර පක්ෂ වල මතය රටට ළගදීම ඉදිරිපත් කිරීමට එම පක්ෂවල නායකයන් තීරණය කර ඇත.

18 October 2021

මුං ඇට මිලට ගන්න දිසාපතිවරුන්ට රජයෙන් මුදල්

වෙවර මුං ඇට අස්වැන්න මිලදී ගැනීම සඳහා දිසාපතිවරුන්ට මහා භාණ්ඩාගාරයෙන් මුදල් වෙන් කර ඇතැයි කෘෂිකර්ම අමාත්‍ය මහින්දානන්ද අලුත්ගමගේ මහතා පැවසීය. අතරමැදි බෝගයක් ලෙස වගා කර ඇති මුං ඇට අස්වැන්න විකුණා ගැනීමට නොහැකි බවට ගොවීන් කරන ලද පැමිණිලි සම්බන්ධයෙන් ජනාධිපතිවරයා දැනුවත් කීරිමෙන් පසු මෙම පියවර ගෙන ඇති බව අමාත්‍යවරයා සඳහන් ⁣කළේය.

18 October 2021

දිසාපතිගේ නියෝගයෙන් නුවරඑළියට වැටක්

පිට පළාත්වලින් ජනතාව නුවරඑළියට පැමිණියහොත් ඔවුන් වහාම නැවත හරවා යවන්නැ‍යි නුවරඑළිය දිස්ත්‍රික් ලේකම් නන්දන ගලගොඩ මහතා පොලිසියට උපදෙස්දී ඇත.

18 October 2021

අබලන් පාලම බලන්න ගිය මන්ත්‍රී අනතුරකට මුහුණ දෙයි

හාලිඇළ සහ ඌවපරණගම මැතිවරණ කොට්ඨාස යාකමින් ඌමා ඔය මතින් සුදු පාලකයන් ඉදිකළ හළාඹ යකඩ පාලමේ අබලන් තත්ත්වය සොයා බැලීමට ගිය පාර්ලිමේන්තු මන්ත්‍රී ඩිලාන් පෙරේරා මහතා එහි ලෑල්ලක් කැඩී දෙපා පහළට ගොස් පාලම මත ඇද වැටිණි.

18 October 2021

සූදු කෙළියේ යෙදුණු කතුන් 5 ක් ඇතුළු 9 ක් මාට්ටු

මුදල් ඔට්ටුවට සූදු කෙළීමේ ජාවාරමක් වටලා , කාන්තාවන් පස් දෙනෙකු ඇතුළු නවදෙනකු , ඔට්ටු තැබීමට සන්තකයේ තබාගෙන තිබූ රුපියල් හය ලක්ෂ අනූ පන්දහසක මුදලක් ද සමග අද (18) අත්අඩංගුවට ගත් බව වැලිකඩ පොලිසිය පවසයි .

18 October 2021

යුගදනව් දුන්නාට කාදිනල්තුමන්, ඇල්ලේ ගුණවංශ හිමිගෙන් පෙත්සමක්

කෙරවලපිටිය යුගදනවි තාප විදුලි බලාගාරයේ සියයට 40 කොටස් ඇමරිකාවේ සමාගමකට පවරාදීමට එරෙහිව සහ එම සමාගමට ද්‍රව වායු සැපයීමේ කොන්ත්‍රාත්තුව වළක්වාලන නියෝගයක් නිකුත් කරන්නැයි ඉල්ලා මැල්කම් කාදිනල් රංජිත් කොළඹ අගරදගුරුතුමන් හා ඇල්ලේ ගුණවංශ හිමියන් විසින් ශ්‍රේෂ්ඨාධිකරණය හමුවේ මූලික අයිතිවාසිකම් පෙත්සමක් ගොනු කරනු ලැබීය.

18 October 2021

වල්ගමදී දෙදෙනකුගේ දෑත් කැපීමේ සිද්ධියේ රහස එළියට

බණ්ඩාරගම වල්ගම සුනාමි නිවාස සංකීර්ණය තුළදී තියුණු ආයුධ ප්‍රහාරයට ලක්ව ඇත්තේ මෑතකදී රුපියල් කෝටි හතළිහකට අධික වටිනා හොරයින් මත්කුඩු තොගය අත්අඩංගුවට ගැනීමට පොලිසියට ඔත්තුව ලබාදුන් පුද්ගලයාට බවට තොරතුරු ලැබී ඇතැයි පොලිස් ආරංචි මාර්ග සඳහන් කරයි.

18 October 2021

නව සංචාරක ආයෝජන ව්‍යාපෘති 22කට අනුමැතිය

කොවිඩ් වසංගතය පැවතියදීත් මේ වසරේ මුල් මාසය නවය තුළ දී රජය රුපියල් කෝටි 1882 ක් වටිනාකමක් ඇති නව සංචාරක ආයෝජන ව්‍යාපෘති 22 ක් අනුමත කර ඇතැයි සංචාරක අමාත්‍ය ප්‍රසන්න රණතුංග මහතා අද (18) පැවසීය.

18 October 2021

ගම්පහ දිස්ත්‍රික් මහ රෝහලේ විරෝධතාවයක්

ගම්පහ දිස්ත්‍රික් මහ රෝහලෙහි නියෝජ්‍ය අධ්‍යක්ෂ ප්‍රියන්ත ඉලේපෙරුම මහතා කිසිදු හේතුවකින් තොරව රාගම රෝහලට මාරු කිරීමට එරෙහිව අද (18) දහවල් රෝහල් පරිශ්‍රයේදී විරෝධතාවයක් පැවැත්වූහ.

18 October 2021

නව ආණ්ඩුක්‍රම ව්‍යාවස්ථාව ලබන වසරේ

නව ආණ්ඩුක්‍රම ව්‍යවස්ථා කෙටුම්පත ලබන වසරේ රජයට ඉදිරිපත් කිරීමට බලාපොරොත්තු වන බවත් අභිනව ආණ්ඩුක්‍රම ව්‍යවස්ථාව කොටුම්පත සකස් කර නීති කෙටුම්පත් දෙපාර්තමේන්තුවට යොමු කර ඇති බවත් විදේශ අමාත්‍ය මහාචාර්ය ජී. එල්. පීරිස් මහතා පැවසීය.

18 October 2021

‘‘හැකි නම් 21 පාසල් විවෘත කර පෙන්වන්න‘‘

ගුරු විදුහල්පති වැටුප් ප්‍රශ්නයට විසඳුමක් නොදීම නිසා ලබන 21 වෙනිදා සිට වැඩ වර්ජනයක් ආරම්භ කරන බව ගුරු විදුහල්පති වැටුප් විෂමතාවයට එරෙහිව ජාතික එකමුතුවේ කැඳවුම්කරු උලපනේ සුමංගල හිමියෝ පැවසූහ.

18 October 2021

‘ත්‍රි‘මලේ වී ගොවීන්ට ගොවි සංවිධාන වලින් බලපෑම්‘

ත්‍රිකුණාමලය දිස්ත්‍රික්කයේ මෙවර මහ කන්නයට වී වගා කිරීමට ගොවිබිම් සූදානම් කර ඇති ගොවීන්ට වී ගොවිතැන් නොකරන ලෙස ඇතැම් ගොවි සංවිධානවලින් බලපෑම් එල්ලවීඇතැයි කෘෂිකර්ම අමාත්‍යාංශයට පැමිණිලි ලැබී තිබෙන බව කෘෂිකර්ම අමාත්‍ය මහින්දානන්ද අලුත්ගමගේ මහතා පැවසීය.

18 October 2021

මිචෙල් බැචලේ යළි ලංකාව ගැන කතා කරයි

ශ්‍රී ලංකාවේ තවදුරටත් පුද්ගලයන් අතුරුදන් කරවීම පිළිබද නොවිසිදුණු ගැටලු පවතින බව මානව හිමිකම් පිළිබද එක්ස්ත් ජාතීන්ගේ මහකොමසාරිස් මිචෙල් බැචලේ මහත්මිය එක්සත් ජාතීන්ගේ මහා මණ්ඩලය හමුවේ ප්‍රකාශ කරනු ලැබ ඇත.

18 October 2021

බලපත්‍ර නැතිව ගෙනා සීනි ටොන් 3500 ආපසු යවයි

ආනයන බලපත්‍ර නොමැතිව මෙරටට රැගෙන ආ සීනි කන්ටේනර් 130ක් ගොඩ බෑමට රජය අවසර නොදීම නිසා එම සීනි තොගය ප්‍රති අපනයනය කර ඇත.

18 October 2021

දෙසැම්බර් තෙක් විනෝද ගමන් එපා

අඩු තරමින් දෙසැම්බර් අවසන් වනතෙක්වත් විනෝද ගමන් බිමන්වලින් වළකින්නැයි සෞඛ්‍ය සේවා අධ්‍යක්ෂ ජනරාල් වෛද්‍ය අසේල ගුණවර්ධන මහතා ජනතාවගෙන් ඉල්ලීමක් කරයි.

18 October 2021

පොදු ප්‍රවාහනය තව කල් දමන්න

කොවිඩ් -19 රෝගය සැලකිය යුතු ලෙස පාලනය කරන තෙක් පොදු ප්‍රවාහන සේවා ආරම්භ කිරීම තවදුරටත් කල්දැමිය යුතු බව නියෝජ්‍ය සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය හේමන්ත හේරත් මහතා පවසයි

18 October 2021

මග මරුවාට ඊයේ හතක් බිලි

මාරක රිය අනතුරුවලින් පුද්ගලයන් හත් දෙනකු ඊයේ දින මියගොස් ඇතැයි පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරි නීතිඥ තල්දූව මහතා පැවසීය.

18 October 2021

“අපි ගුරුවරුන්ට උපරිමයෙන් කළා’’

ගුරු - විදුහල්පති වැටුප් ප්‍රශ්නයට රජය මේ අවස්ථාවේදී දියහැකි උපරිම විසඳුම දී ඇති බවත් රට ආර්ථික වශයෙන් අපහසුතාවට පත්ව ඇති මේ අවස්ථාවේදී මීට වඩා දෙයක් කළ නොහැකි බවත් විදේශ අමාත්‍ය මහාචාර්ය ජී. එල්. පීරිස් මහතා පැවසීය.

18 October 2021

‘‘පැයකට ළමා අපචාරයක් වෙනවා නම් අපි සීලාචාරද‘‘?

එක් දිනකදී මේ රටේ ළමා අපචාර 25ක් පමණ සිදු වෙනවා. ඒ කියන්නේ පැයකදී ළමා අපචාර එකකට වඩා සිදුවන බව ජනමාධ්‍ය අමාත්‍ය ඩලස් අලහප්පෙරුම මහතා පවසයි.

18 October 2021

බන්ධනාගාර රැඳවියන්ට දෑත් සෝදන්න සබන්

බන්ධනාගාර තුළ සිටින රැඳවියන් සඳහා දෑත් පිරිසිදුකාරක දියර වෙනුවට වහාම ක්‍රියාත්මක වන පරිදි සබන් භාවිත කිරීමට පියවර ගත් බව බන්ධනාගාරය කොමසාරිස් පාලන මාධ්‍ය ප්‍රකාශක චන්දන ඒකනායක මහතා පැවසීය .

18 October 2021

ඖෂධ අධිකාරියේ දත්ත මකූ ඉංජිනේරුවා යළි රිමාන්ඩ්

ජාතික ඖෂධ නියාමන අධිකාරියේ දත්ත මකා දැම්මැයි රක්ෂිත බන්ධනාගාර ගත කර සිටි එපික් ලංකා ටෙක්නොලොජීස්’ ආයතනයේ මෘදුකාංග ඉංජිනේරුවරයා ලබන 25 වැනිදා තෙක් තවදුරටත්රක්ෂිත බන්ධනාගාර ගත කිරීමට කොළඹ ප්‍රධාන මහේෂ් බුද්ධික ශ්‍රී රාගල මහතා නියෝග අද (18) කළේය .

18 October 2021

වැඩ වර්ජිත ගුරු - විදුහල්පතිවරු 25 සේවයට

ලබන 25 වැනි දා සේවයට වාර්තා කිරීමට ගුරු විදුහල්පති සමිති එකමුතුව අද තීරණය කර ඇතැයි වෘත්තීය සංගම් පවසයි.

18 October 2021

ලොරි -ලොරි හැපී පහක් රෝහලේ

මුන්දලම මංගලඑළිය ප්‍රදේශයේ දී 17 දින සවස එළවළු ප්‍රවාහනය කරමින් තිබු ශීතාගාර සහිත ලොරියක් හා කුකුළු පොහොර ප්‍රවාහනය කරමින් තිබු ලොරි රථයක් මුහුණට මුහුණ ගැටිමේන් පස් දෙනකු තුවාල ලබා හලාවත මහ රෝහලට ඇතුලත් කල බව මුන්දලම පොලිසිය කියයි.

18 October 2021

ගොවීන්ගේ හඬට කන් දීමට සූදානම්

ගොවීන්ගේ හඬට සවන් දීමට රජය සූදානම් යැයි වරාය හා නාවික කටයුතු පිළිබඳ අමාත්‍ය රෝහිත අබේගුණවර්ධන මහතා පැවසීය.

18 October 2021

මෙරට පළමු ටෙස්ට් නායක බන්දුල දිවිසැරිය නිමා කරයි

ශ්‍රී ලංකාවේ පළමු ටෙස්ට් ක්‍රිකට් නායකයා වන බන්දුල වර්ණපුර මහතා අද (18) පෙරවරුවේ කොළඹ පෞද්ගලික රෝහලකදී අභාවප්‍රාප්ත විය.

18 October 2021

“ඉන්ධන මිල ඉහළ දාන්නේ නෑ’’

ඉන්ධන මිල ඉහළ දැමීමට අපේක්ෂා නොකරන බවට රජය තමාට දැනුම් දී ඇතැයි ඛනිජ තෙල් නීතිගත සංස්ථාවේ සභාපති නීතිඥ සුමිත් විජේසිංහ මහතා පැවැසීය.

18 October 2021

අද දවසේ කාලගුණය

කළුතර, ගාල්ල සහ මාතර දිස්ත්‍රික්කවල අද (18) විටින් විට වැසි හෝ ගිගුරුම් සහිත වැසි ඇති වන බව කාලගුණ විද්‍යා දෙපාර්තමේන්තුව පවසයි.

18 October 2021

පුරාවිද්‍යා භූමියේ සී සාලා

ක්‍රිස්තු පූර්ව 238දී ඉදි කළ බව කියන මිහින්තලේ ඓතිහාසික සුලුගුලු විහාරය වටා ඇති පුරාවිද්‍යා ස්මාරක සහිත භූමිය එහි විහාරාධිපති හිමියන් ට්‍රැක්ටර් දෙකක් යොදවා සී සෑමක් සිදුකළේ යැයි කියන සිද්ධියක් සම්බන්ධයෙන් අවට ගම්මාන තුනක වැසියෝ එම විහාරස්ථානය වැටලූහ .

18 October 2021