එසැණ පුවත්

පාර්ලිමේන්තුව හෙට යළි කැඳවයි

පාර්ලිමේන්තුව හෙට (16) පස්වරු 1.30ට යළි කැඳවීමට මීට ස්වල්ප වේලාවකට පෙර අවසන් වූ පක්‍ෂ නායක රැස්වීමේදී තීරණය වූ බව කතානායක මාධ්‍ය අංශය පවසයි.

15 November 2018

කතානායකවරයා ව්‍යවස්ථාවත් ස්ථාවර නියෝගත් නොසලකා හැරලා

විශ්වාස භංග යෝජනාව ඉදිරිපත් කරද්දී ආණ්ඩුක්‍රම ව්‍යවස්ථාව , ස්ථාවර නියෝග සහ පාර්ලිමේන්තු සම්ප්‍රදායන් සියල්ල නොසලකා හැර කතානායකවරයා ක්‍රියාකර ඇතැයි ජනාධිපති මෛත්‍රීපාල සිරිසේන මහතා සඳහන් කරයි.

14 November 2018

ජනපති විශ්වාස භංගයට සහය පලකළ පක්ෂ නායකයන් කැඳවයි

විශ්වාස භංගයට පක්ෂව ඡන්දය ප්‍රකාශ කළ දේශපාලන පක්ෂ නායකන්ට හෙට උදෑසන 8.30ට ජනාධිපතිවරයා සාකච්ඡාවක් ලබා දී ඇතැයි ආරංචි මාර්ග කියයි.

14 November 2018

විශ්වාසභංගය පිළිගන්නේ නෑ

අගමැතිවරයා ඇතුළු කැබිනට් මණ්ඩලයට එරෙහිව ගෙනආ විශ්වාසභංගය තමන් පිළිනොගන්නා අතර පාර්ලිමේන්තුවේ ආණ්ඩුපක්ෂය ලෙස දිගටම අගමැති මහින්ද රාජපක්ෂ මහතා ප්‍රමුඛ කණ්ඩායම ක්‍රියාකරන බව රාජ්‍ය පරිපාලන, ස්වදේශ කටයුතු හා අධිකරණ අමාත්‍ය සුසිල් ප්‍රේමජයන්ත මහතා අද (14) පැවසීය.

14 November 2018

‘‘හොඳම විකල්පය අතුරු සම්මත ගිණුමක් සම්මත කරගැනීම‘‘

අයවැයක් ඉදිරිපත් කිරීමට නොහැකි නම් පාර්ලිමේන්තුවේදී අතුරු සම්මත ගිණුමක් සම්මත කරගැනීම තිබෙන හොඳම විකල්පය යැයි මහ බැංකු අධිපති ආචාර්ය ඉන්ද්‍රජිත් කුමාරස්වාමි මහතා අද (14) පැවැසීය.

14 November 2018

හෙට පාර්ලිමේන්තුවේදී මහින්දගෙන් ප්‍රකාශයක්

අග්‍රාමාත්‍යවරයා ලෙස මහින්ද රාජපක්ෂ මහතා හෙට පාර්ලිමේන්තුවේදී ප්‍රකාශයක් කිරීමට නියමිත බව වාසුදේව නානායක්කාර මහතා කියයි.

14 November 2018

ඉන්ධන මිල සූත්‍රය අහෝසි කළේ නෑ - මහ බැංකු අධිපති

ඉන්ධන මිල සූත්‍රය අහෝසි කර නැතැයි ද එය වෙනත් ක්‍රමවේදයකට ක්‍රියාත්මක වන්නේ යැයි ද ශ්‍රී ලංකා මහ බැංකු අධිපති ආචාර්ය ඉන්ද්‍රජිත් කුමාරස්වාමි මහතා අද (14) පැවැසීය.

14 November 2018

‘ගජ’ සුළි කුණාටුවේ බලපෑම උතුරු පළාතට

මධ්‍යම බෙංගාල බොක්ක ප්‍රදේශයේ පවතින ‘ගජ’ සුළි කුණාටුවේ බලපෑමෙන් හෙට (15) සවස් කාලයේ සිට උතුරු පළාත හරහා සහ අවට මුහුදු ප්‍රදේශවල ඉතා සැඩ ප්‍රහාරාත්මක සුළං හැමිය හැකි බව කාලගුණ විද්‍යා දෙපාර්තමේන්තුව පවසයි.

14 November 2018

පළාත් සභා මැතිවරණය පැරණි ක්‍රමයට පවත්වන්න කැබිනට් අනුමැතිය

ඉදිරි පළාත් සභා මැතිවරණය කඩිනමින් පැවැත්වීමේ අවශ්‍යතාවය සැලකිල්ලට ගනිමින් මෙවර පළාත් සභා මැතිවරණය පමණක් පැරණි සමානුපාතික නියෝජන ක්‍රමය යටතේ කාන්තා නියෝජනය සියයට 25ක් තහවුරු වන අයුරින් පැවැත්වීමට අමාත්‍ය මණ්ඩල අනුමැතිය හිමිව තිබේ.

14 November 2018

‘‘ප්‍රජාතන්ත්‍රවාදය ශිෂ්ටත්වයට පත් කළ හැක්කේ ජවිපෙට පමණයි‘‘

අශිෂ්ටත්වයට පත්වූ ප්‍රජාතන්ත්‍රවාදය ශිෂ්ටත්වයට පත් කළ හැක්කේ ජනතා විමුක්ති පෙරමුණට පමණක් යැයි එහි නායක අනුර කුමාර දිසානායක මහතා පාර්ලිමේන්තු සංකීර්ණයේදී අද (14) පැවති මාධ්‍ය හමුවකදී පැවසීය.

14 November 2018

‘දෙපාර්ශ්වයටම බහුතරය නැහැ‘

රජයට හෝ රනිල් වික‍්‍රමසිංහ මහතාගේ පාර්ශවය යන දෙපාර්ශවයටම පාර්ලිමේන්තුවේ බහුතරයක් නැතැයි ජනමාධ්‍ය, නිපුණතා සංවර්ධන හා වෘත්තීය පුහුණු අමාත්‍ය දයාසිරි ජයසේකර මහතා පැවසීය.

14 November 2018

ලුණු ලේවායේ හිටපු සභාපතිට මැර ප්‍රහාරයක්

හම්බන්තොට ලුණු ලේවායේ හිටපු සභාපති ආයුබ්ඛාන් මහතා ඇතුළු තිදෙනෙකුට අද (14) ලුණු ලේවාය අසළදී කිසියම් පිරිසක් විසින් පහර දි ඇතැයි හම්බන්තොට පොලීසිය පවසයි.

14 November 2018

ශ්‍රී ලන්කන් ගුවන් සේවයේ සභාපති යළි වෙනස් වෙයි

ශ්‍රී ලන්කන් ගුවන් සේවයේ නව සභාපතිවරයා ලෙස ජී. එස්. විතානගේ මහතා පත් කර තිබේ.

14 November 2018

පවතින අර්බුදය 78 දෙමුහුන් ව්‍යවස්ථාවේ ප්‍රතිඵලයක්

වර්තමාන අර්බුදය, මූලය පවතින්නේ 1978 දෙමුහුන් ආණ්ඩුක‍්‍රම ව්‍යවස්ථාව තුළ යැයි ශ්‍රී ලංකා නීති විද්‍යාලයේ හිටපු විදුහල්පති, මව්බිම වෙනුවෙන් වෘත්තියවේදියෝ සංවිධානයේ සභාපති ආචාර්ය ඩබ්ලිව් ඞී රොද්‍රිගෝ මහතා ප‍්‍රකාශ කළේය.

14 November 2018

ජනාධිපතිවරයා ව්‍යවස්ථානුකූල තීන්දුවක් ගනීවි

කතානායකවරයා විසින් යොමු කළ අත්සන් ලේඛනය සහිත ලිපිය ලැබුණු පසු ජනාධිපතිවරයා ඉදිරියේ දී ව්‍යවස්ථානුකූල තීන්දුවක් ගනු ඇතැයි සම කැබිනට් ප්‍රකාශක ඇමති මහින්ද සමරසිංහ මහතා පැවසීය.

14 November 2018

‘අධිකරණ තීන්දුව ජනතා ජයක්‘

විධායක ජනාධිපතිවරයෙක් විසින් නිකුත් කළ ගැසට් පත‍්‍රයක් තාවකාලිකව හෝ අත්හිටුවා අධිකරණ නියෝගයක් ලැබී තිබෙන්නේ ඉතිහාසයේ පළමු වතාවට බවද එය ප‍්‍රජාතන්ත‍්‍රවාදය අගයන ජනතාව ලැබූ විශාල ජයග‍්‍රහණයක් බවද ජනතා විමුක්ති පෙරමුණේ ප‍්‍රධාන ලේකම් ටිල්වින් සිල්වා මහතා අද (14) පැව

14 November 2018

‘ශ්‍රේෂ්ඨාධිකරණ තීන්දුව ක්‍රියාත්මක කරනවා‘

“පාර්ලිමේන්තුව විසුරුවා හැරීම සම්බන්ධයෙන් ආණ්ඩු ක්‍රම ව්‍යවස්ථාවේ අර්බුදයක් තිබේ නම් ඒ ගැන ශ්‍රේෂ්ඨාධිකරණ දෙන තීන්දුව ක්‍රියාත්මක කිරීමට මැතිවරණ කොමිෂන් සභාව බැදී සිටිනවා. අධිකරණයට ඉදිරිපත් වන කරුණු අනුව අවසානයේදී ශ්‍රේෂ්ඨාධිකරණය දෙන තීන්දුව පිළිගන්න අපි සියලු දෙනාටම සිදු වෙනවා.”

14 November 2018

විද්‍යුත් තැපෑල- සමාජ මාධ්‍ය ඔස්සේ මහා පරිමාණ මූල්‍ය වංචා

විද්‍යුත් තැපෑල සහ සමාජ මාධ්‍යයන් ඔස්සේ ජනතාව මුළාකරමින් මහා පරිමාණ මූල්‍ය වංචාවන් සිදුවන බවට පැමිණිලි ලැබී ඇතැයි ශ්‍රී ලංකා මහ බැංකුව සඳහන් කරයි.

14 November 2018

මන්ත්‍රීවරු 122 දෙනෙකුගේ අත්සන් සහිත විරෝධතා ලිපිය ජනපතිට යවයි

අග්‍රාමාත්‍යවරයා සහ කැබිනට් මණ්ඩලය ව්‍යවස්ථා විරෝධී බවට, මන්ත්‍රීවරු 122 දෙනෙකුගේ අත්සන් ලේඛනයක් සහිත ලිපියක් ඉදිරි ක්‍රියාමාර්ග සඳහා ජනාධිපතිතුමා වෙත යොමු කරන බව කතානායක මාධ්‍ය ඒකකය පවසයි.

14 November 2018

රුපියල යළිත් පහළම අගයට

දේශපාලන අර්බුදය මධ්‍යයේ රුපියලේ අගය තවදුරටත් පහළ හෙළමින් ඩොලරයේ අගය රුපියල් 177.62 ක් දක්වා අද (14) ඉහළ ගියේය.

14 November 2018

‘වලංගු නැති පාර්ලිමේන්තුවක තීරණ වලංගු නෑ‘

වලංගු භාවයක් නැති පාර්ලිමේන්තුවක ගත් තීරණ සියල්ල වලංගු නැති බවත් කවුරු මොන කතා කීවත් මහින්ද රාජපක්ෂ මහතා අගමැති ධුරයේ දිගටම කටයුතු කරන බවත් ඒකාබද්ධ විපක්ෂයේ නායක අමාත්‍ය දිනේෂ් ගුණවර්ධන මහතා පැවසීය.

14 November 2018

කොළඹ ජාතික රෝහලේ පරිභෝජනයට නුසුදුසු හාල් තොගයක්

ආහාරපාන ලබාදීමේ කොන්ත්‍රාත්තුව යටතේ සැපයුම්කරුවන් විසින් මිනිස් පරිභෝජනයට නුසුදුසු හාල් තොගයක් සපයා ඇති බවට කොළඹ ජාතික රෝහලේ සේවකයින් පිරිසක් රෝහල් බලධාරීන්ට පැමිණිලි කර ඇත.

14 November 2018

ගාමිණි සෙනරත්ට එරෙහි නඩුව දිනපතා විභාගයට

හිටපු ජනාධිපති මහින්ද රාජපක්‍ෂ මහතාගේ කාර්ය මණ්ඩල ප‍්‍රධානියා ලෙස කටයුතු කළ ගාමිණි සෙනරත් මහතාට එරෙහි නඩුව හෙට (15) සිට දිනපතා විභාගයට ගැනීමට ත්‍රිපුද්ගල මහාධිකරණ විනිසුරු මණ්ඩලය අද (14) තීරණය කර තිබේ.

14 November 2018

වඩ්වේල් සුරේෂ් ඉල්ලා අස්වෙයි

‘මම පක්ෂය දාලා ගියේ නැහැ. මේ මොහොතේ සිට මම ලබාගත් ඇමැති ධුරයෙන් අස් වෙනවා.‘ යැයි අමාත්‍ය වඩිවේල් සුරේෂ් මහතා පැවසීය.

14 November 2018

පාක්ෂිකයන් අතර උණුසුම් තත්ත්වයක්

පාර්ලිමේන්තුවේ ප්‍රධාන පිවිසුම අසළ පාක්ෂිකයින් අතර උණුසුම් තත්ත්වයක් හටගෙන ඇත.

14 November 2018

සමූහ මිනී වලෙහි කැනීම් තාවකාලිකව නවත්වයි

මන්නාරම, පැරණි සතොස ගොඩනැඟිල්ල පැවති ස්ථානයෙන් හමුවු සමූහ මිනීවලෙහි සිදු කල කැනීම් කටයුතු අද (14) සිට තාවකාලික නවතා දැමූ බව විශේෂඥ අධිකරණ වෛද්‍ය නිලධාරී ශමින්ද රාජපක්ෂ මහතා පැවසීය.

14 November 2018

වඩිවේල් සුරේෂ් ඉල්ලා අස්වීමට යයි

අමාත්‍ය වඩිවේල් සුරේෂ් මහතා සිය අමාත්‍ය ධුරයෙන් ඉල්ලා අස්වීමට යන බව වාර්තාවේ.

14 November 2018

පාර්ලිමේන්තුවේත් ඡන්දය ගණන් කිරීම හරියට නැතිලු

ආණ්ඩුවට එරෙහි යෝජනාව සඳහා පාර්ලිමේන්තුවේ ඡන්දය ගණන් කළ ආකාරය හරියට සිදු නොවූ බව හිටපු ඇමැති ඩබ්ලිව් ඩී ජේ සෙනවිරත්න මහතා පැවසීය.

14 November 2018