එසැණ පුවත්

රත්නපුර සම්බන්ධීකරණය ජනපති,කැබිනට් තීරණය විසි කරයි

සමනලවැව ජලාශයේ ජල කාන්දුවේ ජලය භාවිත කරමින් ජලාශයට පහළින් කුඩා පරිමාන විදුලි බලාගාරයක් ඉදිකිරිමට අවසර නොදීමට රත්නපුර දිස්ත්‍රික් සම්බධීකරණ කමිටු රැස්වීමේ දී තීරණය විය.

02 March 2024

අගමැති ගිය යානයේ දෝෂයකින් මාතර තානායමට හානී

රොනී ද මැල් මහතාගේ අවමගුලට පැමිණි අගමැතිවරයා රැගත් ගුවන් යානය මාතර කොටුව ක්‍රිඩාංගනයට ගොඩ බැස්සවීමට යාමේදී සිදු වු දෝෂයක් හේතුවෙන් මාතර තානායමේ වහලට හා එහි ආහාර පාන වලට දැඩි අලාභ හානි සිදු විය.

01 March 2024

ගෑනු වලියෙන් තිදෙනෙක් රෝහලට

මීගහකිවුල තල්දෙන දොළහ කණුව ප්‍රදේශයේදී අද (01) පස්වරු 6.00 ට පමණ එම ප්‍රදේශයේම කාන්තාවන් දෙපිරිසක් අතර ඇතිවූ ගැටුමකින් තුවාල ලැබූ දැරියක ඇතුළු කාන්තාවන් තිදෙනකු තුවාල ලබා ඇතැයි පොලිසිය කියයි.

01 March 2024

සූර් වී රිය අනතුරු කළ විශ්‍රාමික පොලිස් ලොක්කෙකු අත්අඩංගුවට

බීමත්ව රිය පදවා තුන්මුල්ල පිලිප් ගුණවර්ධන මාවතේදී යතුරු පැදියක සහ කාර්රථයක ගැටීමෙන් රිය අනතුරුක් කළ බව කියන විශ්‍රාමික ජේ්‍යෂ්ඨ පොලිසි අධිකාරීවරයකු කුරුඳුවත්ත පොලිසියේ රථවාහන අංශයේ නිලධාරීන් විසින් අද (01) සවස සැකපිට අත්අඩංගුවට ගන්නා ලදී.

01 March 2024

සෞඛ්‍ය ලේකම් සමන් රත්නායක අත්අඩංගුවට

ඉන්දියානු ණය යෝජනා ක්‍රමය යටතේ ව්‍යාජ ලේඛන සකස් කර ප්‍රමිතියෙන් තොර ප්‍රතිදේහ එන්නත් රජයේ රෝහල්වලට බෙදා හැරීම මඟින් රුපියල් කෝටි ගණනක වංචා කිරීම සහ රෝගී ජීවීත අනාරක්‍ෂිත තත්වයකට පත් කිරීමේ සිද්ධිය සම්බන්ධයෙන් දීර්ඝ ප්‍රශ්ණ කිරීම් වලින් අනතුරුව සෞඛ්‍ය අමාත්‍යංශයේ අතිරේක ලේකම් සමන් රත්නායක මහතා රහස් පොලිසිය අද (01) රාත්‍රී අත්අඩංගුවට ගත්තේය.

01 March 2024

හක්කා පටස් පුපුරා කුඩා දරුවකුට බරපතල තුවාල

ඉංගිරිය රයිගම්වත්ත පහළ කොටස ප්‍රදේශයේ දි හක්කා පටස් එකක් පිපිරීමෙන් කුඩා දරුවෙකු බරපතල තුවාල ලබා රෝහල් ගත කළ බව ඉංගිරිය පොලිසිය කියයි

01 March 2024

විදුලි බිල අඩු කිරීම දෙවැනි වරටත් කල්යයි

විදුලිබල මණ්ඩලය විදුලි ගාස්තු අඩු කිරීමට අවශ්‍ය දත්ත සම්පූර්ණයෙන් ඉදිරිපත් නොකිරීම නිසා විදුලි ගාස්තු අඩු කිරීම දෙවැනි වරට කල්දැමීමට මහජන උපයෝගිතා කොමිසම අද (1) පියවර ගත්තේය.

01 March 2024

’’රනිල්, ඔබ මගේ අවමංගල සභාව ඇමතිය යුතුයි’’

කෘතහස්ත දේශපාලනඥයකු මෙන්ම විශිෂ්ට ආර්ථික විශේෂඥයකු වූ හිටපු මුදල් අමාත්‍ය රොනී ද මැල් මහතා සමඟ කටයුතු කර ලැබූ අත්දැකීම අද දවසේ තම දේශපාලන කටයුතුවලට පන්නරයක් වී ඇති බව ජනාධිපති රනිල් වික්‍රමසිංහ මහතා පැවසීය.

01 March 2024

නීති විද්‍යාලයට වසර 150යි

ශ්‍රී ලංකා නීති විද්‍යාලයට වසර 150 ක් පිරීම නිමිත්තෙන් එම විද්‍යාල කළමනාකාරීත්වය තැපැල් මුද්‍රාවක් නිකුත් කළේය.

01 March 2024

බිත්තර ගැන බලාපොරෙත්තුවක් ලබන සතියේ

බිත්තර සඳහා උපරිම සිල්ලර මිල ලබන සතියේ දී පාරිභෝගික ආරක්ෂණ අධිකාරියට ඉදිරිපත් කරන බව කෘෂිකර්ම අමාත්‍යාංශය පවසයි.

01 March 2024

මෙම වසරේ විභාග කාලසටහන නිකුත් කරයි

අපොස සාමාන්‍ය පෙළ විභාගය (2023) ලබන මැයි මස 6 වැනිදා සිට 15 වැනිදා දක්වා පැවැත්වෙන බව විභාග දෙපාර්තමේන්තුව අද (1) නිල වශයෙන් නිවේදනය කළේය.

01 March 2024

සරසවි භික්ෂුවකට හා සිසුවෙකුට විවෘත වරෙන්තු

විශ්ව විද්‍යාල භික්ෂු බල මණ්ඩලයේ විරෝධතා රැලියකට එක්ව අයුතු ජන රාශියක සාමාජිකයින් වී යයි චෝදනා ලත් භික්ෂුවකට හා සිසුවෙකුට කොළඹ ප්‍රධාන මහේස්ත්‍රාත් ප්‍රසන්න අල්විස් මහතා අද (01) විවෘත වරෙන්තු නිකුත් කළේය.

01 March 2024

ලෝක වෙළෙඳ මධ්‍යස්ථානයේ ගිනි නිවීමේ පෙරහුරුවක්

මෙරට ප්‍රධානතම ගොඩනැගිල්ලක් වන ලෝක වෙළෙඳ මධ්‍යස්ථානයේ ගිනි නිවීම් සහ අනතුරු වැළැක්වීම පෙරහුරුවක් අද (1) පැවැත්විණි.

01 March 2024

පුටින්ගෙන් අනතුරු ඇඟවීමක්

යුක්රේනයට නේටෝ සංවිධානයේ සොල්දාදුවන් එවූහොත් ජර්මනියේ ඇඩොල්ෆ් හිට්ලර්ට සහ ප්‍රංශයේ නැපෝලියන් බොනපාට්ට අත්වූ ඉරණමට වඩා දරුණු ඉරණමක් බටහිර දේශපාලඥයන්ටද අත්වනු ඇතැයි රුසියානු ජනාධිපති ව්ලැදිමීර් පුටින් අනතුරු ඇඟවූවේය.

01 March 2024

සංචාරකයින් පැමිණිමේ වර්ධනයක්

ගෙවිගිය මාසයේ මෙරටට පැමිණි සංචාරකයින් දෙලක්ෂය ඉක්මවා ඇති බව ශ්‍රී ලංකා සංචාරක සංවර්ධන අධිකාරිය නිකුත් කරන වාර්තාවේ දැක්වේ. එසේ පැමිණි සංචාරකයින් සංඛ්‍යාව 218,350 කි.

01 March 2024

ශිෂ්‍යත්වයේ නැවත සමීක්ෂණ ප්‍රතිඵල ගැන අමාත්‍යංශයෙන් නිවේදනයක්

පහ ශ්‍රේණිය ශිෂ්‍යත්ව විභාගයේ නැවත සමීක්ෂණ ප්‍රතිඵල මත පාසල්වලට අයදුම් කිරීම පිළිබ‍ඳව අධ්‍යාපන අමාත්‍යංශය නිවේදනයක් නිකුත් කර තිබේ.

01 March 2024

රජීව් ගාන්ධි ඝාතකයාගේ සිරුර මෙරට ඥාතීන්ට

ඉන්දියාවේ හිටපු අග්‍රාමාත්‍ය රජීව් ගාන්ධි මහතාගේ ඝාතනය සම්බන්ධයෙන් වරදකරු වී සිටි ටී.සුරේන්ද්‍ර රාජා නොහොත් ශාන්තන් නැමැති අයගේ මළ සිරුර කටුනායක ගුවන් තොටුපොළ , ගුවන් භාණ්ඩ පර්යන්තය වෙත අද (01) දහවල් එවා තිබුණි.

01 March 2024

ජල මණ්ඩලයේ අන්තර් ජාලය බිඳ වැටිලා

ජල සම්පාදන හා ජලා ප්‍රවාහන මණ්ඩලයේ අන්තර් ජාල ගෙවීම් ක්‍රමවේදය අද දින උදෑසන සිට බිඳ වැටී ඇතැයි අභ්‍යාන්තර ආරංචි මාර්ග කියයි.

01 March 2024

සපුගස්කන්ද තෙල් පිරිපහදුව ජූලි මස තාවකාලිකව වසයි

සපුගස්කන්ද තෙල් පිරිපහදුවේ මෙහෙයුම් කටයුතු ලබන ජූලි මස තාවකාලිකව අත්හිටුවන බවත් වසර තුනකට වරක් කළ යුතු අනිවාර්ය නඩත්තු කටයුත්ත හෙවත් ‘මහපහදු නැවතුම 2024’ සඳහා මෙසේ දින 45 ක කාලයකට මෙහෙයුම් කටයුතු අත්හිටුවන බවත් ලංකා ඛනිජතෙල් නීතිගත සංස්ථාව පැවසීය.

01 March 2024

යුද්ධ කළ නැව් බලන්න ජනපති යයි

ශ්‍රී ලංකා සාගර කලාප මෙන්ම ඉන්දියානු සාගර කලාපය ද ආරක්ෂා කර ගැනීමේ වගකීම ශ්‍රී ලංකා නාවික හමුදාවට පැවරී තිබෙන බව ජනාධිපති රනිල් වික්‍රමසිංහ මහතා පැවසීය. ඉන්දියන් සාගරය තුළ මෙරට ආර්ථික වැඩසටහන්වලට හානිවීමට ඉඩ නොදෙන බව ද අවධාරණය කළේය.

01 March 2024

කන්දකාඩු වාර්තාව අධිකරණ ඇමතිට

පොළොන්නරුව කන්දකාඩු පුනරුත්ථාපන මධ්‍යස්ථානයේ පසුගිය සමයේ දිගින් දිගටම ඇතිවූ ගැටුම් සහ රැඳවියන් පලායාමේ සිදුවීම සම්බන්ධයෙන් සොයා බැලීම සඳහා පත්කළ කමිටුවේ වාර්තාව එහි සභාපති විශ්‍රාමලත් ශ්‍රේෂ්ඨාධිකරණ විනිසුරු හෙක්ටර් එස් යාපා මහතා විසින් අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය විජයදාස රාජපක්ෂ මහතාට අද(1) බාර දෙනු ලැබීය.

01 March 2024

විමල්ට සිතාසි

වසර 10ක කාලයක් තුළ සිය නීත්‍යනුකූල අදායම් හා වත්කම් වලින් උපයාගත නොහැකි වු රුපියල් මිලියන 75 කට අධික මුදල් හා වත්කම් උපයා ගත් බවට හිටපු අමාත්‍ය විමල් වීරවංශ මහතාට එරෙහිව අල්ලස් කොමිසම පැවරූ නඩුව යළි කැඳවන මාර්තු මස 22 වැනිදා අනීවාර්යෙන්ම අධිකරණයේ පෙනී සිටින ලෙස නියම කරමින් කොළඹ මහාධිකරණ විනිසුරු නවරත්න මාරසිංහ මහතා අද(01) සිතාසි නිකුත් කළේය.

01 March 2024

තායිලන්තයෙන් ලැබුණ ඩොලර් දුප්පතුන්ට දෙයි

කොළඹ හුණුපිටිය ගංගාරාම විහාරාධිකාරී ආචාර්ය කිරින්දේ අස්සජි හිමි සහ තායිලන්ත ජාතික බෞද්ධ බැතිමතුන් පිරිසක් ජනාධිපති රනිල් වික්‍රමසිංහ මහතා ජනාධිපති කාර්යාලයේදී හමුවී සමාජ සත්කාර වෙනුවෙන් ඇමරිකා ඩොලර් 50,000ක මූල්‍ය පරිත්‍යාගයක් සිදු කළහ.

01 March 2024

මාර්ග අනතුරු අවම කරන්න විශේෂ තේරීම් කාරක සභාවක්

මාර්ග අනතුරු හේතුවෙන් වටිනා මිනිස් ජීවිතවලට සහ ආර්ථිකයට වන හානිය ඇතුළු විශාල හානීන් පිළිබඳව අවදානය යොමුකර ‘මාර්ග අනතුරු අවම කිරීම පිළිබඳ විශේෂ තේරීම් කාරක සභාව’ක් පත්කරන ලෙස අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය විජේදාස රාජපක්‍ෂ මහතා කථානායකවරයාගෙන් ලිඛිත ඉල්ලීමක් කර තිබේ.

01 March 2024

පාලකයන් රටේ ප්‍රශ්න වචන අස්සේ හංගනවා

රට ගොදුරුව තිබූ දැවැන්ත අර්බුද ගණනාවකින් රනිල් - රාජපක්ෂ ආණ්ඩුව ගෙඩගත්තේ යැයි වර්තමාන පාලකයන් පවසන බවත් මෙම පාලකයන් ඉන්නකම් අර්බුද ඉවර නොකරන බවත් ජාතික ජනබලවේගයේ විධායක කමිටු සාමාජික සමන්ත විද්‍යාරත්න මහතා පැවසීය.

01 March 2024

මහ කන්නයේ වැඩිම වී අස්වැන්න උඩවලවෙන්

මෙවර මහ කන්නයේ වැඩිම වී අස්වැන්න උඩවලව කලාපයට අයත් කුඹුරුවලින් වාර්තා වී ඇතැයි කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පැවසීය.

01 March 2024

නීතී විරෝධි රැස්වීමක් පැවැත්වූ සහරාන්ගේ මස්සිනා අත්අඩංගුවට

මඩකලපුව කාත්තන්කුඩි පොලිස් බල ප්‍රදේශයේ කලපලාචේන ප්‍රදේශයේදී නීති විරෝධි රැස්වීමක් පවත්වමින් සිටි බව කියන සහරාන්ගේ මස්සිනා ඇතුළු 30 දෙනකු අත්අඩංගුවට ගත් බව පොලීසිය කියයි.

01 March 2024

දූපත් තුනකට විදුලිය දෙන්න ඉන්දියාවෙන් ඩොලර්

ඩොලර් මිලියන 10 කට අධික මුදලක් වැය කරමින් යාපනය දූපත් තුනක් වෙනුවෙන් විදුලිබලය සැපයීම ස`ඳහා දෙමුහුම් බලශක්ති ව්‍යපෘතියේ ඉදිකිරිමට ශ්‍රී ලංකාව සහ ඉන්දියාව අද (1) පෙරවරුවේ ගිවිසුම්ගත විය.

01 March 2024