එසැණ පුවත්

අහුන්ගලලේත් වෙඩි තැබීමක්

අහුන්ගල්ල ගල්වෙහෙර පදේශයේ අද(4)අලුයම් කාලයේ සිදුවූ වෙඩි තැබීමකින් එක් අයකු තුවාල ලබා රෝහල්ගත කළ බව අහුන්ගල්ල පොලීසිය කියයි.

04 October 2026

ඉඳුරුවේදි පොලිසියට වෙඩි තියන්න ගිය පාතාලයට පොලිසියෙන් වෙඩි

ඉඳුරුව අකාඩිගොඩ ප්‍රදේශයේ නිවසක සැකකටයුතු පිරිසක් සිටින බවට ලැබුණු තොරතුරක්මත වැටලීමට වලාන දූෂණ මර්ධන ප්‍රහාරක ඒකකයේ පොලිස් නිලධාරීන්ට පාතාල ක්‍රියාකාරුවන් දෙදෙනකු වෙඩි තැබීමට තැත් කළ අවස්ථාවේ පොලිස් නිලධාරීන් සිදු කළ වෙඩි තැබීමෙන් එක් අයකු තුවාල ලබා බළපිටිය මූලික රෝහලට ඇතුළත් කළ බව කොස්ගොඩ පොලීසිය කියයි.

03 October 2026

ඉඳුරුවේ වෙඩි තැබීමක්: අයෙක් රෝහලට

ඉඳුරුව අකාඩිගොඩ මීට සුළු වේලාවකට පෙර සිදුවූ වෙඩි තැබීමකින් පුද්ගලයකු තුවාල ලබා රෝහල්ගත කළ බවට තොරතුරු අනාවරණයවූ බව කොස්ගොඩ පොලීසිය කියයි.

03 October 2026

විවෘත වරෙන්තු ලබා සිටි ඥානසාර හිමි අත්අඩංගුවට

අභියාචනාධිකරණයෙන් හා මහාධිකරණයෙන් විවෘත වරෙන්තු ලැබ සිටි ගලගොඩඅත්තේ ඥානසාර හිමියන් පිටිගල තවලම පාරේ ලෙනගිරි ආරණ්‍ය සේනාසනයේ වැඩ සිටියදී අත්අඩංගුවට ගත් බව කොළඹ අපරාධ කොට්ඨාසය සඳහන් කරයි

03 October 2026

රියදුරැ බලපත්‍ර ලක්ෂ හතක් ගොඩ ගැහිලා

අංක තහඩු සහ රියැදුරු බලපත්‍ර නිකුත් කිරීමේ ප්‍රමාදය පිළිබඳ විමර්ශනයක් පවත්වා සම්පූර්ණ වාර්තාවක් ඉදිරිපත් කරන්නැයි යටිතල පහසුකම් හා උපායමාර්ගික සංවර්ධනය පිළිබඳ ආංශික අධීක්ෂණ පාර්ලිමේන්තු කාරක සභාව නිලධාරීන්ට උපදෙස් දුන්නේය.

03 October 2026

ජනාවාස දිනයට පාපැදි සවාරියක්

ලෝක ජනාවාස දින 2026 සැමරුම නිමිත්තෙන් නිවාස, ඉදිකිරීම් සහ ජල සම්පාදන අමාත්‍යාංශය පාපැදි සවාරියක් පැවැත්වීමට සැලසුම් කර තිබේ.

03 October 2026

දූෂණ විරෝධී කෙටුම්පත විවාදය එන 08 වැනිදා

දුෂණ විරෝධී (සංශෝධන) පනත් කෙටුම්පත දෙවැනි වර කියවීමේ විවාදය ලබන 08 වැනිදා බ්‍රහස්පතින්දා පැවැත්වේ

03 October 2026

අම්පාර රෝහල ඉදිරිපිට අනතුරින් කතක් මැරු:තුනක් රෝහලට

අම්පාර මහා රෝහල ඉදිරිපිට අද (3) පෙරවරු 11.00 ට පමණ ත්‍රී රෝද රථයක් සහ වෑන් රථයක් එකිනෙක ගැටීමෙන් සිදු වූ මාරක අනතුරකින් කාන්තාවක මිය ගොස් තවත් තිදෙනකුට තුවාල ලබා අම්පාර මහා රෝහලට ඇතුළත් කළ බව අම්පාර පොලිසිය පවසයි.

03 October 2026

රවාහනයේ වාහන නවයක් අතුරැදන්

ප්‍රවාහන අංශයේ වටිනාකම සඳහන් නොවන වාහන නවයක් අස්ථානගතවී ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන්වේ

03 October 2026

නිවෙසට හෙරෙන් විදුලිය ගත්තැයි කියන සජබ ප්‍රා.මන්ත්‍රිනියට ඇප

විල්ගමුව පේරකනත්ත යායදහය ප්‍රදේශයේ නිවසකට වංචනික ලෙස විදුලිය ලබාගත්තේ යැයි කියන විල්ගමුව ප්‍රාදේශීය සභාවේ සජබ මන්ත්‍රීවරියක රුපියල් ලක්ෂයක ශරීර ඇප මත මුදා හරින්නැයි ලග්ගල මහේස්ත්‍රාත් එන් .එස්. ජයසූරිය මහතා නියෝග කළේය.

03 October 2026

කතානායක බංගලාවේ බඩු පොත ගැන අහන්න 08 ක් අල්ලස් කොමිසමට කැඳවයි

කතානායකවරයාගේ නිල නිවසේ භාණ්ඩ වට්ටෝරු පොත අතුරුදන්වීමේ සිද්ධිය සම්බන්ධයෙන් එහි සේවකයන් අට දෙනෙකුට අල්ලස් හෝ දුෂණ චෝදනා විමර්ශන කොමිෂන් සභාව හමුවේ පෙනී සිටින ලෙස දැනුම්දී ඇත.

03 October 2026

වෙඩි තැබීම් 41කින්, 23ක් මරු දැකලා

මේ වසරේ මුල සිට මේ දක්වා සමස්ත වෙඩි තැබීමේ සිද්ධීන් 41 ක් වාර්තා වී ඇති අතර මියගිය ගණන 23 කි. එම වෙඩි තැබීම්වලින් 21 දෙනකු තුවාල ලබා ඇති බව පොලිසිය පවසයි.

03 October 2026

ලංකා මුහුදු සීමාවේ ඇති ඉරාන නැව්වලට උදව් කළොත් සම්බාධක

මෙරට විශේෂ ආර්ථික කලාපයේ නැංගුරම්ලා තිබෙන ඉරාන නෞකාවලට ඉන්ධන සහ සැපයුම් ලබා දුන් නෞකාවලට සේවය සපයන සමාගම්වල ලංකාවේ නෞකා දෙකක් දෙවැනි වටයේ සම්බාධක හේතුවෙන් අසාදුලේඛනගතවී ඇතැයි ආරංචි මාර්ග අද (02) ප්‍රකාශ කළේය.

02 October 2026

වනාතවිල්ලුව ලැස්ටෝස් වත්තේ අවි එකතු කළ දෙදෙනෙක් වරද පිළිගනිති

පාස්කු ප්‍රහාර එල්ල කළ සහරාන් හෂිම් ඇතුළු ආගමික අන්තවාදීන් සමග එක්ව පුත්තලම වනාතවිල්ලුව ලැස්ටෝස් වත්තේ නීති විරෝධී ආකාරයෙන් ගිනිඅවි ඇතුළු පුපුරන ද්‍රව්‍ය රැස් කිරීමේ චෝදනා සම්බන්ධයෙන් තමන් වරද පිළිගැනීමට සූදානම් බව පාස්කු මහණඩුවේ විත්තිකරුවන් සමග චෝදනා ලැබ සිටින අනෙකුත් විත්තිකරුවන් දෙදෙනා එම නඩුව විභාග කරන ත්‍රිපුද්ගල මහාධිකරණ විනිසුරු මඩුල්ලට දැනුම් දුන්හ.

02 October 2026

‘‘කුඩු බට්ටි‘‘ දිවි ඇති තෙක් සිරගෙට

තිසරපටේ සඟවාගෙන මක්කුඩු ජාවාරම් කිරීමේ චෝදනාවට වරදකරු වූ වැල්ලම්පිටියේ කුඩු බට්ටි නමැති කාන්තාවට කොළඹ මහාධිකරණ විනිසුරු ලංකා ජයරත්න මෙනෙවිය ජීවිතාන්තය දක්වා බරපතළ වැඩ සහිත සිර දඬුවම් නියම කළාය.

02 October 2026

මහනුවර රෝහලෙන් පැන්න ද්විත්ව ඝාතනයේ සැකකරු යාපනයෙන් මාට්ටු

හැටන්, දික්ඔය, ප්‍රදේශයේ වෙළෙදසලක පදිංචිව සිටි අඹුසැමි යුවළක් ඝාතනය කර පවුම් 18 ක් කොල්ලකෑවැයි පල්ලේකැලේ බන්ධනාගාරයේ රදවා සිටියදී අසනීප තත්ත්වයක් මත බන්ධනාගාර නිලධාරීන්ගේ ආරක්ෂාව යටතේ මහනුවර මහ රෝහලේ ප්‍රතිකාර ලබමින් සිටියදී පලාගිය සැකකරු යාපනය දුම්රිය නැවතුම් පොළ අසලදී අච අත්අඩංගුවට ගත් බව යාපනය පොලිසිය පවසයි.

02 October 2026

බලශක්ති වෙළඳපොලේ ශක්තිමත් රාජ්‍ය පංගුවක් තියාගන්නවා

බලශක්ති වෙළඳපොළ තුළ ශක්තිමත් රාජ්‍ය පංගුවක් පවත්වා ගනිමින් ජනතාවට කාර්යක්ෂම සේවාවක් ලබා දීම රජයේ අපේක්ෂාව බව ජනාධිපති අනුර කුමාර දිසානායක මහතා පැවසීය.

02 October 2026

ශිරාන් බාසික් ඇතුළු තිදෙනාගේ නඩුවට දින දෙයි

හෙරොයින් මත්ද්‍රව්‍ය ලඟ තබාගැනීම සහ ජාවාරම් කිරීමේ චෝදනා යටතේ ප්‍රබල මත්ද්‍රව්‍ය ජාවාරම්කරුවකු බව කියන ශිරාන් බාසික් නමැත්තා ඇතුළු විත්තිකරුවන් තිදෙනෙකුට එරෙහි නඩුවේ පුර්ව නඩු විභාග සම්මන්ත්‍රණය නොවැම්බර් 11 වැනිදා පැවැත්වීමට කොළඹ මහාධිකරණ විනිසුරු නයෝමි වික්‍රමසේකර අද (02) නියම කළාය.

02 October 2026

ජපන් මිත්‍රත්ව පාසල 20 වැනි උපන් දිනේ සමරයි

කළුතර, කටුකුරුන්ද ලංකා–ජපාන මිත්‍රත්ව සංවිධානය (Japan Sri Lanka Friendship Society – JSFS) සහ ඊට අනුබද්ධ ශ්‍රී ලංකා–ජපාන මිත්‍රත්ව පාසල ආරම්භ කර විසි වසරක් සපිරීම නිමිත්තෙන් සංවිධානය කළ 20 වැනි සංවත්සර සැමරුම් උත්සවය සෞඛ්‍ය හා ජනමාධ්‍ය අමාත්‍ය වෛද්‍ය නලින්ද ජයතිස්ස මහතාගේ ප්‍රධානත්වයෙන් කළුතර, පැනරෝමා හෝටල් පරිශ්‍රයේදී පැවැත්විණි.

02 October 2026

නුවරඑළිය තැපැල් කාර්යාලයේ ප්‍රතිසංස්කරණ ආණ්ඩුකාරවරයාගේ නිරීක්ෂණයට

නුවරඑළිය නගරයේ ඓතිහාසික වටිනාකමක් සහිත නුවරඑළිය තැපැල් කාර්යාලයේ ප්‍රතිසංස්කරණ කටයුතුවල වර්තමාන තත්ත්වය සොයා බැලීම සඳහා මධ්‍යම පළාත් ආණ්ඩුකාරවර විශේෂඥ වෛද්‍ය හර්ෂ සුරංග ප්‍රනාන්දු මහතා පසුගිය දිනක එහි නිරීක්ෂණ චාරිකාවක නිරත විය.

02 October 2026

දුමින්දගේ රන් ආලේපිත ගිනි අවිය සම්බන්ධ නඩුව නොවැම්බර් 4

රන් ආලේපිත ටී 56 වර්ගයේ ගිනි අවියක් සොයා ගැනීමේ සිද්ධිය සම්බන්ධයෙන් හිටපු අමාත්‍ය දුමින්ද දිසානායක මහතාට සහ කාන්තාවකට එරෙහිව පවරා ඇති නඩුවේ පූර්ව නඩු විභාග සම්මන්ත්‍රණය නොවැම්බර් 04 වැනිදා පැවැත්වීමට කොලඹ මහාධිකරණ විනිසුරු උදේශ් රණතුංග මහතා අද නියම කළේය.

02 October 2026

විභාග ප්‍රතිඵල ඉක්මනින් නිකුත් කරන්න පාර්ලිමේන්තු කමිටුව මැදිහත් වෙයි

ශ්‍රී ලංකා විභාග දෙපාර්තමේන්තුව සම්බන්ධයෙන් මීට පෙර රජයේ ගිණුම් පිළිබඳ කාරක සභාව (කෝපා) විසින් ලබාදුන් නිර්දේශ ක්‍රියාත්මක කිරීමේ ප්‍රගතිය පිළිබඳව එම කාරක සභාව පාර්ලිමේන්තුවේදී අවධානය යොමු කළේය.

02 October 2026

ජෙට් ඉන්ධන නළ මාර්ගයේ - නව තෙල් ටැංකි සංකීර්ණයේ ඉදිකිරීම් ඇරැඹේ

ලංකා ඛනිජ තෙල් නීතිගත සංස්ථාවේ (CPC) ජෙට් A-1 නළ මාර්ග පද්ධතියද, ලංකා ඛනිජ තෙල් නීතිගත සංස්ථාවට (CPC) සහ ලංකා ඛනිජ තෙල් ගබඩා පර්යන්ත සමාගමට (CPSTL) අයත් නව තෙල් ටැංකි ගබඩා පද්ධති දෙකකද ඉදිකිරීම් ඇරැඹීම ජනාධිපති අනුර කුමාර දිසානායක මහතාගේ ප්‍රධානත්වයෙන් අද (02) ආරම්භ කෙරිණි.

02 October 2026

සරණට සරණ වෙන්න ගිය රෙජිස්ටාරුත් අත්අඩංගුවට

සිරදඬුවම් ලද හිටපු ඇමති සරණ ගුණවර්ධනට අඩු දඬුවම් ලබාදීම සඳහා අල්ලස් ගත්තේ යැයි කියන කොළඹ මහාධිකරණයේ ආරච්චිවරයාට ආධාර අනුබල දෙමින් කුමන්ත්‍රණය කිරීමේ චෝදනාව ලද මිනුවන්ගොඩ දිසා මහේස්ත්‍රාත් අධිකරණ රෙජිස්ටාර්වරයා අල්ලස් කොමිසම මගින් අත්අඩංගුවට ගෙන ඇත.

02 October 2026

ලබන සතියේ පාර්ලිමේන්තුවේ වැඩ වෙන හැටි

පාර්ලිමේන්තුව ඔක්තෝබර් 6 සිට 9 දක්වා රැස්වීමට නියමිත බව පාර්ලිමේන්තුවේ මහ ලේකම් කුෂානි රෝහණදීර මහත්මිය පැවසුවාය.

02 October 2026

දූෂණ විරෝධී පනත් කෙටුම්පතට ආංශික සභා අනුමැතිය

දූෂණ විරෝධී (සංශෝධන) පනත් කෙටුම්පතට රාජ්‍ය පාලනය, යුක්තිය සහ සිවිල් ආරක්ෂණය පිළිබඳ ආංශික අධීක්ෂණ කාරක සභාවේ අනුමැතිය හිමි විය.

02 October 2026

කොළඹ පේරාදෙණිය දුම්රිය ධාවනයට

2025 වසරේ නොවැම්බර් මාසයේ ඇතිවූ දිට්වා සුළි කුණාටුවෙන් පසු ,බරපතළ නායයාම් තත්ත්වයන් ඇති වූ උඩරට දුම්රිය මාර්ගයේ කොළඹ කොටුව සිට පේරාදෙණිය දක්වා දුම්රිය ධාවනය කටයුතු අද ආරම්භ කෙරිණි.

02 October 2026

සලේට ප්‍රතිකාර කළ වෛද්‍යවරුන් දහයකට නොතිසි

පාස්කු ඉරිදා එල්ල කළ මාගෙන මැරෙන ත්‍රස්ත ප්‍රහාරය සම්බන්ධයෙන් රැඳවුම් නියෝග මත රඳවාගෙන ප්‍රශ්න කරන රාජ්‍ය බුද්ධි සේවයේ හිටපු ප්‍රධානී සුරේෂ් සලේ මහතා පරීක්‍ෂා කර ඔහු සම්බන්ධයෙන් වාර්තා ඉදිරිපත් කළ ජාතික රෝහලේ අධ්‍යක්ෂකවරයාට සහ වෛද්‍ය මණ්ඩලයේ සාමාජිකයන් වශයෙන් කටයුතු කළ වෛද්‍යවරුන් දසදෙනාට ලබන 06 වැනිදා අධිකරණයේ පෙනී සිටින ලෙස නියම කරමින් කොටුව මහෙස්ත්‍රාත්වරයා නොතිසි නිකුත් කළේය.

02 October 2026