එසැණ පුවත්

අද කොරෝනා ආසාදිතයන් 501 යි

කොවිඩ්-19 වයිරසය ආසාදනය වූ නව ආසාදිතයන් 243 දෙනෙකු අද රාත්‍රියේදී හඳුනාගත් බව රජයේ ප්‍රවෘත්ති දෙපාර්තමේන්තුව පස්වරු 21.10 ට නිකුත් කළ වාර්තාවේ දැක්වේ.

19 February 2021

රවීගේ නඩුව ඇසීමට විනිසුරු මඬුලු දෙකක්

යහපාලන රාජ්‍ය පාලන සමයේදී පැවැත්වූ බැඳුම්කර වෙන්දේසි දෙකකදී රජයට රුපියල් කෝටි ගණනක පාඩු සිදුකළ බවට එම රජයේ මුදල් අමාත්‍යවරයා ලෙස කටයුතු කළ රවී කරුණානායක මහතා ඇතුළු විත්තිකරුවන්ට එරෙහිව නීතිපතිවරයා ගොනුකළ නඩු දෙක විභාග කිරීම සඳහා අගවිනිසුරු ජයන්ත ජයසූරිය මහතා විසින් විශේෂ මහාධිකරණ විනිසුරු මඩුලු දෙකක් අද (18) පත්කරන ලදී.

18 February 2021

රජයේ සේවකයන්ගෙන් රජයට කෝටි හයහමාරක පොල්ලක්

වසර 08ක කාලයක් රජයේ නිලනිවාසවල පදිංචිව සිටි බලධාරින්ගෙන් රුපියල් මිලියන 64.6 ක නිවාස කුලී රජයට අයවිය යුතුව තිබූ බව වාර්තා වී තිබේ.

18 February 2021

කැස්බෑව අධිකරණය වහයි

කැස්බෑව අධිකරණයේ සේවයේ නියුතු නීතීඥ අඹුසැමි යුවළකට කොරෝනා වයිරසය ආසාදනය වීම හේතුවෙන් එම අධිකරණයේ සාමාන්‍ය රාජකාරි කටයුතු තාවකාලිකව අත්හිටුවීමට පියවර ගත් බව කැස්බෑව සෞඛ්‍ය වෛද්‍ය නිලධාරී වෛද්‍ය සමන්තිකා විජේසුන්දර මහත්මිය (19) දා පැවසුවාය.

18 February 2021

හිජාස් හිස්බුල්ලා රිමාන්ඩ්

රැඳවුම් බාරයේ තබා සිටි නීතීඥ හිජාස් හිස්බුල්ලා මහතා කොළඹ කොටුව මහේස්ත්‍රාත් අධිකරණයට ඉදිරිපත් කිරීමෙන් අනතුරුව ලබන 3 වැනිදා දක්වා රිමාන්ඩ් බාරයට පත් කිරීමට කොළඹ කොටුව ප්‍රධාන මහේස්ත්‍රාත් ප්‍රියන්ත ලියනගේ මහතා අද (18) නියෝග කළේය.

18 February 2021

පොලිස් නිලධාරීන් බව අඟවා කප්පම් ඉල්ලූ කල්ලියක් අල්ලයි

බස්නාහිර පළාත් භාර ජ්‍යෙෂ්ඨ නියෝජ්‍ය පොලිස්පති දේශබන්දු තෙන්නකෝන් මහතාගේ විශේෂ ඒකකයේ පොලිස් නිලධාරින් කණ්ඩායමක් බව පවසමින් බලපිටියේ පාතේගම යෝගාශ්‍රම විහාරාධිපති බ්‍රාහ්මණවත්තේ විමලවාස තිස්ස හිමියන්ගෙන් රුපියල් ලක්ෂ 10 ක කප්පම් මුදලක් ඉල්ලූ පොලිස් ස්ථානාධිපතිවරයෙකු, ප්‍රාදේශීය සභා මන්ත්‍රීවරයෙකු ඇතුළු 5 දෙනෙක්ගෙන් සමන්විත කණ්ඩායමක් අද (18) පස්වරුවේදී බලපිටියේ දි සැකපිට ප්‍රශ්න කිරීම සදහා අහුන්ගල්ල පොලීසිය අත්අඩංගුවට ගෙන ඇත.

18 February 2021

පියාගේ ඝාතකයන්ට සමාව දුන්නා - රාහුල් ගාන්ධි කියයි

සිය පියාගේ ඝාතකයන්ට සමාව දුන් බව ඉන්දීය කොංග්‍රස් පක්ෂයේ නායක රාහුල් ගාන්ධි මහතා ඉන්දියාවේ පුඩුචෙරිහිදී පැවැසීය.

18 February 2021

රිය අනතුරට ලක්වූ ආසාදිතයා රෝහලට ගෙන ගිය පොලිසියේ 5 ක් නිරෝධායනයට

රාවතාවත්තේදී රිය අනතුකට ලක්ව මහ මග වැටී සිටි කොරෝනා ආසාදිතයකු රෝහලට ගෙන ගිය මොරටුව පොලිස් රථවාහන අංශයේ ස්ථානාධිපති ඇතුළු පස් දෙනෙකු අද (18) ස්වයං නිරෝධානයට ලක් කළ බව පොලිසිය පවසයි.

18 February 2021

චමල්ට තවත් රාජ්‍ය ඇමති තනතුරක්

රාජ්‍ය ආරක්ෂක හා ආපදා කළමනාකරණ රාජ්‍ය අමාත්‍යවරයා ලෙස සහ ස්වදේශ කටයුතු රාජ්‍ය අමාත්‍යවරයා ලෙස චමල් රාජපක්ෂ මහතා අද (18) පස්වරුවේ ජනාධිපති කාර්යාලයේ දී ජනාධිපති ගෝඨාභය රාජපක්ෂ මැතිතුමා ඉදිරියේ දිවුරුම් දුන්නේය.

18 February 2021

හිජාස් හිස්බුල්ලා කොටුව අධිකරණයට

පාස්කු ප්‍රහාරය සම්බන්ධයෙන් රහස් පොලිසිය මගින් අත්අඩංගුවට ගෙන මාස 10කට අධික කාලයක් රැඳවුම් නියෝග මත සිටි නීතිඥ හිජාස් හිස්බුල්ලා මහතා අද(18) පස්වරුවේ කොළඹ කොටුව මහේස්ත්‍රාත් අධිකරණයට ඉදිරිපත් කරනු ලැබීය.

18 February 2021

තෙල් ටැංකි රාජ්‍ය සමාගමකට

ත්‍රිකුණාමලය තෙල් ටැංකි සමූහය ජනතාවට වගකියන රාජ්‍ය සමාගමක් විසින් පාලනය කෙරෙන අතර එහි කටයුතු රාජ්‍ය විගණනයට යටත් වනු ඇති බව බලශක්ති අමාත්‍ය උදය ගම්මන්පිල මහතා ප්‍රකාශ කළේය.

18 February 2021

දුම්රියේ ලක්ෂ 18 ක් සල්ලි පිල්ලි ගිහින්

දුම්රිය ස්ථානවල අඩුපාඩු මිලදී ගැනීම සඳහා වාර්ෂිකව වෙන්කෙරෙන මුදලින් 2018 වසරේ එම දෙපාර්තමේන්තුව රුපියල් ලක්ෂ 18 කට මිලදී ගත් භාණ්ඩ කිසිවක් දෙපාර්තමේන්තුවට ලැබී නැතැයි එම දෙපාර්තමේන්තු ආරංචි මාර්ග පවසයි.

18 February 2021

කෙරවලපිටිය කුණු කන්ද ගිනි ගනී

වත්තල කෙරවලපිටිය කසල කන්දේ අද(18) හදිසි ගින්නක් හටගෙන ඇති බව පොලිසිය කියයි.

18 February 2021

ගම්මන්පිලට එරෙහි මුදල් නඩුව මාර්තු 22දා කැඳවයි

රුපියල් මිලියන ගණනක මුදලක් වංචා කිරීම හා සාපරාධී සාවද්‍ය පරිහරණය කළ බවට චෝදනා ලැබ සිටින පිවිතුරු හෙළ උරුමයේ නායක පාර්ලිමේන්තු මන්ත්‍රී උදය ගම්මන්පිල මහතාට එරෙහි නඩුව ලබන මාර්තු 22 කැඳවීමට කොළඹ මහාධිකරණ විනිසුරු නාමල් බලල්ලේ මහතා අද (18) නියම කළේය.

18 February 2021

වතු අධිකාරීවරුන්ට පහරදී ගොම වතුරින් නාවති

මස්කෙළිය පොලිස් වසමේ වතුයායේ වතු අධිකාරිවරයාට සහ සහකාර වතු අධිකාරිවරයාට පහර දී එම දෙදෙනා ගොම වතුර වලින් නැව්වේ යැයි කියන සිද්ධියක් සම්බන්ධයෙන් එම වතු යායේ වතු කම්කරුවන් 8 දෙනෙකු සැකපිට අද (18) අත්අඩංගුවට ගත් බව මස්කෙලිය පොලිසිය පවසයි.

18 February 2021

“හොඳ හිත නෙළුම් බුදු කුලුන” අගමැති සුරතින් විවෘත කෙරේ

තිස්සමහාරාම, පොල්ගහවැලෑන, පන්නෙගමුව පාරේ පිහිටි හොඳ හිත සිතිවිලි මන්දිර පරිශ්‍රයේ ඉදිකළ අඩි 127ක් උස “හොඳ හිත නෙළුම් බුදු කුලුන” අග්‍රාමාත්‍ය මහින්ද රාජපක්ෂ මහතාගේ සුරතින් අද (18) විවෘත විය.

18 February 2021

කළුතර සිවිල් ආරක්ෂක බලකා කඳවුරේ 20 කට කොරෝනා

කළුතර සේරුපිට සිවිල් ආරක්ෂක කඳවුරේ 20 දෙනෙකුට කොරෝනා වයිරසය ආසාදනය වී ඇති බව කළුතර දිස්ත්‍රික් පරිපාලන මහජන සෞඛ්‍ය පරීක්‍ෂක ආර්.ජී.සිංහබාහු මහතා පැවසීය.

18 February 2021

කාදිනල්තුමන්ගේ පෙත්සම ගැන කරුණු දක්වන්න පොලිස්පති -ආරක්ෂක ලේකම් 5වැනිදා කැඳවයි

පාස්කු ප්‍රහාරයෙන් පසු මුස්ලිම් පල්ලිවලින් සොයා ගත් 6000 කට ආසන්න කඩු තොගයක් මෙරටට ආනයනය කර බෙදා හැරීම පිළිබඳව විමර්ශනයක් පවත්වන ලෙස පොලිස්පතිට නියෝග නිකුත් කරන්නැයි ඉල්ලා, මැල්කම් කාදිනල් රංජිත් කොළඹ අගරදගුරුතුමෝ ගොනු කළ රිට් පෙත්සම සම්බන්ධයෙන් ලබන මාර්තු 05 වැනිදා අධිකරණය හමුවේ පෙනී සිට කරුණු දක්වන්නැයි අභියාචනාධිකරණය පොලිස්පති, ආරක්ෂක ලේකම් ඇතුළු වගඋත්තරකරුවන්ට අද (18) නොතීසි නිකුත් කළේය.

18 February 2021

‘2025 දී ශ්‍රී ලංකාවේ ඖෂධ අවශ්‍යතාවෙන් සියයට 50ක් සපයනවා’

ශ්‍රී ලංකාවේ ඖෂධ අවශ්‍යතාවයෙන් 50%ක් 2025 වනවිට සැපයීමටත්, 2030 වනවිට ඩොලර් බිලියනයක අපනයන ආදායමක් ඉපැයීමටත් සහතික වන බව ශ්‍රී ලංකා ඖෂධ නිෂ්පාදකයින්ගේ සංගමය පවසයි.

18 February 2021

රන්ජන්ගේ ජීවිතයට තර්ජනයක් ඇතැයි දිලිප් කියයි

සිවු අවුරුදු සිරදඬුවමකට යටත්ව සිටින රංජන් රාමනායක මන්ත්‍රීවරයා රඳවා ඇති අඟුණකොළපෑලැස්ස බන්ධානාගාරය තුළදී ඔහුට ජීවිත තර්ජනයක් ඇතැයි හිටපු ධීවර රාජ්‍ය අමාත්‍ය දිලිප් වෙදආරච්චි මහතා පැවසීය.

18 February 2021

අධිබලැති පුපුරණ ද්‍රව්‍ය ළඟ තබාගත් සැකකරු ත්‍රස්ත විමර්ශන ඒකකයට

වවුනියාව, නෙඩුන්කේනි, සේනපිලව් ප්‍රදේශයේ නිවසක් තුළ තිබී අධිබලැති පුපුරණ ද්‍රව්‍ය සහ බෝම්බ ළඟ තබාගෙන සිටි සැකකරු ත්‍රස්ත විමර්ශන ඒකකය වෙතට බාර දීමට පොලීසිය විසින් පියවර ගනු ලැබීය.

18 February 2021

යාල කැලේ ගල් ලෙණක කෝටියක ගංජා

යාල කලාප අංක 03 ප්‍රදේශයේ ගල් ලෙණක සඟවා තිබු වියළි ගංජා ගෝනි 25ක් සොයා ගැනීමට කතරගම වනජීවි කාර්යාලයේ නිගධාරිහු පිරිසක් අද(18) සමත් වුහ.

18 February 2021

‘නිරෝධායන’ දැන්වීම ඉවත්කරනතෙක් නිවාසවලින් බැහැරයාම තහනම්

නිවෙස්වල නිරෝධායන සහ ස්වයං නිරෝධායන සඳහා යොමුව සිටින පිරිස, සෞඛ්‍ය බලධාරීන් විසින් එම නිවසේ අලවා ඇති දැන්වීම ඉවත් කරන තෙක් ම එම නිවෙස් වලින් බැහැර යාම සම්පුර්ණයෙන්ම තහනම් බව පොලිස් මාධ්‍ය ප්‍රකාශන නියෝජ්‍ය පොලිස්පති අජිත් රෝහණ මහතා පැවසීය.

18 February 2021

වෙඩි බෙහෙත් ඇතුළු පුපුරන ද්‍රව්‍ය සොරාගත් තිදෙනෙක් දැලේ

පාදුක්ක මීපේ දෙකදවල නුරා නියාවත්ත වත්ත ප්‍රදේශයේ ගල් වලක් පිහිටි භූමියේ කන්ටේනර පෙට්ටියක ගබඩා කර තිබූ වෙඩිබෙහෙත් ඇතුළු රසායනික ද්‍රව්‍ය සොරා ගැනීම සම්බන්ධයෙන් පුද්ගලයන් තිදෙනෙකු අද( 18) අත්අඩංගුවට ගත් බව පාදුක්ක පොලිසිය කියයි.

18 February 2021

නියෝජ්‍ය පොලිස්පතිනිය වෙනුවෙන් මන්ත්‍රීවරියෝ සටනට බසිති

ලංකාවේ ප්‍රථම නියෝජ්‍ය පොලිස්පතිනි ධුරයට උසස් කරන ලද බිම්සානි ජාසිංහආරච්චි මහත්මියගේ වෘත්තීය අයිතිවාසිකම් සහ රැකියාවේ සුරක්ෂිතභාවය වෙනුවෙන් තම සංසදය පක්ෂ භේදයකින් තොරව පෙනී සිටින බවත්, ඇය වෙනුවෙන් සාධාරණය ඉෂ්ට වන තෙක් සටන් කරන බවත් පාර්ලිමේන්තුවේ මන්ත්‍රීවරියන්ගේ සංසදය පවසයි.

18 February 2021

පොලිස් කණ්ඩායම්වලින් හැඳුනුම්පත් ඉල්ලන්න

කිසියම් පුද්ගල කණඩායමක් විමර්ශන සඳහා යැයි නිවසකට හෝ ස්ථානයකට පැමිණයහොත් ඔවුන්ගේ පොලිස් හැඳුනුම්පත පරීක්ෂා කිරීමට ජනතාවට අයිතියක් ඇති බව පොලිස් මාධ්‍ය ප්‍රකාශක නියෝජ්‍ය පොලිස්පති අජිත් රේහණ මහතා පැවසීය.

18 February 2021

ඉතිහාසය නිවැරදි කරන්න විද්වත් කමිටුවක් ඕනෑ

බුදු දහම විකෘති කරන අවස්ථාවල දී සහ ඉතිහාසය හෝ පුරාවිද්‍යා ස්ථානයන් පිළිබඳ වැරදි අර්ථකතන දෙන අවස්ථාවන් හිදී ඒවා නිවැරදි කිරීම් ඇතුළු කටයුතු සඳහා විද්වත් කමිටුවක් පත් කරන ලෙස ශ්‍රී ජයවර්ධනපුර විශ්ව විද්‍යාලයේ පාලි හා බෞද්ධ අධ්‍යනාංශයේ මහාචාර්ය මැදගොඩ අභයතිස්ස හිමියෝ ජනාධිපති ගෝඨාභය රාජපක්ෂ මහතා වෙත යෝජනාවක් ඉදිරිපත් කළහ.

18 February 2021

රූපවාහිනී වැඩසටහන නතර කළාට 80,000 ක් බැගින් වන්දි

ශ්‍රී ලංකා රූපවාහිනී සංස්ථාව මගින් විකාශය කළ ’’ඉරා අඳුරු පට’’ නැමැති වැඩසටහන හදිසියේ අතරමග නතර කිරීම තුළින් එම ආයතනය එම වැඩසටහනේ ප්‍රේක්ෂකයින් වූ නිදහස් මාධ්‍ය ව්‍යාපාරයේ හිටපු කැඳවුම්කරු උවිදු කුරුකුලසූරිය ඇතුළු දෙදෙනෙකු මූලික මිනිස් අයිතිවාසිකම් උල්ලංඝනය කිරීමක් සිදුකර ඇතැයි තීන්දු කළ ශ්‍රේෂ්ඨාධිකරණය එම පෙත්සම්කරුවන් දෙදෙනාට රුපියල් 30, 000/- බැගින් වන්දි මුදල් ගෙවන්නැයි රජයට නියෝග කරන ලදී.

18 February 2021